- نتخيل لو تصحَى الصبح من دون مُنبه تكون سَاعتك البيولوجية متعودةَ عالسَعادة بِفنجان القَهوة يلي الصبح لح تشربه وسَادة أطيب طَبعاً، تلبس وتتعطر وتنزل عَشغلك أو جَامعتك أو مَدرستك "يلي هي المرحلة الأفضل" تمشي شوي تحت خيُوط الشَمس وتشوفْ يلي بِحب ويلي عم يشتغل ويلي عم يتمشى يلي رَاكد بشنته لَيلحق الدَوام، تمشي للمَحل يلي بدك تقصدو "حلو المشي لو خمس ساعات" تُوصل تبتسم من المَواقف يلي شفتا بالطريق، توصل وتضل للمَسا وأنتَ راجع تشوف رفقاتك بالصدفة وتحكي مُكالمة مع حدا بتحبه تستلذ بالوقت أو تقابله "ويُفضل" تَرجع للبيت بكل جسمك المكسر بس تَفكيرك وبالك الرَايق والهادي تساوي هالاركيلة وتقعد وتشغل أغاني، تذكر الله شوي وتحمده، تطل من البَرندا وتشوف كل حُب الدنيا بالسما والجيران بالرفقات بهيك قَعدة، تعب الدنيا كله يتململ ويِنزاح، وتنام وأحلامك كُل يوم تتسابق مين أحلى من يلي قبل .
- صَح مافيها شي لو كانْ هيك الوَقت ويمكن نخوض عَكس كل هالشغلات يلي نذكرت، يمكن يكون في عالم تحلم بالشغلات يلي عم نمر فيها نحنا هلق .
- دَقيقة لذكرك قَدي نحنا بسيطين لدرجة متل مابقولو محتاجين حدا يفرجينا قديش نحنا لُطفاء وقديش تَعبنا ماعم يروح هيك عالفاضي قديش الحَياة صعبت علينا بكتير مواقف حتى لو صغيرة حتى لو بالمقارنة مع غيرنا بَسيطة بس بتأثر فينا " لهيك وبهل المناسبة أنت حدا جَميل بكل مافيك" حتى نحنا نخلق لو شَغلات بسيطة بتحاول تعدل عَداد هل الحياة، وندور عأفكار حلوة لنقدر نكمل، أكيد مو عن عبث كل هل الشَغلات يمكن هو اختبار يمكن تجربة النا ليُختبر صبرنا وقديش ممكن نضل عحالنا حتى لو استولت علينا أفكار حَزينة بشكل كامل واستنفذنا كامل طاقتنا، ما المفروض نستسلم .
- الصبر والرضا والقناعة يلي منصنعهن حتى لو ماكان الحلم يلي أنتَ صغير تحقق أو خسرت حدا أو مانجحت والخ، يمكن نحنا مانشوف أو نشوف ونمر بوقت صعب لكن بِيوم من الأيام لح تشرق الشمس عقلبك وتحس بهل الراحة مع كل هالشغلات يلي عم تمنعك تحس فيها هلق لأنك أنت .
- فشو مامريت وحَتى لو قرأت شي بوست ذَكرك بشي، صادفت موقف ومرق شريط براسك؛ تذكر الشَغلات الحلوة سواء راحت أو بدها تجي، اي لح تجي عطبق لحالها من دون حزن لا تسأل ايمت وليش وكيف وأنا بس، لا الأمل والرضا والسعادة يلي بتصنعا أنت بحد ذاتك "فَتش عنها" ورح تشوف قدي مُمكن الوضع يكون شوي لطيف وربك كريم "يدبر الأمر" .
- السعادة ترافق قلوبكم وأيامكم .
- أحمد
- ٢٠ تموز ٢٠٢٤
- صَح مافيها شي لو كانْ هيك الوَقت ويمكن نخوض عَكس كل هالشغلات يلي نذكرت، يمكن يكون في عالم تحلم بالشغلات يلي عم نمر فيها نحنا هلق .
- دَقيقة لذكرك قَدي نحنا بسيطين لدرجة متل مابقولو محتاجين حدا يفرجينا قديش نحنا لُطفاء وقديش تَعبنا ماعم يروح هيك عالفاضي قديش الحَياة صعبت علينا بكتير مواقف حتى لو صغيرة حتى لو بالمقارنة مع غيرنا بَسيطة بس بتأثر فينا " لهيك وبهل المناسبة أنت حدا جَميل بكل مافيك" حتى نحنا نخلق لو شَغلات بسيطة بتحاول تعدل عَداد هل الحياة، وندور عأفكار حلوة لنقدر نكمل، أكيد مو عن عبث كل هل الشَغلات يمكن هو اختبار يمكن تجربة النا ليُختبر صبرنا وقديش ممكن نضل عحالنا حتى لو استولت علينا أفكار حَزينة بشكل كامل واستنفذنا كامل طاقتنا، ما المفروض نستسلم .
- الصبر والرضا والقناعة يلي منصنعهن حتى لو ماكان الحلم يلي أنتَ صغير تحقق أو خسرت حدا أو مانجحت والخ، يمكن نحنا مانشوف أو نشوف ونمر بوقت صعب لكن بِيوم من الأيام لح تشرق الشمس عقلبك وتحس بهل الراحة مع كل هالشغلات يلي عم تمنعك تحس فيها هلق لأنك أنت .
- فشو مامريت وحَتى لو قرأت شي بوست ذَكرك بشي، صادفت موقف ومرق شريط براسك؛ تذكر الشَغلات الحلوة سواء راحت أو بدها تجي، اي لح تجي عطبق لحالها من دون حزن لا تسأل ايمت وليش وكيف وأنا بس، لا الأمل والرضا والسعادة يلي بتصنعا أنت بحد ذاتك "فَتش عنها" ورح تشوف قدي مُمكن الوضع يكون شوي لطيف وربك كريم "يدبر الأمر" .
- السعادة ترافق قلوبكم وأيامكم .
- أحمد
- ٢٠ تموز ٢٠٢٤