قناة هاشم كارون البوغبيش

عن لسان السيده زينب س

مايـوچـن قسـم عبّاس يـوچـن
یمچـن بالسياط الگـوم يـوچـن
سـوه نلتـم ظلام الليل يـوچـن
وصـية شيـخـچن نلتـم سويّـه


📝هاشم كارون البوغبيش
قناة هاشم كارون البوغبيش
@HashemMohammdkaroon

👌👌👌رد مفحم

التقى الإمام علي بن موسى الرضا
راهباً نصرانياً...فقال النصراني:
أنتم المسلمون عندكم عنصرية.

قال الإمام : وما ذاك؟

قال النصراني: تبيحون لأنفسكم زواج الكتابية - اليهودية أو النصرانية- ولا تبيحون لغيركم الزواج ببناتكم.

قال له الامام: نحن نتزوج اليهودية لأننا آمنا بموسى.
ونتزوج النصرانية لأننا آمنا بعيسى.
وأنتم متى ما آمنتم بمحمد زوجناكم بناتنا.

فبهت الراهب 👍
..............................

ومضا في حق الامام جعفر الصادق عليه افضل الصلاة وازكه السلام


كان المنصور (الدوانيقي) العباسي عليه لعائن الله شديد العداوة لآل محمد فقد تتبع آثارهم وقتل كثيرا منهم وأباد كثيرا من أبناء الحسن (ع) . حتى بلغ من حقده أنه أمر عامله على المدينة محمد بن سليمان أن يحرق على أبي عبد الله الصادق داره فجاء هو وجماعته بالحطب الجزل ووضعوه على باب الدار وأضرموه بالنار فلما أخذت النار ما في الدهليز تصايحت العلويات داخل الدار وارتفعت أصواتهن
فخرج الإمام الصادق (ع) وعليه قميص وإزار وفي رجليه نعلان وجعل يخمد النار ويطفئ الحريق وهو يقول أنا ابن محمد المصطفى أنا ابن علي المرتضى أنا ابن فاطمة الزهراء، حتى أخمد النار فلما كان الغد دخل عليه بعض شيعته يسلونه فوجدوه حزينا باكيا
فقالوا: ممن هذا التأثر والبكاء أمن جراة القوم عليكم أهل البيت وليس منهم بأول مرة؟
ليست هذه المرة الأولى التي تحرق فيها دوركم قال الإمام (ع) اعلموا انه لما أخذت النار ما في الدهليز نظرت إلى نسائي وبناتي يتراكضن في الدار من حجرة إلى حجرة ومن مكان إلى مكان هذا وأنا معهن فتذكرت روعة عيال جدي الحسين (ع) يوم عاشوراء لما هجم القوم عليهن والمنادي ينادي: أحرقوا بيوت الظالمين . .
عظم الله اجوركم با استشهاد الامام عليه السلام

جابليـت البيـت من حـرگوا بـچـيـت
حاشـه تبـچي اعله الدنيّه و هـمّـتك

اتـصـورت مولاي چنّـك بالـطّـفـوف
او چـنها بـين النّار تركـض عـمّـتـك

📝هاشم محمد كارون البوغبيش
قناة هاشم كارون البـوغـبيـش

https://t.me/HashemMohammdkaroon

ومضا خطاباً معا اهل البيت الذي مدفونين في البقيع عليهما افضل الصلاة وازكه السلام

هدّموها اگبـوركـم لا مو عجـيب
خلها تدري النّاس تعرف هالفعل
الجدّه يحرگ بيت بت طاها الأمين
عنده تهـديـم الگـبب كلّش سهل

📝هاشم كارون البوغبيش
قناة هاشـم كارون البـوغـبيـش
https://t.me/HashemMohammdkaroon

قصيده في شهادة الإمام علي عليه افضل الصلاة السلام

خل تنوح الأرض خل تبچي السمه
الليله يـنصاب ابغدر حامي الحمه

الليله ينصاب ابغـدر فارس مـضر
خلهاتبچي أملاك خل تبچي البشر
حيدر الكـرار مــن حـيث انطـبر
راسه وكت الصّله وظل يجري الدمه

انصاب راسه وعالأرض طاح العميد
او ياعجيد البعـده يحصل ياعجيد
الكون لمصاب الوصي حگ لويميد
لجـل حـيدر هاذ سـبـع الـموزمه

هاذه حـيدر هاذ اهوه الخلّه سل
بـالأشاوس مـن يـهد لا مـايمل
تالـي بلمحـراب وايغـدره النـذل
اوخلّه كثره اعيون من دم ساجمه

