- حَيز وُجودك بِكل تَفصيلة ومَزاجية وحَبة عصبية سواءً هاد الشي ظَاهر أو أنت خافيه، بِكل شي مُمكن تشوفه أنت غَريب أو تستهجنه وتحسه شي مو صح ومُمكن تقول مارح يعجب غيرك أو ينصدموا اذ شافوه "أنو أنت معقول هيك" .
- أنت بكل هالشي يلي حاسسه شَخص جَميل ولطيف بِغض النظر أنك عم تشغل تفكيرك يلي يمكن مو متحمل أي نَكشة زيادة بأشخاص ولا تَصدق وقت يقلك حدا "بألف وجه ومخبى" لأن أنت عم تحاول ترضي ويمكن تراعي الشَخص يلي مقابلك، بس مع هيك أنت بطبيعتك وعفويتك حدا مميز بس ما يُوصل فيك الحال لتتعب حالك، حلو أنك تكون مُلائم وعَقلاني وحَنون مع أي حدا بس مو عحساب صحتك وتفكيرك ووقتك، توازنْ أكيد عطبيعتك في رتوش صغيرة مارح تناسب يلي حواليك "وبالأساس مافي حدا كامل" وتأكد في عالم بتحبك وحاجز حيز بقلبهن بنكدك اذا هيك بسموه وبمزاجيتك وبعصبيتك وتوترك وكل شي أنت شايفه مو كامل بس هاد أنت مافيك تغير فيك شي "كون أنت مو نسخ "هاد مو تَصنع يلي عم تعمله أنت عم تحاول ترضي لأن بهمك صورتك بالنسبة للعالم" بس تذكر في عالم بكل حالاتك بتحبك بتعزك بتشوفك حدا ناجح ومهم ومميز، المهم أنت بِنظر حالك شو "أنت بتصنع المكان مو هو" .

- وتذكر أنك حدا منيح ولطيف ومميز وحتى لو نجَرحت وبكيت وَحسيت بِخنقة بلحظة من اللحظات، وجودك شي مُفرح وحلو لشخص من الأشخاص والله يجبر بعيونكم ويجعل أيامكم كلها سعادة وهنا .

- أحمد
- ١٧ حزيران ٢٠٢٤