أ.حسين عبيدة


Channel's geo and language: not specified, not specified
Category: not specified


ابحث عن نفسك بين دعوات الناس
https://youtube.com/channel/UCgFRkeE7sLtRBnypmfXTnaA

Related channels  |  Similar channels

Channel's geo and language
not specified, not specified
Category
not specified
Statistics
Posts filter


🟣اي شي بالدنيا ، مستحيل يشتغل لفترة طويلة بنفس الطاقة وبنفس
الاندفاع

⬅️اكيد ، يحتاج راحة (فترة توقف)
علمود يعيد نشاطة🚴🚴‍♀️
ويرجع ينطلق اقوى💪🏻

⬅️هواي امثلة بحياتنا ، اصفن شوي وراح تلكَه كلشي يشتغل بستمرار راح تقل طاقته او يصير بي خلل ( عطل ).

🟢 راح اختار (الطالب) كمثال 🤝👇

⬅️ الطالب تشوفه بالبداية منطلق ومندفع وعنده واهس وياكل الكاع بدراسته.
(( الجسم نشيط والحالة نفسية حلوة والواهس موجود وكل الاشياء الايجابية موجودة والسبب الرئيسي لكل هاي الاشياء الايجابية⬅️ العقل 🧠
بقمة طاقتة ونشاطه🔥))

⬅️ يوصل الطالب نص الطريق او يقرب لنهاية الطريق ،ويشعر بالاتي :👀👇
١- تعب (ارهاق)❌
٢- واهس ماكو❌
٣- ملل من الدراسة❌
٤- يحس فقط الوقت يمشي بلا فائدة❌
٥- النفسية تكون زفت ❌
(( تتولد كل الاشياء السلبية ))

⬅️كل هاي الاسباب ، اذا بقى الطالب مستمر وما يتوقف ،
هاي الاسباب تأدي :👇
١- المواضيع تصير صعبة .

٢- الحالة النفسية تكون كلش مو زينة
(( من تشوف نفسك بصعوبة تتقبل الموضوع تبدي تكره المادة فتبدي تضوج ويتعكر المزاج والنفسية )).

٣- تبدي الافكار السلبية تجيك وتبدي تتأثر باي كلام سلبي (( اعيد سنة ، مااطلع معدل ، ما الحك ، اترك السادس ، …الخ))

٤- تبدي تشوف الوقت يمشي ويتقدم وانت واكف ما جاي تكمل مادة (( تنام هواي ، تصفن هواي ، تشكي وتتحجج هواي ، … الخ )).

٥- تبتعد عن الدراسة (( لان كرهتها ، الروتين والاستمرار بلا توقف يخليك تكره الشي فتبدي تطلع اعذار علمود تبتعد ))

⬅️ السبب الرئيسي لكل هاي الاشياء السلبية هو ⬅️ العقل🧠 ،
اي العقل نفسه
(( تعبته وخليته يفقد طاقتة ونشاطة وما انطيته مجال يرتاح وضليت تجيب وتحط بي تجيب وتحط بي ، ترسته ترس معلومات وماانطيته مجال يرسخ هل معلومات ، بده العقل يفقد شغفة بعمله وطاقتة وصار يكره هل العمل لان بستمرار فالنتيجة تكون سلبية والسبب مو العقل❌ السبب انت✅ لان العقل بيدك وانت تتحكم بي))

⬅️ بس اذا ريحت عقلك شوي (( انطيته وقت يرتاح ويعيد نشاطة وتنطي مجال يرسخ المواضيع الي دخلتها الى وتخلي العقل شوي يبتعد عن روتين الدراسة وشوفة الكتب ، وبنفس الوقت تريح جسمك وتبتعد كلك عن هل روتين ،عن الدراسة وتغير جوو ، راح تشوف النتيجة بعد رجعوك كلش حلوة ، مثل البداية ، لان انت شحنت العقل وشحنت جسمك ونفسيتك وكلشي بيك ورجعت تشتغل))

⬅️ تلقائياً ، ترجع تشتغل بندافع وبطاقة ( مثل شغلك بالبداية )
ماكو ملل✅
الطاقة رجعت✅
الحالة النفسية تحسنت✅
عرفت الاخطاء وبديت اصححها✅
رجعت تستقبل المواضيع وتتقدم✅
راحت الافكار السلبية✅
وتبدي الاشياء الايجابية ترجع✅

⬅️ اخذها نصيحية من شخص قبلك مار بطريق السادس اكثر من مرة

⬅️الزيادة نفس النقصان والله
((كلشي يزيد عن حده يصير ضده))

مرات شخص نحبه كلش ، اذا دوم نشوفه👀 بستمرار بلا توقف ، هم يبدي شغفنا لهل شخص مو نفس بالبداية واذا ابتعدنا عن بعض فمن نرجع يكون اكو اشتياق ولهفة || شلون اذا شي نكرهه من البداية وهو الكتب والسادس .

