الشاعر حسن بشير السوداني

قصيدة أستشهاد الامام السجاد (ع)

ها يملك الموت اقبض روحي
راحوا اهلي وتعبتني اجروحي
بقت بس آثارهم وحشه ضلت دارهم
*********************
الدنيه من غير الحبايب والله صعبة
والغريب اتشيل نعشه ناس غربة
الراحوا اهله بعيد الله يعين كلبه
حسرة حسرة يموت والمدمع يصبه

الموت مو فكرة جديدة اعلية
انه من طف كربلا مر بية
بروحي تسعر نارهم وحشه ضلت دارهم
=====================
قصتي قصة غريبة وكلها شدة
اثمنطعش واحد جفاني بساعه وحدة
كل فرد مثل البدر عالكاع خدة
والصبر ماي وعكب اهلي تبده

الشاف اهله اعله الارض مذبوحه
باقي المن بالله شله ابروحه
و اضلمت انوارهم وحشه ضلت دارهم
=====================
من اطب دار الاهل واشتم عطرهم
شما اغمض اعيوني جن انظر صورهم
شكد بجيت اعليهم وولوعة هجرهم
لو يرجعون العمر فدوه العمرهم

انظر المحراب ابوي الغالي
بعيني اتخيل يصلي اكبالي
وبقه بس تذكارهم وحشه ضلت دارهم
***********************
انظر العمتي و اكَلها يا الغريبة
مصيبتي ومصيبتج نفس المصيبه
خل ننوح وندري بالراح شيجيبه
وياجرح فكد الاهل ما صح طبيبه

نار وخيام و عطش بجروحي
مراكض وخيل وسبي بنص روحي
استسلموا لاقدارهم وحشه ضلت دارهم
*************************
ودعت اهلي واخوتي غالي غالي
فارغه ضلت خيمهم ما تلالي
موقف اذكر لسه مرسوم ابخيالي
من شفت موقف خواتي بلايه والي

من الخيم طلعن ركض شافوهن
نار بيهن تسعر و سلبوهن

سلبوها ازغارهم وحشه ضلت دارهم
**********************
شلون انسى كربلا و ذيج الرزية
تنعرض كَدامي كل صبح ومسية
سهلة اشوف اجسادهم فوك الوطية
الجرح كلبي خذوا زينب سبية

شلون عيني اعله الهزيله تشوفها
ولسه اثار الحبل بجفوفها

واللي حامو جارهم وحشه ضلت دارهم
*******************
حسن بشير السوداني

لو اتكطع هيهات ارجع مشاي اطلع بالاربعين
*********************************
هذا العالم خل يسمعني
كلشي بدربي ما يمنعني
سيف العاذل لو كطعني
امشي لكبرك ميرجعني

بالمشايه اترف الراية اهناك الغاية بالاربعين
*********************************
لا ما اتعب امشي لكبرك
يامن لاجلي اتكطع نحرك
انه واهلي فدوه لصدرك
كل الدنيه فدوه لصبرك

اوفي اعهودي امشي بزودي هاي اوعودي بالاربعين
*********************************
يابو اليمه دربك جنة
واهنا موتي والله اتمنه
امشي بدربك ما ملّنه
وبكل خطوة دمعه وونة

بعيني المنظر راس ومنحر ابقى اتصور بالاربعين
*********************************
وبكل خطوة بدمع اعيوني
زينب تصرخ ما رحموني
جم ايتيمه تصيح امتوني
فوك الهزل ليش اخذوني

اشكي بدمعي والطم ضلعي ابجي وانعي بالاربعين
*********************************
من عشاكَك اخذ حجايه
لو نتذره انظل مشايه
يابو اليمه انظل وفايه
نكصد كبرك نرفع رايه

و العادانه ما همانه انكَص السانه بالاربعين
*********************************
حسن بشير السوداني
07734671700

قصيدة حماسية للمشاية
____________

يالزاير علي وياك يالزاير
يالزاير علي وياك يالزاير
*********************************
وصلت المشايه كَوم شيل الراية
اسحكَ اعله جروحك يالنطيت احجايه

كَوم يابو الغيره كَرّب يومك
لا تهم خل اليلوم ايلومك

تمشي حتى الاملاك يالزاير
يالزاير علي وياك يالزاير
*********************************
بالمشي لحسينك لا تمل رجلينك
حسين ويه عضيده بكربله امتانينك

