چا سرونه قرباني کړه ازادي ته
چا عابره غلامي کې لکۍ وکړې

په میراث کې ورته پاتې له نیکونو
دوی په دغه شیطاني کې لکۍ وکړې

دوی په تېر نظام کې لار د حق کړه ورکه
دوی تیارو ډیموکراسي کې لکۍ وکړې

ځینو ځینو قربانۍ په اور لاهو کړې
ځينو ځینو ازادي کې لکۍ وکړې

چا مرګ هیر کړ ددونیا عشق محبت کې
چا په دې پاني پاني کې لکۍ وکړې

غلام فکره بیا عابره ټول ناروغ دي
دوی په دغه ناروغي کې لکۍ وکړې
حماس عابر @hamas_badri