⬅️يحتاج عقلك🧠 كل شهر او شهرين ،تنطي راحة ((اقل شي ٣ الى ٥ ايام راحة بلا دراسة ❌بلا ما تشوف الكتب 📖❌اصلاً ))

⬅️صدك ، هل كم يوم ما تأثر عليك ، بالعكس راح تنطيك نتيجة حلوة بالنهاية

⬅️لا تحطم عقلك 🧠الي هو سلاحك تحارب بي الوزاري ،
خلي يرتاح شوي واعتني بي ، سلام🤝

https://t.me/H_HHX


🟢مسرحية ⬅️ ((ثانية يجيء الحسين))
🟡للشاعر ⬅️ محمد علي الخفاجي

🟣 تعال نخسر (٢٩ )دقيقة
علمود نضبطها سوه 🤝


مسرحية ⬅️ ثانية يجيء الحسين || الادب والنصوص (٦٩)
https://youtu.be/VF3oz4oK3vk


شلونكم 🤝

⬅️ اتابع تعليقات او يوصل الي سكرين
او مسجات :👀👇

⬅️استاذ جاي يسربون محاضراتك مال كذا مادة ، استاذ مخططاتك جاي ينشروها وما يخلون اسمك …الخ

😂😂😂😂😂😂 ليش منو كلكم هاي محاضراتي او مخططاتي

⬅️ هذا رزق من الله ، ورزق ربك مباح للجميع ✅وما يتوقف ابد✅

⬅️ الطالب لا يخاف او يتنكر علمود ينشر شي خاص بيه 😂😂😂 بالعكس خلي يتفاخر لان هو جاي يساعد الطلاب
وانه بنفسي اكَول الى : شكراً على تعبك والله يرزقك بالمعدل العالي يا رب🤲

((تعالو بسااااع هاي محاضرات حسين عبيدة الخصوصي قبل لا تنمسح😂😂))
يخاف المستهتر😂😂

3.7k 0 15 228 49

⬅️ الاستثناء (مجاني)✅


⬅️النفي ( مجاني)✅


⬅️قواعد ( خصوصي)✅


Forward from: Unknown
doc18-03-2022_1_15.55.09.655.pdf
708.1Kb
🔳ادب (خصوصي)


Forward from: Unknown
doc18-03-2022_1_15.52.19.039.pdf
2.1Mb
🔳ادب ( مجاني)


((بعد ما تخرجت من السادس👨🏻‍🎓))

🔳هواي اخطاء اكتشفتها ، بسبب:👇
١- العقل نضج 🧠✅
٢- صرت صاحب تجربة✅

🟣خطأ من مجموعة اخطاء 👇👇

⬅️جنت اركض بدراستي 🏃‍♂️ علمود اكمل قبل (شهر الرابع) ، ليش؟؟
⬅️الجواب = علمود ابدي مراجعة والله.
لان الطلاب هيج سامعها ، لازم المراجعة تكون من شهر الرابع ( وماطول الاغلبية هيج تسوي ، معناها لازم اسوي نفسهم)

⬅️فجنت اركض بالمادة ركض🏃‍♂️ ، فهمت الموضوع ما فهمت ، المهم كون انه مكمل قبل الشهر الرابع ( خليت بعقلي 🧠 فكرة لازم اكمل قبل الرابع )

⬅️ النتيجة :👀👇
١- خليت عقلي يفكر شلون يكمل المادة ، مو شلون يفهم المادة

٢- ضيعت شهرين الى ٣ اشهر تقريباً ( لان توقفت بالرابع وعلى اساس مضبط المواد وراح اراجع )

٣-من بديت اراجع ، لكيت اساسي للمواد كلها ضعيف وهش ، لكيت اكثر المواضيع ، اذكر شايفها ، بس شوو جني توني ادرسها ( طبعاً ، لان جان همي اخلص المواد ، مو افهم المواد || وكلشي يخلص بساع يزول بساع)