و المواكب فتّحت ابوابها
وعلى مودك ساهرين اصحابها

الخادم صوته ناداك يالزاير
يالزاير علي وياك يالزاير
*********************************
حسين ماسد بابه ينتظر احبابه
لو تجي وتزوره يسجلك بكتابه

حسين لاجلك ما بخل بوريده
والله هنيالك يسجلك بيده

من شباجه حياك يالزاير
يالزاير علي وياك يالزاير
*********************************
بالتعب يالزاير اذكره بالعاشر
بالشمس ظل عاري وجسمه داسه الحافر

من تحس بالحر تذكر حاله
بالشمس ظل جسمه محد جاله

نادي بدمعه جيناك يالزاير
يالزاير علي وياك يالزاير
*********************************
كوم واسي بروحك والطم اعله جروحك
لزينب المضلومه لا تبطل نوحك

شما مشيت اتظل مسافه ازغيره
بت علي للشام تدري يسيره

شنهي هذا ممشاك يالزاير
يالزاير علي وياك يالزاير
*********************************
حسن بشير السوداني

استشهاد الامام السجاد (ع)

گضيت العمر دموع و هجر
أنه زين العباد أنه زين العباد
=======================
گلبي بفراگ الاهل بعده بونينه
الیفگد اهله یاخلگ ما تغفه عينه
انه شفت احسين ابويه مگطعينه
اليسمع ابقصتي يگول الله يعينه

اجاني الاجل وانه ابلا اهل
أنه زين العباد أنه زين العباد
=====================
شفت عمي الحسن من وذروا جبدته
وشفت ابوي حسين من گطعوا رگبته
من شبابي و حزن گلبي ما تركته
هناك بارض الغاضريه موتي ردته

ردت انذبح و لا هالجرح
أنه زين العباد أنه زين العباد
======================
فراگ اخوتي والعمام شسوه بيه
حگي لو اتمنى بالطف المنيه
شحال ذاك اليدفن احبابه سويه
وشاف عمته اعله الهزل راحت سبية

بنات النبي وخذوهن سبي
أنه زين العباد أنه زين العباد
=====================
شما اشوف الماي وبعيني انظره
اذكر احسين انذبح ما ضاگ گطره
ياهو يمشي الكربلا الوالده يخبره
يگله ابنك ينختم هاليوم عمره

الچبد منمرد اريده يصد
أنه زين العباد أنه زين العباد
=====================
قصتي ويه الحزن قصة عجايب
تنعرض كل ساعه يم عيني المصايب
چن اشوف احسين ابويه اعله الترايب
وعالشريعه چن اشوفن گمر غايب

چفوف وعلم يتامى وخيم
أنه زين العباد أنه زين العباد
=====================
بعيني اشوف اطفال واخيام احركوها
وانظر اطفال وحراير سلبوها
و طفله تبچي والاعادي يشتموها
من البچي تالي گضت يم راس ابوها

اغمض الجفن و دليلي يون
أنه زين العباد أنه زين العباد
=======================
خادم اهل البيت (عليهم السلام)
حسن بشير السوداني

قصيدة حزينة - ليلة الحادي عشر من المحرم


لحضةلحضة الصبح يكَرب  ويخلص الليل وضلامه
و آنــــه جفنـــي ماطبكَتـه   حارسه لهاي اليتامــــه
***********************************
لا خيم ضلت عليّة الكـــــوم حركَوا خيمتي
عَلـــــيْ مر اليوم وانه اصفيت هسه بغربتي
تحولت ارض الطفوف ذياب من عكب اخوتي
ايدي استر بيها وجهي مدري امسح دمعتي

و المشوا عنها اهلهـــــا     تقره عالدنيه السلامه
وآنه من عكب الكفلني     حارسه لهاي اليتامه
********************************
شاحجي من حركَوا خيمنه وباليتامه اتمرمرت
طفلة تصرخ طفل يركض طفل ضاع اتحيرت
و الله لو عبــــــــــاس يمي جان هسه اتدللت
ماركضت ابليلة ضلمه و لا عالايتام احرست

صحت وينك يابوفاضل  دهري صوبني بسهامه
شلون عفت اختك يخويه   حارسه لهاي اليتامه
********************************
جدمي يرجف جاي ادوّر طفلة ضاعت بالفلة
امنّاهـــــا احسين عندي اهواي عنده مدللــــه
فــــرّت من الرعب تركض تريد ابوها تروح اله
واهيه ما تدري بابوها الرمـــــح راسه شايله

