القيصر حسنين المحنه

قُوٌلَيَ لَيَ مًآذِآ جّرئ حًتٌئ آرآکْيَ
نِآحًلَةّ کْآنِکْيَ آلَسِنِدٍسِ آلَمًقُطِوٌعٌ
کْآنِ آلَشُيَبً وٌصّلَ لَقُلَبًکْيَ آلَمًجّروٌحً
وٌآنِتٌزٍعٌ جّذِوٌر آلَشُبًآبًيَ فُآلَمًوٌضوٌعٌ
فُقُآلَتٌ لَهّ
بعد عينك يخويه بكولي حيلي
بحيث اعله المتن صاير احساب
اذا سوط الشمر يوصل للعظام
اكو الف جف امجلب بالحجاب
ابشرك ما امشي هسه اعله طولي
اعثر او اكوم بكد نثرات التراب
يخويه من جيتك ركضوا ورايه
اتكول مو بشر جنهم فزعت اذياب
واني اجيتك ياجف اليشيل الحيل
اعرفك وفي او ماترد اي طلاب
ارجع خل نراضي ام كل الاعزاز
سكينه الامنت وبيك الامل ماخاب
ارجع عبد الله لسه يريد الماي
لسه يشرب دمه من حرة اصواب
ارجع اوعد لو ترجع انطي اظلوع
واسوي من جلدي لليتامه اثياب
ارجع وخلي الشماته تتحسر اتموت
لن من طحت كالوا الاسد غاب