خلّه كثره اعيون تبـچیله وتصب
من رئت طايح وليـها و منضرب
جـابوا الكرار ولــده و نـص درب
اتنحّوا عنّي ايصيح ليث الملحمه

اتنحّوا عـنّي ايصيح خوفاً حيدره
اعـلـه زيـنب لبـخـبـاها امخدره
خايف اتـشـوفه و تـظل امكدره
او يدري بيـها اعله الدلال امعلمه

حگّه خايـف يــدري بيها امدلله
او تنصدم زيـنب دره ابهالمعضله
ريـتـه حيدر شافـها ابطف كربله
يوم طاح احسينهاويشكي الضّمه

يوم طاح احسينهاابضرب السيوف
اوبالرماح ووأجفه الحره وتـشوف
ريته حاضر حيدر أبارض الطّفوف
ايشوف بنته اشلون ظلّت هايـمه

ريته حاضر كون بطّـف يـصطبي
للحرايـر يــوم طلـعــن للـسبي
او ريته شاف ابـيوم سترنهاابعبي
او جوهن من العـصابه المجرمه

📝هاشم كارون البوغبيش
قناة هاشم كارون البوغبيش
@HashemMohammdkaroon

عن لسان السيده زينب تخاطب اباها عليه وعليها افضل الصلاة وأزكى السلام

يبويه البيت مظلم ياضوه العـين
يافخر العـشـيـره و ركــن لدّين
يحامي الجار والچاسي المساكين
او ياليشهد الك صفّـين وحنين
تعـوّر راس گلبـي يألأبـو ابحين
شفت راسك يحيدانفضخ نصّين

يل أبحگك كثيــر آيـات نصّين
و الك يامآ رگاب ابسوح نصّـين
تعـوّر راس گلبي ابحيـن نصّين
شفت مفضوخ راسـك ياشفيّـه

📝هاشم كارون البوغبيش
قناة هاشم كارون البوغبيش
@HashemMohammdkaroon

عن لسان السیده زینب في حق الإمام علي عليه افضل الصلاة والسلام

الدهر ما ادري اشيقـصـد بـناته
هدم بيت الأمل روحـي بـناتـه
ابـوي اللـيـلـه ودّعـهـن بناته
ابسفر ماشي ولامن بعـد جـيّـه

📝هاشم كارون البوغبيش
قناة هاشـم كارون البوغـبيـش
https://t.me/HashemMohammdkaroon

بيت ابوذيه في حق الإمام علي عليه افضل الصلاة والسلام

يحگ ماتـم الك ياحيـد ينصاب
گلبي و دم دمع عـيـناي ينصاب
الف ياحيف شخصك غدرينصاب
بالـمـحـراب ياحامي الحمـيّـه

📝هاشم كارون البوغبيش
قناة هاشـم كارون البوغـبيـش
https://t.me/HashemMohammdkaroon

موال في حق الإمام الحسن المجتبي عليه افضل الصلاة والسلام

هليله گلبي صفت يأهل خلگ ونسله
ابميلاد سبط النّبي جن اطربت ونسله
خنهل دمعنه ابفرح من الجفن ونسله
من حيث هاذالحسن يستاهل اكثر بعد
عنده فضايل كرم ماتنعد ابداً بعد
اشما طال درب الحفل لتضن علينه بعد
نمشيله غصباً عله افچوچ الخصم ونسله

اليله ابنص شهـر رمـضان ونسه
الگلبي و عاف حزنه الحين ونسه
جن الكون كلـها اطـربـت ونسه
ابـميلاد الحسن من بزغ ضـيّـه

📝هاشم كارون البوغبيش
قناة هاشــم كارون البوغبيش
@HashemMohammdkaroon

بيت ابوذيه في حق الإمام الحسن المجتبي عليه افضل الصلاة والسلام

وحگ الّـي عـلـه ربّـا وحيّـت
الشيعه اترحب الجيتك وحيّـت
سـهرتلك يبـو محـمّـد وحيّـت
ليلـة مولدك يالحـسـن هـيّـه

📝هاشم كارون البوغبيش
قناة هاشـم كارون البـوغبيـش
https://t.me/HashemMohammdkaroon

بيت ابوذيه في حق الإمام الحسن المجتبي عليه افضل الصلاة والسلام

احيات الأبـو يـامـولاي حاتّـم
على گلبي المحبـتك دوم حاتّـم
لون بعده عـدل ويـشوف حاتّـم
الـكـرم والله ياخـذلك تـحيّـه

