المَـخْـــــــزُوم •

نظـرة مختلفـة :

ف علم النفس وتطوير الذات وهكي ، يقولو ان لو وقفت قدام المرايا وقعدت تقول اني ناجح اني متفوق اني واثق من نفسي ح تتولـد ف عقلك الباطن الصفات هادي وتنعكـس عليك وبالتالي الناس تشوفك هكي فعلاً ؛ اقتنعت فالبدايـة بالحاجات هيا ولكن لما امعنت النظـر فيها اكتشفت انها عبـارة عن " أوهـام " ؛ انت قاعد توهم ف نفسك ب حاجات علمياً وعملياً مش موجودة عندك اساساً ، وتحاول تقنع نفسك انها عندك باش تكمل يومك مرتاح وبعدها يتم مفعول الوهم وترجع تاني شخص مُحطـم وفاشل ؛ الطريقة الحقيقة لكسب هذه الصفات هي السعي فقط لاغير ؛ انك تقول الكلام هذا بينك وبين نفسك او قدام المرايا ، لا ح يخليك ناجح ولا واثق ولا بطاطا مرات حتى يركبك جن وما يصيرلكش لا من ثقة لا نهار ابيض 👽 ؛ ركز ع هدفك واصنع من نفسك انسان ناجح فعلياً لان مش ح تقدر تقنع الناس ب شي مش موجود ، خليهم يشوفو نجاحك ف قرايتك ف عملك ف حياتك ،
كون اكثر واقعية شوف للحاجات بنظرة واقعية ، خالف المألوف عادي لو تتطلب الامر ، U can do it ...


انتهى .
"حقوق"

خايـف !!!!

خايـف تواجــه الحيـاة بروحـك ، خايـف تطيـح وماتلقـاش اللي يسنـدك ، تبـي تـوري موهبتـك لكـن خايـف من النـاس السلبيـة ، تبـي تـديـر مشـروع وخايـف ما ينـجحش ، تبـي تقـرا وتتفوق و تاخـد شهـادة لكـن خايـف ما تديـرش بيـها فايـدة ف النهايـة ، تبـي تديـر صحـاب لكـن خايـف يبيـعوك ، مبعّـد ع النـاس لان فيـك شي غريب او مختلف ف شخصيتك او شكلك وخايـف يتنمـرو عليـك .... وتبي مشعارفة شني لكن خايـف وبتديـر لكـن خايـف وخايف وخايفف وخايف .... !!!! بـاه لأمتى ؟؟ بـه لمـا خفت شن استفدت .. ولا شـي . قعـدت حابـس نفسك ف زون الخـوف .. ومادرتش ولا حـاجة ف حيـاتك ..
مـش ح تخسـر شـي ..
بـاهي وكـان تنمرو عليك ، وكان باعـوك صحابـك ،وكـان حاولت وما نجحتش شـن فيها مش نهايـة الدنيـا !!! لازم تحاول وتفشل وتعاود تحاول وتخسـر اكثر باش توصـل ... لازم يبيعـوك صحابك او اي حد قريب عليك باش تتعلم درس جديد وتعرف تختار صح وتقدم نصائح لغيرك عن تجاربك ف الحياة ... لازم تقرا وتاخد شهـادة ماتسمعـوش للناس اللي تقول مش ح تديرو بيها شي ... لانهم فشلة تخرجو وقعمزو بعدين قالو مادرنا بيها شي ، لا ح تديرو بيها كل شي لو سعيتو وجريتو وفكرتو صح .. موهبتك لازم تبرزها ولازم من السلبـيين ف حيـاتنا بـاش نعرفو نقاط قوتنا ونجتازو نقاط ضعفنـا ، لازم تواجـه الحيـاة بروحك باش ما يجيش يوم ويتجملـو عليك .. كل شي ف الحياة لازم منـه مهما كان سلبـي او مؤلم او ربما حتى جارح باش تتعلم وتتطور وتتميـز ... المهم ف الموضوع هذا كلـه انك تكسر حاجز الخـوف من كل شـي ... لان لو ما درتـش هكي ح تعلـق ف دوامـة من الافراط ف المبالاة بالناس والافراط بالاهتمام بأرآئهـم اللي لا تنفـع ولا تضـرر مجـردد انهم يعبولك ف راسك ب كلام بـاش تقعد معاهم ف لائحة الناس اللي مادارو شي ف حياتهم .
مزال عنـدك وقت ... ✨
Break the ice , feel free , and go ahead

انتهى ....
" حقـووق "

البعض لا يكرهك لشخصك إنما يكره فيك نجاحك الذي هوا فشل ف تحقيقه .