٤- نجي لاهم شي ، حالتي النفسية صارت صفر ( لان وصلت لنهاية الطريق ومكيف مخلص موادي ، بس من رجعت عليهم ، حسيت جاي اخسر عليهم وقت بالدراسة نفس الوقت والتعب الي خسرته عليهم اول ما درستهم )
بدت الافكار تدمرني ( بعد ما تلحك ، اجل السنة ، السادس صعب ، كلشي ما جاي افهم … الخ)

٥- من الخوف والقلق ، تضل تدرس بهوسه ( كل يوم مادة شكل ، وتدرس بسرعة لان الوقت جاي يخلص )
وبهل طريقة ، اذا جنت ضابط ٥٠٪؜ من المادة ، حتى هاي ال٥٠٪؜ راح تطير
لان انت عالجت الخطأ بخطأ

🔳 لو رجع بيه الوقت ، شراح تسوي 👇

⬅️استمر بدراستي لحد يوم الوزاري ومااتوقف علمود المراجعة ، تعرفون ليش؟؟👇

⬅️لان راح اشتغل على طريقة الدراسة والمراجعة بنفس الوقت ( ماادرس الجديد الا اراجع القديم ، واراجعة من البداية)

🔳 النتيجة :👀👇

١- بمكان مااراجع مرة وحدة فقط( من شهر الرابع ) ، انه بهاي طريقتي كل يوم جاي اراجع ( وكل ما زادت عدد مرات المراجعة ، زاد ضبطي للمادة وقل وقت المراجعة بالمرة الجاية )

٢- توفر عندي بعد وقت اكثر ، اكمل على نقوصاتي وعلى موادي براحتي ( بمكان مااتوقف بشهر الرابع ، استفاد من هاي ال٣ اشهر واكمل دراستي للوزاري )

٣- مااحتاج مراجعة بعد ( لان انه كل يوم جاي اراجع ) وبهل طريقة حتى الخوف يختفي مني ( لان بكل مرة اراجع جاي احس نفسي مسيطر على المادة ، فاكون جاهز لاي اختبار يصير الي ) فادخل للوزاري وانه مرتاح نفسياً

٤- حتى الاشياء الصعبة الي مرت عليه ( بكثرة المراجعة ، عقلي هضم هاي الاشياء بكثر ما شافها ومرت عليه ، فصارت سهله والسبب مراجعتي المتكررة )



🔳والله العظيم اكبر غلط ❌، تخسر ٣ اشهر او شهرين علمود المراجعة
( هذا الوقت كافي تضبط بي مادتين على الاقل )

⬅️ المراجعة الحقيقة ( كل يوم✅، مو مرة وحدة ❌)

((بالنهاية انت حر🤷🏻 ))، سلام🤝


انه لو طالب حالياً بمكانك👨🏻‍🎓

⬅️وحدة من الخطوات الي اسويها 👇

🔴مواضيع الادب والنصوص = ٣١
والمعروف عن الادب هو مادة حفظية
( والحفظ صعب يضل بالعقل 🧠اذا ما يتراجع كل يوم ونذكر العقل🧠 بي )

⬅️فاذا اترك الادب واهمله لحد ما يقترب الامتحان ( والله عندي مواد اهم فالادب بعدين ارجع الى او بعدين اراجع الي درسته من عنده… الخ )

❌راح اطيح بمشكله كلش جبيرة 👇
( ارجع اتعب على الادب مثل التعب الي تعبته بالبداية واخسر نفس الايام الي خسرتها عليه بالبداية لان هو حفظي وانه هملته فأكيد الحفظ طار ، وانه حالياً بقمة احتياجي للايام لان الوزاري قرب )

🟢زين شسوي ، حتى احافظ على حفظي للمواضيع الي درستها من الادب🤔
شلون اضمن الي درسته من الادب يبقى بالعقل 🧠ليوم الوزاري 🤔👇

⬅️بين وبين نفسي اكَول : مرة استاذ كَالي ( كلشي بالدنيا صعب اذا جزئنا راح يصير سهل )👇
منااا ليوم الوزاري ، عندي اكثر من (٣) اشهر ( اذا مو ٤ اشهر تقريباً )👇

⬅️ ليش مااخصص من يومي ، ساعة وحدة لكتاب الادب ( من اليوم ليوم الوزاري)