هايزينب وحدج بين الاعادي
هايزينب بالحبل كادو ايادي
او انتي عالناكه اميره صرتي تاليها اسيره
هايزينب
~~~~~
اخ/اني جم مره صحت /انتي ترديني متت / من صعدتي عالهزل
اه /ظلت بكلبي تون /من شفت سوط بمتن /سكنه واعيوني تهل
اهنانه زينب قررت موتي يحظر
اهنانه ناديتج يخيه اودمعي احمر
اهنانه شفت اجفوفي رفن بالعتاب
خوفي خويه باقي بخيوط الحجاب
عيني تنظر الشمر يظرب رقيه
عيني تنظر رفن اعليه اديه
رفن اودمع اديره صرتي تاليها اسيره
هايزينب
~~~~~~~
صوت /خويه من نحري طلع /من شفت طفلي وكع /اوسحكته ذيج الحوافر
موت /يوصل اجدامي اويرد /يدري بجروحي اعد /باقي للمصابي يناظر
باخر انفاسي او اشاهد من يظربوج
ابالي اسال يالحبيبه ما يعرفوج
لا يخويه ما يعرفونج صيحيح
همه رادوني اطيح او ما اطيح
ما اطيحن اي وحك ظلع الزجيه
ما اطيحن بس الج بالغاظريه
انتي بعيوني جبيره صرتي تاليها اسيره
هايزينب
~~~~~~~~
لا/من صحت شفت الشمر/خله بمتونج اثر /عالرمح راسي ارتعد
اي/ماقبل هاذا النذل /بالظلع سوط يسل /اغزرته ياخويه ابتعد
اني لو يمج اذبحه جوى رجليج
خويه خليه عليه او انتي معليج
الاسد ظلج يخويه لسه ماغاب
الكرب منج ادفنه جوى التراب
من تنادين يابوفاضل ماتجيني
من تنادين عالرمح تلكيه عيني
دربج ابدمعي انيره. صرتي تاليها اسيره
هايزينب
~~~~~~~~~
وين /خويه اباوع كل كتر /رايد لسكنه اعتذر/امقصر اوياها انه
وين/انه ادور عنه اني / بدمعي غركته مكاني /اني مشاكله انه
خوفي لو زعلت يزينب يزعل احسين
سكنه انه اهويه احبه فدوه جفين
توكع لشيلة سكينه هاي الجفوف
المهم ترضه عليه يوم الطفوف
هيه تزعل خويه بالشام المصايب
هيه تزعل لو شتم طاغي الحبايب
صولتج تدري جبيره صرتي تاليهااسيره
هايزينب
~~~~~~~
القيصرحسنين المحنه

مولا مولا مولا. حسين اباعبد الله
________
عمري حب احسين او ماتعده اسنين
مغرمه اني بي من عمري شهرين
_________
اني او كلي اهوا روحي تصبح الله
احجايتي يحسين من الصغر اهوا
__________
ابدمي توقيعي انه افتخر شيعي
هو النبظ هو بالعشك تشريعي
_________
حبه هو انجازي يالرايد اتوازي
نمشي أو منعوفه حلاوي اوهوازي
__________
شلكم غرض يالناس أنه اعشك العباس
حبيت احسين وبي حب اليرفع الراس
_________
امشيله مشايه أو ارفع اني الرايه
ميهمني المايرضون رجليني عنايه
_________

ياعلي دمعتي مو غاليه
ياعلي بخدي ترضه جاريه
تبجي واتنوح لمصاب ياذخر يابو الشباب
ياعلي
~~~~~~
يمه لو نيتك تجافي لا تجافيني
تدري عكبك يالولد حمره عيني
انت يازهرة سنيني اوكل سنيني
لشوفتك جانت امل تروي حنيني
من يدك بابي الحزن ابكلبي اهات التون
خضرة كاع الوجن من عفتني.
شيبت تدري انه اكبرت ميت سنه من عفتني
~~~~~~~~
ماتجي امك اني او حايره
ماتجي اعيوني ذني امساهره
اسهر او اكتب عتاب ياذخر يابو الشباب
ياعلي
~~~~~~
احسب انجوم السمه وي دمعتي
شحسب اونار الهجر تاكل مهجتي
اوعطب اكليبي بعد بكد حركتي
احترك او اطفي ترى بكل حسرتي
حركتك شيب او دمع واني مكسورة ظلع
او وني دومه منسمع ياغلاتي.
ابتسم واوكع جرح هاي روحي التنذبح ياغلاتي
~~~~~~
بس اهم تبقى روحك سالمه
بس اهم هايه روحي الغانمه
تفرح بيوم الصعاب ياذخر يابوالشباب
ياعلي
~~~~~~~~
يمه فرعون استعد يهجم علينه
او اني وي عمتك بعد شنهو بدينه
هيه تصرخ يابوفاضل وي سكينه
او اني اصيحن ياعلي ماتجينه
صوتي دوى بالطفوف سمعته كل الالوف
واني مابيه اشوف انه اخاف
الشمر يمه وراي يظرب بسوطه كفاي انه اخاف
~~~~~~
من خفت الزمت طرف العباء
من خفت وحشه صارت كربلاء
خوفي كله عالحجاب ياذخر يابوالشباب
ياعلي
~~~~~~~
هايه خيمتنه التضمنه هايه تلهب
بيش اطفيها يروحي اوروحي تنحب
همه حركوها واشوفن ظهري حدب
اركضت اله واجتني يمه زينب
خافت اعليه احترك اوكلبي بالخيمه يدك
اوتالي عنه افترك صعبه اني
الطم او ابجي اوصيح. هبي طفيها يريح صعبه اني
~~~~~~
ماشفت. روحي يمه اتوجرت
ماشفت. بحركه هيه اتشاهدت
كمت اطفي بالتراب. ياذخر يابوالشباب
ياعلي
~~~~~~~~~
عالهزل باجر تشاهد يمه اسيره
اني سبيه اصبحت لا مو اميره
هاذا همي من اشوفه من يجيره
احسين ابوك المنذبح يبجي حيره
بالرمح راسه ارتفع هيبه كدامي طلع
يمه لخواته فزع. ايراوي راسه
مارضه الشامت يشوف خدر الهاشم تطوف ايراوي راسه
~~~~~~~
اني انظر يمه روس اوعاليها
اني انظر اعرفت مو راضيها
سولفت بدم الخضاب. ياذخر يابوالشباب
ياعلي
~~~~~~~~~