وين اروحن وين أدوّر   محد من اهلي النشامه
ضاعت الطفلة وتراني   حارسه لهاي اليتامــــه
*********************************
راح تخلص حيرة حيرة الليلة وجروحي شكثر
اعلية ملتمه اليتامى ابلايه خيمة و لا ستـــــر
بين اضمّد جرح طفلة سحكَت الشوك العصر
و بين اشد جوية رقية اتجوت ابحر الجمر

بين اسكّت طفل يبجي    السوط تاركله علامه
وبين عنده شكوى وانه     حارسه لهاي اليتامه
*******************************
رحت نص الليل اركض بالجثث اعثر واطيح
عن اخوي احسين ادوّر ياعزيز اختك اصيح
ابد ماكو اعتاب عندي ادري يبن امي ذبيح
ارد اودعك حتى اروحن لليسر كلبي جريح

لني اسمع صوت منه   من النحر يطلع كلامه
كلي انتي خويه زينب   حارسه لهاي اليتامه
******************************
لو خلص ليلي و اودعه ألتقي بثاني جرح
وعد موعود اعلى زينب تنسبي من الصبح
تطلع اضعون السبايا وكل نحر دامي ابرمح
شلون بيها حيل تمشي الشافت انحور وذبح

لون وجه الصبح يطلع  وليلي يتغطه ابلثامه
لليسر باجــر اروحـــن   حارسه لهاي اليتامه
******************************
حسن بشير السوداني

(فزاعية يوم العاشر)


وينك يسبع الگنطره
________ ___________
يالنايم ابشاطي النهر
الحگ عظيدك ياكمر
حسين انذبح من الضهر
ريتك يخويه تحضره
___________ ___________
نحر الاخو تدري انكطع
فوك الرمح راسه ارتفع
وشگد صحت محد فزع
يگطر دمه ظل منحره
__________ ___________
رد مهره خالي لخيمته
يصيح الضليمة بدمعته
مرعوبه طلعت عيلته
شردت يخويه بالعره
________ _  ___________
طبوا علية لخيمتي
وضليت انادي بدمعتي
وينك يكافل هيبتي
ترضاها ابقى محيره
________  ___________
يامن كلتلي ادللي
معقولة ما تفزع الي
عكبك بقيت ابلا ولي
سلمني بيدك حيدره
________  ___________
سلبوا يعباس الحرم
حركوا يبو الغيره الخيم
الحگنه یاراعي الشيم
والشمر جانه ابعسكره
_________  ___________
وين انطي وجهي ليا كتر
بيدي اشگفت سوط الشمر
يا بالفضل شنهو العذر
محتاره من عكبك تره
_________  ___________
حسن بشیر السوداني

لحضةلحضة الصبح يكَرب  ويخلص الليل وضلامه
و آنــــه جفنـــي ماطبكَتـه   حارسه لهاي اليتامــــه
***********************************
لا خيم ضلت عليّة الكـــــوم حركَوا خيمتي
عَلـــــيْ مر اليوم وانه اصفيت هسه بغربتي
تحولت ارض الطفوف ذياب من عكب اخوتي
ايدي استر بيها وجهي مدري امسح دمعتي

و المشوا عنها اهلهـــــا     تقره عالدنيه السلامه
وآنه من عكب الكفلني     حارسه لهاي اليتامه
********************************
شاحجي من حركَوا خيمنه وباليتامه اتمرمرت
طفلة تصرخ طفل يركض طفل ضاع اتحيرت
و الله لو عبــــــــــاس يمي جان هسه اتدللت
ماركضت ابليلة ضلمه و لا عالايتام احرست

صحت وينك يابوفاضل  دهري صوبني بسهامه
شلون عفت اختك يخويه   حارسه لهاي اليتامه
********************************
جدمي يرجف جاي ادوّر طفلة ضاعت بالفلة
امنّاهـــــا احسين عندي اهواي عنده مدللــــه
فــــرّت من الرعب تركض تريد ابوها تروح اله
واهيه ما تدري بابوها الرمـــــح راسه شايله

وين اروحن وين أدوّر   محد من اهلي النشامه
ضاعت الطفلة وتراني   حارسه لهاي اليتامــــه
*********************************
راح تخلص حيرة حيرة الليلة وجروحي شكثر
اعلية ملتمه اليتامى ابلايه خيمة و لا ستـــــر
بين اضمّد جرح طفلة سحكَت الشوك العصر
و بين اشد جوية رقية اتجوت ابحر الجمر