⬅️ بهل ساعة ادرس ادب ☑️
( ودائماً قبل لا ابدي بالموضوع الجديد - لازم اراجع الي درسته من الادب من البداية )

⬅️ صح راح امشي بطيئ ، بس الي راح ادرسه واكمله ، راح ارتاح من عنده واضمن هو بالعقل 🧠يبقى
( لان كل ما اراجع اكثر ، يزيد ضبطي للمادة اكثر ويقل عندي وقت المراجعة)

⬅️ بهل نظام ( اشيل من تفكيري حمل كتاب الادب + الايام الي مخصصها لكتاب الادب راح انطيها لغير مادة + بيوم الوزاري راح الكَه نفسي بكمل كتاب الادب وانه ما ادري بروحي )

⬅️ بهل نظام ، حتلو ما فاتح كتاب الادب نهائياً ، هم راح يجي يوم الوزاري وتلكَه نفسك مضبط الكتاب وانتِ ما حاس بنفسك ( لان انتِ مخصص ساعة من يومك لهل كتاب )

🟣لو تكعد دائماً بينك وبين نفسك وتلزم ورقة وقلم وتخطط قبل لا تدرس ( جان كلشي لكيته سهل وجان دائماً يكون عندك وقت ) بس مشكلتنا كطلاب 👇

⬅️ ندرس بساعات هواي وبجهد هواي
بس بلا تخطيط ، لذلك بالنهاية ما تطلع النتيجة الي ترضينا 🥺، ودائماً نحس وقت ماعدنا 🏃‍♂️🏃‍♂️

(خطط قبل لا تنفذ = راح تنبهر بالنتيجة)




نصيحة رقم2️⃣

⬅️اكو نوعين من الاساتذة: 👀👇

🔞 النوع الاول : 👀👇
⬅️يشرح الك المنهج مثل ما هو يريد✅
⬅️مو مثل ما يريد الطالب ❌
شلون ؟ ما فهمت🤔👇

🔺يختار الجمل
الي ترهم على القاعدة مالته✔️
( علمود يروايك المادة شكد بسيطة)

🔺يسويلك الموضوع
بعدد محاضرات قليلة
( علمود يجذبك تتابع محاضراته )

🔺يبتعد على جميع فكرة وزارية صعبة
( لان الفكر الصعبة تحتاج الى اساسيات
والى شرح باكثر من محاضرة ، وهل شي يزيد من عدد محاضرات الموضوع )

🔺يختار الك عدد معين من الجمل
( لان اذا اطرق لكل الجمل الموجودة بالكتاب + الوزاري ، هل شي يزيد من عدد محاضرات الموضوع )

🔳تعرف ليش هيج يشتغل ؟🤔
⬅️لان هو يشتغل
على نقطة ضعف الطالب

🔳نقاط ضعف الطالب :👇
⬅️يريد الموضوع :👀
🔺 بعدد محاضرات قليلة✅
🔺وقت قليل✅
🔺يحل كل الاسئلة الي ضمن المحاضرة✅

🔳الطالب تلقائياً ، بس يدخل لاي استاذ
بساع يباوع👀 لعدد المحاضرات والوقت لكل محاضرة🕠
( يموت على الاستاذ الي عدد محاضراته قليلة والوقت مالتهن قليل 🤤😍)

⬅️لذلك الاستاذ
يصيد الطالب بنقاط ضعفه👏
( تعال خصوصي عيوني😁)

⬅️وبنسبة ٨٠٪؜
الاستاذ ينجح ويصيد الطالب
ويوصل لمبتغاة ( عقل تجاري😉)

💡النوع الثاني الثاني : 👀👇
⬅️يشرح المنهج بما يرضي الله والضمير
شلون؟ ما فهمت🤔👇

🔹يعتبر الطالب ناسي كلشي مر عليه بالسنين السابقة
( فيشرح الك كل الاساسيات الي تحتاجه
على الرغم انت ماخذها بالسنين السابقة)

🔹يطرق لكل جمل الكتاب ولكل جمل
الوزاري ( علمود يطرق لكل الافكار المنهجية والوزارية )

🔹يبتعد عن الجمل السهله
الي كل طالب بالدنيا يكدر يحلها
( لان هو ما جاي يجمل الك المحاضرة
جاي ينطيك المادة الحقيقية )