وإن غاب نصفك ، احذر أن تكمل فراغك بالعابرين .

- حتّى لو كانَت هُناك فرصةٌ أُخُرى دعهَا
فَالرغبة إنتَهت .

في ناس ح يخشـو حياتنا ، و ح نحبوهم هلباااااااا اكثر من اي شي ف الدنيا ، لكن هذا ما يعنيش انهم ح يكملو معانا للآخر ، هي هكي الدنيا ، مش كل النهايات حلوه ، ح نعيشو معاهم لحظات وذكريات مش ح تتكـرر تاني ، مرات يبعـدهم النصيب ومرات يبعدهم القضاء والقدر ، ومرات تبعـدهم الظروف ، ويا حظ اللي ربي كتبلهم يقعدو للنهاية مع بعض وبعد عليهم جرح النصيب ، و وجع القدر ، وقهر الظروف 🔐.

‏أنت الوحيد الذي لم أصنف علاقتـي به كنت أراك الأكثر دائماً .

حتى وإن اختلفت وُجْهاتنا، أتمنى أن تذكُرني طويلًا، في كل شارع تعبره، في كل لوحة تتأملها، في ليلةٍ تقضيها وحيدًا.. في صباحٍ تظن أنه رائعًا، تذكّرني دائمًا..اجعلني معك حتى وإن كنتُ خياًلا 🌥

✅✅

الحب الحقيقي :
‏هو أن تمنح من تحب الحرية الكاملة في أن يكون كما هو، وأن تتقبله وتتقبل خياراته مهما كانت،وأن تؤمن بأنه كائن منفرد، وعلاقتك معه لا تعني أنه أصبح جزء من ممتلكاتك حتى تفرض عليه آراءك وأفكارك وخياراتك! الحب يعني أن تمنح من تُحب ،الحرية ، الاحتواء،التفهم، الاحترام 💞

11:11 ♥️

كل حـــد فينـا يعطـي للناس ف الحاجة اللي هـو محتاجها ، اللـي يعطي ف الحب .. محتـاجه ؛ اللي يعطـي ف الطاقه الايجابيـة والتشجيـع .. محتاجهم ؛اللي يعـطي ف الاهتمام ويسمع لي كل شخص تاعب ومهموم .. محتـاج اللي يسمعله ؛ حقيـقة لا يمكن انكـارها ؛ ف ياريت كلنا ناخدو بالنا من بعض ؛ ونقدمو لي كل شخص اللي هو محتـاجه سواء كان اهتمام حب عطاء امل نصيحـه .. اي شـي مهماً كـان بسيط ؛ صدقوني ح يأثـر ف نفسيتهم هلبا ؛
الناس للنـاس 💛


هـ💗ديل

الفتاة القارئة . . مصدر سعادة لمن يجالسها.
لديها الكثير لتقولهُ لك والكثير من التركيز لتسمعك.
فتاة تقرأ يرغبها العقلُ قبل القلب.
فالحديث معها لايمل ولا ينتهي ، إنسانةٌ مميزة لاتجدهَا بصحبة ثرثرة الفتيات التي لاتعطي نتيجة..
فتاة حالمة تأخذ الكتب درعًا لتتخلص من الفراغ الذي يهدر وقتها بشيء لايذكر.. ✅✅

مـا تتغيرش على خـاطر حد ، ماتحاولش ترضي حد ب شخصية تانية هو فارضها عليك،اللي يحبك يتقبلك كيف ما انت ، اللي يبيك يرضى بيك بكـل مافيك من عيوب ومميزات ، انك تتغير على خاطر شخص اكبر غلطـة ، لان لو جي يوم وسيبك فيه مش ح تقدر ترجع لشخصيتك الاولى مره تانية ، وح تقعد بصمة ف حياتك ؛ مش ح تنسـاها ..🚶🏻‍♀️

- انكسرت خواطِرنا لين بانت الكسِره فـ ملامحنا "