#المربعه_بديوان_سفرة_العطاء_الجزء_الأول_.


مربعه لأم البنين عليها السلام


اريد انخاج وانت الماتفشليني
هايم البطل عباس اسمعيني
💔🩸💔🩸💔🩸💔
نخيتج والكلب من الهضم خلصان
اريد اقسم عليج بداعت العطشان
وانتي أم البنين الماترد حيران
لو ضاع الدوه ادواج اليشافيني
💔🩸💔🩸💔🩸💔
لو ضاع الدوه ادوانه من ايدج
احنه ابعازتج للموزمه انريدج
وانتي الوالده وابداعت وليدج
احفضي كل ولدنه يابعد عيني
💔🩸💔🩸💔🩸💔
انريدج كل ولد لمه تحفضينه
والمفكود والغايب ترجعينه
وديوان الكرامه الماتسدينه
خطار اعله بابج جيت ضيفيني
💔🩸💔🩸💔🩸💔
خطار اعله باب الماترد اضيوف
ها يالطاهره وغيرج بعد ماشوف
الج بس دنكت راسي وامد جفوف
عزيزه النفس يم عباس تدريني
💔🩸💔🩸💔🩸💔
بس بابج ادكه ماادك كل باب
احلفج بالمشه للغاضريه وغاب
تدرين الخدم بسيادهم تنهاب
وانه خادمج واترجه تنطيني
💔🩸💔🩸💔🩸💔
احنه شيعتج يالطاهره وخدام
حزمنه الوكت بالنايبات احزام
عينج مااضن يم البنين اتنام
حاشا من اندبج ماتحضريني
💔🩸💔🩸💔🩸💔

*تـــمت والـــــفضـــ🤲ـــل لله تعالى*
*بقلم✍الشاعره أم ريام دخيل الركابي*
*صاحبه ديوان📚 الدموع الزينبيه *
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://telegram.me/haneen_Ali_Faris