🔹بعد كل موضوع ، لازم يطرق لكل وزاريات هذا الموضوع ( علمود يثبت الك ، انت مسيطر على الموضوع ، لان هو الاختبار والمقياس الحقيقي هو الوزاري)


🔹من يشرح المحاضرة ، مايفكر كون المحاضرة وقتها قليل ❌ ، يفكر كون المحاضرة توصل لعقل الطالب
( لذلك ما يهتم للوقت
ولا لعدد محاضرات الموضوع )

🔳تعرف ليش يشتغل ؟🤔
⬅️لان بالبداية مخلي الله بين عيونه👀
والي يخلي الله بين عيونه👀 ، يكون عنده ضمير يحاسبة ، لذلك ينطي المادة الي ترضي الطالب
( يشتغل على مصلحة✅ الطالب مو رغباته❌)

🔳بس بهل شي ، راح يخسر متابعة اغلبية الطلاب ، واغلبية الطلاب راح تبتعد
عنه ( وما توصي بمتابعتة🥺)

⬅️لان هو ما اشتغل على (رغبات)❌
اغلبية الطلاب،
لان يعرف اغلبية الطلاب بعدها صغيرة
ومو ناضجة١٠٠٪؜ فما يعرف مصلحتة صح

⬅️ومن باب الانسانية ومخافة الله
لازم الاستاذ الحقيقي يوعي الطالب على مصلحتة ، مو يشتغل علمود يرضي رغباته
( كل شخص بداية طريق ، يكون جاهل لنقاط ضعف وقوة هل طريق ، يعني ما يعرف شيسوي / محتار )


😂اتابع تعليقات
الطلاب على قنوات الاساتذة
الي شارحين المادة بعدد محاضرات هواي ، وبنفس الوقت
التعليقات الي تجيني :👇

🔹شقصة مسوي الموضوع بكذا عدد🥺
🔹شقصه وقت المحاضرة هواي🥺
🔹يخوي كلشي يشرح هذا🥺
🔹يخوي يشرح على كيف🥺
🔹يخوي يتعمق هذا🥺
🔹هواي يسولف هذا🥺

⬅️اطرح عليك سؤال ،
واصفن عليه ثم جاوب🤌🏿

بضميرك ، اذا الاستاذ راد يشرح كل الامثلة والتمارين وكل وزاريات الموضوع
وكل الاساسيات الي تحتاجها وكل الافكار المنهجية والوزارية ( من ال٩٠ الى ال٢٠٢٠)
وتريد ابسط الملاحظات وابسط الطرق
واكثر من طريقة للحل وتريد تطلع ١٠٠

❓بضميرك ، تكفي ١٠ محاضرات للموضوع؟
شلون تريد انطيك الموضوع بالكامل
وتريد تحل كل سؤال وزاري ب ١٠ محاضرات او ب١٥ شلون؟

❓سؤال ثاني واصفن وبعدين جاوب🤌🏿

بضميرك ، يعني الاستاذ منو الاسهل الى
يصور ١٠ محاضرات لو يصور ٣٠ محاضرة؟

❓سؤال ثالث واصفن عليه وجاوب🤌🏿

بضميرك، معقولة الاستاذ بهل عدد من المحاضرات يتكلم باشياء زايدة ومالها داعي؟

🪛🪛🪛🪛🪛🪛🪛🪛🪛🪛🪛🪛🪛

🧈الزبدة :👀👇
اركض ورى الي يبجيك😭 بالدراسة✅
ولا تركض ورى الي يضحكك😂❌

⬅️لان الي يبجيك 😭بالبداية
يضحكك بالنهاية😂

⬅️اما الي يضحكك 😂 بالبداية
يبجيك😭 بالنهاية

سلام🤝


📣 الطلاب الي تسأل عن
محاضرات ⬅️ الكيمياء

⬅️كتاب 👈 الكيمياء✅

🟣الفصل الاول :👀👇

علم الثرموداينمك👀👈 الفصل الاول✔️
https://www.youtube.com/playlist?list=PLoYPO0sy0TTDuRgSpCd57g8qNVgyXSHA9


🟢الفصل الثاني :👀👇

الاتزان الكيميائي 👀👈 الفصل الثاني✔️
https://www.youtube.com/playlist?list=PLoYPO0sy0TTD77nxUfuxJuy5CPnr8iE93


🟤الفصل الثالث :👀👇

الفصل الثالث ( الاتزان الايوني ) 👀
https://www.youtube.com/playlist?list=PLoYPO0sy0TTBaBJavdFDnfvgqJ1i0okcG