بين اسكّت طفل يبجي    السوط تاركله علامه
وبين عنده شكوى وانه     حارسه لهاي اليتامه
*******************************
رحت نص الليل اركض بالجثث اعثر واطيح
عن اخوي احسين ادوّر ياعزيز اختك اصيح
ابد ماكو اعتاب عندي ادري يبن امي ذبيح
ارد اودعك حتى اروحن لليسر كلبي جريح

لني اسمع صوت منه   من النحر يطلع كلامه
كلي انتي خويه زينب   حارسه لهاي اليتامه
******************************
لو خلص ليلي و اودعه ألتقي بثاني جرح
وعد موعود اعلى زينب تنسبي من الصبح
تطلع اضعون السبايا وكل نحر دامي ابرمح
شلون بيها حيل تمشي الشافت انحور وذبح

لون وجه الصبح يطلع  وليلي يتغطه ابلثامه
لليسر باجــر اروحـــن   حارسه لهاي اليتامه
******************************
حسن بشير السوداني

عالهوادج شمعه بيدي   وبالجفن دمع المصاب
انعى و اقرالك قصيدة     من تمر زفة شباب
***********************
يالطفوا شمعة شبابك   شمعة هالليلة اشعلت
صاعده بنوك السبايه     وبيدي لطمية شلت
يبني يالقاسم اصيح   اشلون عن امك غبت
تدري بفراكَك هظمني      وحك عينك شيبت

وياي حتى الناكه ناحت    يالعفتني للعذاب
كلبي يتذكر مصابك     من تمر زفة شباب
***********************
شلون مجلس عالهزيلة    ويانه ظل يبجي الحجر
من بديت اقره القصيده    نزلت ادموعي مطر
بجت زينب و الحراير         وصار مأتم بالسفر
بجه راس احسين شفته     وراس عباس الكمر

يلطمن ابكل حركَه ظلن     ويمه ذكريني الجواب
يالكلت ذكري مصابي        من تمر زفة شباب
***********************
شلون اخلصها القصيدة    البجي ماخلاني ارد
شما اخلص بيت منها    زينب تكلي اعد
ذابت الشمعه اعله ايدي   وانته ما ترضى ترد
عادة الرادود يبجي        لو ذكر طاري البُعد

ما تنام الليل عينه      الفاكد من عيونه شاب
وانه اكظي الليل اقره    من تمر زفة شباب
***********************
اعذرني يمه اعله الهزيلة     مجلس امصابك قريت
مجان غيره ماكو عندي      تدري يوليدي انسبيت
اعذرني يايمه تركتك        غصب عن جسمك مشيت
بكربلا المفروض اظلن       حسره ضلت ما بقيت

عتاب عندي العفتني   ادري ما تحمل عتاب
ادري تعشك هالقصيده   من تمر زفت شباب
***********************
رايده احجيلك ييمه    عن معاناة الحزن
ويه كل دمعه الاهلها    ينضرب سوط المتن
صوتي مبحوح وقريته    كضيت هالمجلس اون
بكثر ما ابجي شفتها      حمره دمعات الجفن

اشلون ما ابجي يغالي   وانته نايم عالتراب
وراسك ينادي اذكريني    من تمر زفة شباب
***********************
حكَي اعتب يالعفتني   وحكه دمعي من يهل
اقره باطوار الونين    واحن حنات الابل
الشفته يبني سهل كله   بس غيابك مو سهل
تدري دهري خلاف عينك  ركباني اعله الهزل

صرت محنيه بغيابك   والرمش من عندي شاب
راح اظل للموت اردد       من تمر زفة شباب
***********************
حسن بشير السوداني

يالحسين  وكع وين  ابوالفضل والينه
======================
وين طاح الوالي      ليش دمعك هالي
جيت وحدك لينه   ياكتر كفالـــــــــي

للاخيام  بالألام   وحدك رجعت اعلينه
======================
بيا كتر خليتـــــه     بخيمتي متانيته
خويه اكطع ظني   لو يـــــــــرد البيته

صدك راح   بالانياح   لو يرحل يخلينه
======================
هاليتامـــــى اتناشد     بس دموع تشاهد  
محني ضهرك خويه   جنه حال الفاكد