اذا نحجي اونبين حجة المذبوح
عبدالله ابجف انذبح فرعون
واذا نكعد نسطر حرف الافكار
مامحتاجك تقره اوتراوي اليسمعون
عبدالله بيت ابوذيه ابنص الخيام
لوينقره السبعين كلهم يصفنون
عبدالله واحد مامنخلق غيره واحد
شوف اتاكد راجع تاريخه ذنون
خذه راس كل قلم مني محتاج
اوصله الك لا تباوع للي يصعدون

اذا شفت الحجي امشامر ايصير
كول اتكتر شيخه الخادم اتجسر
اذا شفت اليدور ابواحت الشيطان
كول هاذا ابليس ابصفنته الشر
اواذا عار الزلم متسيد او مرتاح
بعد لاتنظر ترى من ركبت انجر
اخذ حك واتبع كل وفي مهيوب
اوالزم جف التباها العمره مافر
او احمد الله او لا تذل كل راس
ترى مو كلمن صعد حسبالك انغر
اخذ طبع اليراضي بطيحته الليل
اذا يصفن عطارد صافن اتحسر

ياعكل افهم
ولا قــدر ردع الحـظـوظ ومجيـهـا
نفسـك مهذّبهـا وعـز الله ربّــاك
مايـدري ان جيـش الهيـام يغزيـهـا
الله قسم يبـلاك بـي وانـت يبـلاك
باللي سواتـي فـي العـرب يرتجيهـا
محبة (ن ) ذربة من القلـب تكسـاك
محبـة (ن) صـدق الهـوى يكتسيهـا
يامرك قلبـك بالوفـا لـي وتنهـاك
ناس (ن) على لامـاك تفـرك يديهـا
رزين عقـل ومـن مزايـا مزايـاك

اني اجيتك_خويه نخيتك
حركوا خيامك_سله حسامك
خويه نخيتك
_____
الاخت لوطاحت ابشده تنخه بالدمع خوان
وأنه بالطف يبوالغيره اجيتك ياكمر عدنان
اجيت انخه من حركواعليه اخيامي هالعدوان
اريدك تفزع بهل اليوم ماعندي بعد وليان
اني العقيله_ابمحنه ثجيله
حالي امامك_سله حسامك
خويه نخيتك
_____
عجاجه اوهجمت اعلينه حركت بالخيم دخان
صعد وي النفس مرتين كلما يصعد الهم بأن
مشت نار الخيم وصلت عباتي وجوت عطشان
لحد مابالجدم نزلت اجيتك والوكت من حان
لمن وصلتك_شوماعرفتك
متغير علامك_سله حسامك
خويه نخيتك
_____
المسافه البينك اوبيني ظبابه والعدو صياد
اجيتك بس النفس اني الذيابه ادور المرصاد
اجيت اتعثر ابدربي ادور خويه بالاجساد
لكيتك تالي ياحاله العتب بيه ولاينراد
جثه صريعه_فؤك الشريعه
اشلع سهامك_سله حسامك
خويه نخيتك
_____
طفح موج الدمع مده شريعه ابخدي سويته
كبل لا ينزل ابثوبي وحك عينك ضميته
اخاف أمن الشمر عينه تشوفه أو ما خليته
ولاحت المتن اني يخويه بجفي خطيته
اشكف بديه_من سوط اميه
ابدي كلامك_سله حسامك
خويه نخيتك
_____
اجيتك يالكلت بحماي اسولفلك يبوالكلفه
السياط التنزل ابمتني شعوري والله ماوصفه
على كل ظربه يالغالي احس الروح متلهفه
تريد الموت يوصلها يمك يطلب بحتفه
يمته المنيه_توصل إليه
زيحه لثامك_سله حسامك
خويه نخيتك
_____
تمنيت اليه الموت يوصل بالكلب حسره
كبل لا اوصل يمك يخويه واهمل العبره
تمنيت لمن عيني تشاهد خيمه مستعره
صحت يمه الحكيني تراني بظلعي جم كسره
يمه انادي_جرحوا فؤادي
نور همامك_سله حسامك
خويه نخيتك
_____
انه وحدي يبوفاضل اخوك احسين بلامنحر
لن بعدك اجتي الخيل سحكت صدره واطشر
اريدك توكف اتشيله واترجع اله الخنصر
اخاف أمن العدو بأجر يأخذ للسبي خدر
هسه اريدك_جبت اني ايدك
كافي منامك_سله حسامك
خويه نخيتك
_____
كلمات حسنين المحنه

