كربلاء / انتِ ياعشگ الگلب ما ينتهي
كربلاء / ومن اشوفن گبتك ابدي انحني

اه ياارض الحسين
القصته اشبع ونين
——————————
كربلاء تدرين شوگي للحسين وگبته
ليش دون البشر ما متعنيته
روحي حزنانه وتون الشوفته

كربلاء / بلكي يسمع هل حسين بهل نداء
كربلاء / واذا ما زرته احس بيه بلاء

ادري بيه انه حنين
القصته اشبع ونين / كربلاء
——————————
ادري بيه حسين ما يترك حبيبه
وادري بيه يصير للعله طبيبه
ارد اصرخ وارد احلفه بالنجيبه

كربلاء / كون يسمعني الحسين بهل مسيه
كربلاء / ارد ازورن گبته ويحن عليه

حسين اله اني مدين
القصته اشبع ونين / كربلاء
——————————
ياحسين اسمع ندائي بعد ما بيه صبر
احس كل ليلة الجمعه يلهب بگلبي جمر
وتضل بس حسره البگلبي لون طاريك يمر

كربلاء / خل ندائي يوصل الارض الحسين
كربلاء / بلكي لن اعليه يحن گلبه حنين

ابقى اصرخ كل حين
القصته اشبع ونين / كربلاء
——————————
ليش دون الناس انه ابد مازور الحسين
ليش بس انضر الگبتك ابقى بس اشبع ونين
گمت اصرخ واندب اسمك ادري بيك انتَ حنين

كربلاء / حسين ثوره بگلبي ابد ما تنتهي
كربلاء / كل موالي الگبته شگد ينحني

تبقى عايش بالوتين
القصته اشبع ونين / كربلاء

الشاعرة والمله ✍🏻🍂
(نرجس محمد المالكي )

غير مبري الذمه حذف اسم الشاعرة🍂✍🏻