شني الصار  عله النار  عكب الكمر ضلينه
======================
جيت وحدك حاير   تصيح هل من ناصر
وين راعي الراية      كلبي جيته يناطر

والاطفال  باشد حال  وتصيح عمنه وينه
======================
جيت صوب اخيامك    منحني بآلامك
و العمــــ ـــــد ذبيته   يعني راح احزامك

النهر وين   يالحسين    خنروح اله خلينه
======================
حسن بشير السوداني

اويلاه يوليدي اويلاه يوليدي
======================
الف واويلاه صحت بدمعتي
ريت كبلك يبني تنحز ركبتي
اشلون اعيش خلاف عينك دنيتي
عمرك بعمر الورد
يبني ومصابك يهد
صدك رايح ماترد     اويلاه يوليدي
======================
ما اشوف خلاف عينك راحه
راح اكظيها دمـــــع و انياحه
وكلبي عكبك يبتلي باجراحه

شلون طايح عالترب
وامك ابين الغرب
ياعلي فراكَك صعب   اويلاه يوليدي
======================
للخيم جابوا يفجع حالك
راس مهشوم وكطيعه اوصالك
ريت اموتن صحت يمه ابدالك

اخلاف عينك ياعلي
راح اظل محد الي
صوت حزني يعتلي   اويلاه يوليدي
======================
شلون اشوفك يبني مخضوب بدماك
وين ذاك السهر يايمه ورباك
ريت اموت اليوم يوليدي وراك

الموت اهون يالولد
كلبي بجفاك انمرد
صدك ماشوفك بعد   اويلاه يوليدي
======================
خذيت روحي يالولد لمن مشيت
سالت اعيوني دمه بكد ما بجيت
اشلون احضنك وانته متوذر صفيت


اشلون احضن جثتك
من السيوف الوذرتك
عذبتني مصيبتك     اويلاه يوليدي
======================
حسن بشير السوداني

عالغريب انـــــدرات الخيالــــة
ظل طريــــح ومحد اتعنالـــــه
واحسيناه واحسيناه
*******************
اليوم عاشر يوم للون والنحيب
حسين عكب انصاره محتار وغريب
ينادي هل من ناصر وماكو مجيب
محد امن انصـــــاره كام و جاله
**********************
بكَلبه نيران العطش متضارمه
نايم ابحر الرمـــــل ينزف دمه
ريت هذا اليوم تحضر فاطمة
تشوف ابنها مكطعين اوصالــه
*******************
شلون ننسى العاشر وذاك الجره
شلون ننسه حسين كطعو منحره
شلون ننسه ابيوم بتروا خنصره
مانسينه الطـــــــــف ابد و اهواله
********************
داسته خيول العده عكب الذبح
انكطع راسه وانرفع فوك الرمح
ايجرح احسين هذا اعظم جرح
صوت من سابـــــع سمه يتعاله
********************
هجموا العدوان حركوها الخيم
ركضت اعله الجمر مرعوبه الحرم
عالنهر مطروح شيال العلـــــم
خدر ما ظل من عكب كفالــــه
*********************
حسين عاشورك يظل طول الزمن
صورة للاجيال ترسم للمحن
كلنه ننطر ثارك ويه ابن الحسن
هو ادره بوضع جــــده و حاله
**********************
حسن بشير السوداني