جفل جف اليدور بالحرايب راس
اوكصر جدم الينازع فزت الخيل
اوكعد بال اليجابه طول الاسباع
ونحر درب البوادي البايع الحيل
كسر واهس من يصفن الشيطان
يستغفر الله حد ما يصير الليل
اواذا صبح يصبح خيره وياها
بحيث اعله الشمس يمطر انجيل
اواذا نحره تشمه تتعجب اصيح
من ياهيل النشمه اوعطرك الهيل
على امتونه البنات امخدرى وتنهاب
وعله اجفوفه الفرات برمشته ايسيل
من كد ما تشوف الناس ما تلام
تقبل اجدامه كبل لا تجي الخيل

يمنعونه يكلون هذوله مايفهمون
اذا نوصل للحسين فدوى انادي الادين
هذوله مايفهمون
~~~~~~

قريبا
هيه كوه ما اعوفك اني احبك
ياامامي جدمي رايد يمشي دربك
يامرض هاذا الحجي ميفيد
كلبي ينبظلك شعر من ابعيد
اني احبك

مسلم اوصادق_مسلم اوناطق
بالحرب سيفه_مسلم اوناطق
__
موكلمن ايسولف بعد انه الوفي انه
اتبين أفعاله بعد من يثبت اهنانه
بعض البشر بس الحجي تاليها خسرانه
بس مسلم الوفه صدك وأعماله ربحانه
سيده اواثق_مسلم اوناطق
بالحرب سيفه_مسلم اوناطق
__
لمن طلع ذاك الاسد جن طالع ابزوده
يحمل امانه اومانكر يوم الوفه اوعوده
مأخذ رساله أمن العرش ماخالف اعهوده
مرسل لبواليمه صبح من سافر ابجوده
بالأمر سابق_مسلم اوناطق
بالحرب سيفه_مسلم اوناطق
__
الكوفه ديوان الغدر ماتوفي بحجايه
مسلم اجه لمن دخل رأيه تدك رأيه
صادق دخل يعرف بعد هاذا الأمر غايه
يدري ولابيهم وفي هاي البشر هايه
بس جبل شاهق_مسلم اوناطق
بالحرب سيفه_مسلم اوناطق
__
واحدهم ابليس الاجه غايته ايغدره
ماهمته أوصله بعد خلاهم ابظهره
لمن طلع شاف السمه بس جرته الحسره
باوع ولاواحد بقى من خنكته العبره
والدمع حارق_مسلم اوناطق
بالحرب سيفه_مسلم اوناطق
__
جلجل الليل أو وصل لدار الوفه الغالي
طلعت واجت طوعه اله ماعرفت الوالي
عرفني عن نفسك بعد حرمه انه بحالي
كاللها يابت الأصل ماجانت أبالي
اتوقعت سارق_مسلم اوناطق
بالحرب سيفه_مسلم اوناطق
__
عرفه بسمه والدمع فؤك الوجن جاري
كلتله خادمتك انه خل ندخل لداري
خوفي عليك أمن العدو لا يسمعك جاري
اتوضه وسجد لمن دخل ظل يدعي للباري
هالامر لاحق_مسلم اوناطق
بالحرب سيفه_مسلم اوناطق
__
لطوعه ابن لمن سمع صار الطمع دينه
راح واجه بجيش الغدر بس مسلم بعينه
ظم الدمع كام اونهض رد حيدر اسنينه
صال اودحر بس انغدر من ظربوا اجبينه
غدروا الصادق_مسلم اوناطق
بالحرب سيفه_مسلم اوناطق
__
كلمات حسنين المحنه