🔳 نصيحة رقم 1️⃣ ( كتاب القواعد)

⬅️عندك كتاب 📖، يحتوي :👇
( امثلة + تمارين ) || وعندك (وزاري)

⬅️اكتفي فقط بالكتاب✔️ والوزاري✔️
⬅️ابتعد ❌عن اي شي خارج👇
(الكتاب + الوزاري)

🔞لان القواعد بحر 🐳

⬅️الى بداية 🎬بس ما الى نهاية🔚❌
وانت جاي تدرس منهج السادس✅
ما جاي تدرس القواعد بصورة عامة❌

⬅️ جا ليش تروح تدور جمل اثرائية او خارج المنهج وتحرك نفسك🔥 ، هل فكرة غلط❌ شيلها من عقلك🧠👊🏿

⬅️تريد تقوي نفسك 💪🏻 ، اشتغل وحل الوزاريات + التمارين الخاصة بالكتاب ، هل شي كلش كافي🤝

⬅️لان اذا رحت🏃🏃‍♀️ ودرست جمل خارج المنهج❌ ( يجوز هل جمل الفكرة مالتها ما موجودة ضمن المنهج❌ ولا الوزاري❌ ، بهل حالة ما راح تحل السؤال ❌والنتيجة تاخذ فكرة عن نفسك انت ما مضبط الموضوع 🥺وراح تتعب حالتك النفسية 🤒وهل شي يأذيك وما ينفعك 🤢🤮)
وانت اصلاً مضبط منهجك✅ بس جاي تلعب بشي خارج المنهج فاكيد ما تجاوب❌
( يا اخي اختبر نفسك بالوزاريات ✅ بتمارين كتابك✅ ، ليش تتعب عقلك بشي ما دارسة لان هو خارج المنهج❌ ليش👊🏿👊🏿👊🏿)

⬅️افهم شي : 👇
ترة مستحيل اكو قاعدة تنطبق على كل جمل القواعد❌ ، مستحيل اكو ملاحظة تنطبق على كل جمل القواعد❌
تعرف ليش ؟
💡الجواب سهل : 👇
لان القواعد بحر🐳 ما الى نهاية🔚❌

⬅️فكل (ملاحظة )ينطيها الك الاستاذ او
كل (قاعدة) ينطيها الك الاستاذ
فقط تنطبق على جمل واسئلة منهج السادس فقط✅
( لان انت طالب سادس)
اما خارج السادس ، اكيد ما تطبق❌
لان كل قاعدة او ملاحظة والها (شواذ)🐒

🧈الزبدة = اكتفي وركز على 👇

الكتاب ✅+ الوزاري✅

⬅️كل فكرة بعيدة عن الكتاب او الوزاري
سوي نفسك ما تشوفها👀❌

⬅️ابتعد عن شي اسمه
خارجي❌🤮
او اثرائي❌🤮

⬅️هاي (المصطلحات) البعض🔞يمشيها على الطالب الغافل🥺
بصفة انت👈 (لازم تقوي نفسك)

⬅️اي ، قوي نفسك 💪🏻بمنهجك فقط✅
مو تقوي نفسك بشي خارج السادس❌

🪛ارجع واكلك 👇

📢القواعد = بحر ، بحر ، بحرررررررررر
📢وانت طالب سااااااااااادس فقط

🧈 اذا رحت
للخارجي والاثرائي 👈👀🏃‍♀️🏃
ترجع 👈👀👩🏻‍🦼👨🏻‍🦯


🔳اقره المسجات واسمع بالفويزات
والقران ابجي وانه اشوف مسجاتكم والفويزات

🔳صرت اتهرب من الرد على الاتصالات
لان من اسمع ولي امر طالب
يوصل لمرحلة يتوسل ، والقران جسمي يرجف

🔳بس شنو الي بيدي🥺، والله صرت انام وانه اصور ، وزني ناقص ١٧ كيلو 🥺

🔳كل (بشر) اشوفه اطلب منه يدعيلي
الله ينطيني الوقت والطاقة
علمود اكمل🥺

🔳اتمنى اجمعكم بمكان واحد
واشتغل وياكم من الصبح لليل
لحد يوم الامتحان
( لا احتاج تصوير ، مونتاج ، تنزيل )

🔳بس شسوي🥺
( طلباتكم هواي وانه بس واحد 😭😭)