اله اراويه الندم    اليوصل احدود الخيم   
==========================
لحد يجــازف تره    انه سبع الكنطـــــرة
عالذبح يلزم سره    الكال اوصل للحرم
ـــــ ـــــ ـــــ ـــــ ـــــ ـــــ ـــــ ـــــ ـــــ ـــــ ـــــ ـــ
انه كافل عيلتـــي     مثل سيفي خزرتـي
مثل حيدر ضربتي   هذا واقع مو وهــــم
ـــــ ـــــ ـــــ ـــــ ـــــ ـــــ ـــــ ـــــ ـــــ ـــــ ـــــ ـــ
انه راعي الموزمــــه    اله اسوي ملحمـــــة
سيفي لويطلب دمه  يرتوي من الحومه دم
ـــــ ـــــ ـــــ ـــــ ـــــ ـــــ ـــــ ـــــ ـــــ ـــــ ـــــ ـــــ
هالحرم و العايلــــه    بزودي طبت كربلا
اله اكص رجلـــه اله   اعليها لو واحد هجم
ـــــ ـــــ ـــــ ـــــ ـــــ ـــــ ـــــ ـــــ ـــــ ـــــ ـــــ ـــ
اوكَف وبيدي اللوى   لو يمس خيمة نوى
اخنكَ بجفي الهوى    ارد افهـــــم الما فهم
ـــــ ـــــ ـــــ ـــــ ـــــ ـــــ ـــــ ـــــ ـــــ ـــــ ـــــ ـــ
آنه ابو فاضــــل أنه    واكف شحده الدنه
تبقى أختي مأمنــه    تصيحلي يابو الشيم
ـــــ ـــــ ـــــ ـــــ ـــــ ـــــ ـــــ ـــــ ـــــ ـــــ ـــــ ـــ
حسين اخوي وسيدي   هوه ذخري وقائدي
الراد ينوي يعتـــــدي    اكطع اجفوفه قسم
ـــــ ـــــ ـــــ ـــــ ـــــ ـــــ ـــــ ـــــ ـــــ ـــــ ـــــ ـــ
حسين انه ابخدمته   اليمس خيط بخيمته
 خل يوصي وصيته   من يرف بيدي العلم
ـــــ ـــــ ـــــ ـــــ ـــــ ـــــ ـــــ ـــــ ـــــ ـــــ ـــــ ـــ
حسن بشير السوداني

عندي ياخويه سؤال وسالفه
                    ليش من هاي المسية خايفه
 يكَلي كَلبي من يدكَ    خيم باجر تحتركَ
===============================
يابوفاضل   يمي اكعد     هاي اظن كعده اخيره
لو عفتني   شلون باجر    والخدر شنهي مصيره
لا اخوتي   لا كفيلـــــي     لا عمام ولا عشيـــــره
شلون بيه  شلون تخلص  ويه ناس ابلايه غيره

كَلبي من هاي المسية بخوفه
                    يكَلي كفالج تطيح اجفوفه
شلون لو صارت صدكَ  خيم باجر تحتركَ
==============================
العودوهـــــا  عالمحنـــــة  صعبةتمشي وي ال امية
خل اموتن    كبل اخوتي   ارد اموت بهل المسية
نهاري اضلم    ادري باجر   وانته عالشاطي رمية
عكب اخوتي   والحبايب    ياهله بجيت المنية

هاي اخر ليلة خويه وياكم 
                   ريت اموت ولا شفت فركاكم
باجر يموت العشكَ    خيم باجر تحترك
=============================
والله صعبه   تفاركوني  من يظل خويه بخيمنه
انته نايم    عالشريعه     عالنهر طايح علمنــــه
بالضهر لو   كلها ترحل     وكلها عالغبره زلمـــنه
يظل عضيدك  وحده حاير  يلتفت يسره اعله يمنه

من يطيح من المهر والينه 
                   تهجم العدوان كلها اعلينه
الضهر باجر نفترك     خيم باجر تحترك
===============================
ظل يخويه  الدنيه عكبك  يابوفاضل جنها غابة
مهر اخويه  وحده يرجع   وعالضهر جايب خضابه
يوم عاشر    من يخلص   جرحي مايخلص مصابه
جم مصيبه   التنتظرني   وجم حزن فاتحلي بابه

يطيح اخوي احسين واتعناله
                      بصدره انظر تسحك الخياله
يرضرضونه من السحكَ    خيم باجر تحترك
=============================
وين اروحن  خويه كلي  لو يجونه   الكوم باجر
و اليتامــــه   كلها تشرد    بالصحاري ابلايه ناصر
هذا مجوي   وهذا طايح   وهذا سحكته الحوافر
وانه وحدي  شلون ألمهم   كلبي من هالليلة حاير

تصير زركَه من السياط امتوني
                  بت علي وفوك الهزل يسبوني
امتوني لو صارن زركَ    خيم باجر تحترك
=============================
حسـن بشيــر السودانـي

                 حسين واويلاه واويلاه واويلاه

            ======================

اجاني العاشر   اشوفك باجر    تنادي وحاير   اريدن ناصر
            ======================

عيوني تنظرك  سهام ابصدرك  الشمر يتحرك   يريد ينحرك
            ======================

اشوفك دامي   ذبيح وضامي  تشب اخيامي   وتفر ايتامي
            ======================

المهر يالغالي    يجينه خالي    انه واطفالي     نريد الوالي
            ======================

نصد للحومه  بمهج مالومه  اظل مهظومه   واخوتي نومه
            ======================

