- بيوم من الأيام رح يصير مَعك شي تستغرب فيه؛ من حالك من المَوقف من الوقت من الأسئلة يلي رح تجي تزورَك "طبعاً هالشي أكيد جَميل ولطيف" قد ما كان في قَسوة بالقلب بمناطق مُعينة، بهاد الشي رح تتحَول قسوة لَلين وطَراوة، رح تكون رَدة فعلك عالسؤال وكيف ومن ايمت وشلون أخدة حيز ورح تنبسط بالعوض أكيد .

- متل شَخص كان يداوم عالروحة عَالجامع بالعشر الأخير "يلي الله يقوينا فيهن ويسمع كَلشي بقلوبنا"، بس ما وَصل لمرحلة خشوع متل شخص مثلاً قاعد قدامه، طبعاً كان يحس الأمان بس مو متل ما كان بده، ومَرت أيام لَنقول وسنين لأجى اليوم يلي كَان عم يبتسم فيه من كَمية الدمع يلي سال عَالخد، يَمكن العَوض يكون مُعجزة مُمكن شي بسيط بس يغيرلك مَعايير كتيرة، لا تبخل بالإلحاح عَسى يكون الجاي أحلى وتكون أيامك كلها هَنى وسَعادة وطمأنينة.

- بيوم مِن الأيام رح يكون الأمان ذَاتك .
- أحمد
- ٨ نيسان ٢٠٢٤