🔳ادعولي بس
ادعولي الله يساعدني واكمل الكم🥺


بالبداية شلونكم 🤝🥺
الطلاب الي معتمدة على الله وعلى الاستاذ

💜ممكن لو سمحتوو تنفذون الكلام الي راح ينكَال :👀👇

1️⃣ تراجعون محاضرات (الفيزياء) الي درسناها سوه بالسابق👇
{ ١٣ محاضرة✅ || الفصل الاول }

🔳قبل لا تتابعون
المحاضرات الجديدة ⏳ ( بالطريق )

https://youtube.com/playlist?list=PLoYPO0sy0TTC7Mq25NbFtBVB71WBGyHuP

2️⃣ تراجعون محاضرات (الكيمياء) الي درسناها سوه بالسابق ،
وخاصتاً الفصل الثالث👇
{ ٢٢ محاضرة✅ || الفصل الثالث }

🔳قبل لا تتابعون
المحاضرات الجديدة ⏳ ( بالطريق )

https://youtube.com/playlist?list=PLoYPO0sy0TTBaBJavdFDnfvgqJ1i0okcG

3️⃣تراجعون مواضيع (الادب) ومن البداية
( القسم الاول / الثاني / الثالث / الرابع )

🔳قبل لا تتابعون
المحاضرات الجديدة ⏳ ( بالطريق )

https://youtube.com/playlist?list=PLoYPO0sy0TTA-YhvwRP0bbW0PVXFZ1aJG

4️⃣محاضرات ( وزاريات النفي ) الي جاي يتابعهم 👀، لازم يراجع النفي ومن البداية بالسجل ، قبل لا يدخل لكل (سنة ) وزارية جديدة

{حالياً ١١ محاضرة✅ || جاري التنزيل⏳}

https://youtube.com/playlist?list=PLoYPO0sy0TTAWI5bLggWJJNPE1OGYj1pt

⬅️خلي شي واحد ابالكم ، وداعت امي

افكر بدراستك وبمصلحتك
اكثر من نفسك انت كطالب

⬅️بس حاول تخلي شي واحد ابالك

انه بس واحد🥺 والقران بس واحد🥺
وانتم اهواي وطلباتكم هواي🥺
ورسائلكم هواي🥺

اطلب الي تريده
وبعون الله اكدر اساعدك بي 🥺👇

https://t.me/mhjrt90_bot


الجواب /

1️⃣ لذة فنيه ومنفعة وانفعالاً خاصاً يحرك فيه المشاعر والاحاسيس

2️⃣ إذ يشكل عاطفة جياشة ونغماً عذباً واسلوباً جزلاً قوياً حيث تجب القوة وهو نغم حزين واسلوب سهل المواضيع التي تناسب ذلك وهكذا يناسب اسلوبه ونغمه الحالة التي يصورها قوة ورقة

3️⃣ ضل الشعر العربي قبل عصر النهضة ولاسيما في النص الاول من القرن التاسع عشر وما قبله يدور في حلقة ضيقة من الموضوعات الذاتية الفردية التي لا تمس روح الشعر ولا حياة الناس ولا شؤونهم العامة حتى غرق في نظم لا صلة لها بالشعر غير الوزن والقافية كشعر المناسبات ونظم الالغاز والتاريخ الشعري والمساجلات الارتجالية فهو شعر ضعف فيه الخيال وصدق العاطفة والجمال الفني وعمق التجربة ولكن بعض الشعراء استطاعوا ان ينهضوا بمواهبهم ويحققوا لانفسهم شهرة وفناً

4️⃣ يعني ان الشعر لم ينبع من معاناة الشاعر لتجربة ذات جو مميز ولم يمثل الناس او يعبر عن همومهم الاجتماعية والثقافية والاقتصادية الا في القليل النادر


🔳عمَّ يبسمن؟

🔳بمَ وشحت التراقي ؟


الجواب /
1️⃣



١- سبقت بكلام منفي✔️
٢- مقترنه بحرف الواو ( سبقت بالواو)✔️
٣- بعدها اسم مفرد

2️⃣ نافية عاطفة


الجواب : 👇

🟣اسم ( لا ) ✔️

⬅️ الهيأة = مفرد
( لا مضاف ولا شبيه بالمضاف )

⬅️ الحكم = مبني

20 last posts shown.

3 628

subscribers
Channel statistics