📝هاشم كارون البوغبيش
قناة هاشم كارون البـوغـبيـش

https://t.me/HashemMohammdkaroon

اهزوجه في ولادة الامام المهدي عليه افضل الصلاة والسلام

للحسن هالليله بُشره انزفها بشواگ و سرور
ابمولد المهدي و تهاني امعطره ابهيل و بخور
ابنص شهر شعبان شعشع الكون كلّه و ظل ينور

ونبارك نرجس هالليله

📝هاشم كارون البوغبيش
قناة هاشـم كارون البـوغـبيـش
@HashemMohammdkaroon

هوسه في ولادة الامام المهدي عليه افضل الصلاة والسلام

الليله ابنص شهر شعبان گلبي أستر رغم ضدّي
وجيت ابشوگ للمولود أهنّي النّاس بالمهدي
يبوصالح وعد انطيك وظل وفّاي أنا ابوعدي

وانتظرك حـد آخر يومي

📝هاشم كارون البوغبيش
قناة هاشـم كارون البـوغـبيـش
@HashemMohammdkaroon

بيت ابوذيه في حق الامام المهدي عليه افضل الصلاة وازكه السلام وعجل الله فرجه الشريف

الفرح حل بالثنيّـه الحـزن يفراح
اودمع عيني ابجفاك اعتقديفراح
حگّـه ابـمولدك هالـيـوم يفراح
الشيعي و يبعث العـودك تحيّـه

📝هاشم كارون البوغبيش
قناة هاشـم كارون البـوغـبيـش
@HashemMohammdkaroon

في ولادة الامام المهدي عليه افضل الصلاة وازكه السلام وعجل الله فرجه الشريف

چـفوف ألـود يبـو صالح مدينه
ألك وارواحنه الشخـصك مدينه
ابنـورك شعشعـت مكّه و مدينه
او سامره ترحّـب هـل مـسيّـه

📝هاشم كارون البوغبيش
قناة هاشـم كارون البـوغـبيش
https://t.me/HashemMohammdkaroon

بيت ابوذيه في حق الامام المهدي عليه افضل الصلاة وازكه السلام وعجل الله فرجه الشريف

علينه اهلال شهر الخـير هل هل
وانصيح ابشهـر شعبان هل هل
يشيعي ابمولد المولـود هل هل
او هنّـي للحسن هاي المسيّـه

📝هاشم كارون البوغبيش
قناة هاشـم كارون البوغـبيـش
https://t.me/HashemMohammdkaroon

في ميلاد قمر العشيره ابلفضل العباس عليه السلام

ابميلاد الگمر عباس كل النّاس ملتمّه
او گلب الچان بیه اهموم انزال و راح كل همّه
اهنّي فاطمه و حيدر و هنّي احسين ابواليمّه

او زينب هالليله انهنيها

ابميلاد الگمر عباس كل النّاس فرحانه
واجت هالليله للميلاد كلها ابشوگ لهفانه
يلّلا اوياي خل انصيح حيدر علي مولانه

مبروك ابعباس الهيبه

📝هاشم كارون البوغبيش
قناة هاشم كارون البوغبيش
@HashemMohammdkaroon

في ميلاد الامام الحسين عليه افضل الصلاة والسلام

ابميلاد الشفيّه احسين اهنّي الحيدر الكرار
وبارك فاطمه الزهره وبوها المصطفى المختار
وزف أجمل تهاني ابشوگ لشيعه هلي الأحرار

ابميلاد احسين انهنيها

📝هاشم كارون البوغبيش
قناة هاشـم كارون البوغبيش
@HashemMohammdkaroon

في ميلاد الإمام الحسين عليه افضل الصلاة والسلام

عليـنه ياهـلال الـخـيـر هلّـيت
او بيك انه اشكثر ياهـلال هلّيت
لجل هلتك دموع الفـرح هلّـيت
ابـميلاد الحسـيـن بن الزچـيّـه

📝هاشم كارون البوغبيش
قناة هاشـم كارون البوغبيش
@HashemMohammdkaroon

في ميلاد الامام الحسين عليه افضل الصلاة والسلام

ابثالث يـوم من شـعبان مولد صار للكرار
شعشع نوره بالأكوان احسين احسين ابولأحرار
هاذه بن الصميده الحيده شاله و قبّله المختار

او جبريل ايهز ابكاروكه

📝هاشم كارون البوغبيش
قناة هاشـم كارون البوغـبيـش
@HashemMohammdkaroon