الشمر لو جالك  يكطع اوصالك   وانه اتعنالك   واشوفن حالك
            ======================

يحز بوريدك   وتأشر بيدك   تريد عضيدك    وتظل وحيدك
            ======================

العصر بالمصرع  نحر يتكطع  جسم يتوزع    وانه اتلوع
            ======================
            حسن بشير السوداني

على لحن (يخيمات) / القاسم ع



بالسيوف   صارت زفتك يبني بالسيوف
                 واعليك العساكر كامت اتطوف
                  ومو حنة دمه وريدك بالجفوف
======================
كل شاب اذا صار العرس    ينزف ييمه لغرفته
وانه ابني من دون الخلكَ   للحومه صارت زفته
والشاب اذا عرس يجي    تنحط ورود ابركَبته
وانه ابني ماخلو ورد         خلو سيوف الذبحته

يعريس    صارت زفتك لوعة  يعريس
                بالدم طفوا اشموعه
                وامه بعرسه مفجوعه
======================
وسفة زماني ما نصح    ياوسفه خيب ظنتي
كلت افرح بعرس الولد    خلاني اهمل دمعتي
عمرك مثل عمر الورد      شو ذبلّت وردتي
مطفيه شمعاتك وسف    وحشه عكَبهن دنيتي

يجسام    زفتك جنت اتانيها   يجسام
               حتى انسه الحزن بيها
               شكد احسب جنت ليها
======================
الشافت ابنها الثره     ماتغفه و تغمض الجفن
تتصوره بهيئة بدر       كلما مسه اعليها يجن
يايمه ليل الفاكده       بس نايحه يكظي وحزن
من عدها يطلع كل حرف    شهكَه وعتابات وسحن

يجي الليل    يبني ووجهك اتصور  يجي الليل
                   مثل البدر لو ازهر    
                   و بالدم وجهك معفر
======================
كل ام ابنها لو كبر    تلزم كَلبها شما طلع
تقره المعوذات وتظل    تحسب لونّه ما رجع
شحال التشاهد للولد     نحره المثل ورده انكطع
تمشي اسيره بالغرب      وراس الولد يمها انرفع

بالارماح     ابني مرتفع راسه   بالارماح
                و ينظر امه باحساسه
                 و رمحه ابمنحره باسه
======================
ما عوداني اعله الهجر    عودني اعيش امدلله
امه واذا ساعه غبت        عن عينه تبقه سايله
جان العمر هسه العمر      مني خذتــــه كربله
تجرح دليلي شوفه         كلما عيوني تصد اله

على النوك     راسك ينظر علية   على النوك
                     تقبل امشي مسبية
                     الشامت نظرته لية   
======================
حسن بشير السوداني

لحن جسام ياضنوتي
الموضوع : ليلة عاشر

ياعين كافي دمع باجر  باجر يفجعوني
ظمي دمع الجفن       باجر اشكد حزن   
           باجر باجر يفجعوني
***************************
ياعين كافي و الدمع لا يهل
خواني باجر و الاهل تنجتل
العاشر يدمعي ما اظنه سهل
من عكب اخوتي اركب اعله الهزل

لو راح ذاك الشمل وحدي وحدي يخلوني
لو هلي تبتعد   لليسر استعد
***************************
باجر اشوف الاكبر المنصرع
للقاسم ارماح ونبل مو شمع
تصبر اريدك للصبح يا دمع
عبدالله اشوفه والنحر منكطع

باجر اشوف النحر دامي دامي و يعذبوني
من يصيبه الضمه   ينروي من الدمه
***************************
باجر يريد ادموع مثل المطر
ماريد عيني الما بجت عالكمر
لمن يطيح الكافل اعله النهر
من عدنه يكسر جم كَلب جم ضهر

لو راح راعي العلم اخلافه اخلافه يهظموني
لو وكع كافلي   انسبي ابلا ولي
***************************
باجر اشوف احسين فوك الثره
وبعيني اشوفن ينكطع منحره
ماكافي جثته داميه اموذره
اليسلب الخاتم يكطع الخنصره

واصرخ يخيل العده   كبله كبله دسحكوني
هذا ابن فاطمة    سابح من الدمه
***************************
ضمي دموعج لا يهل هالمسه
باجر يموت الهوى الاتنفسه
هذا الدمع لحسين اريد احبسه
 وننصب عله ارماد الخيم مجلسه

 وانبات فوك الجمر   راحو راحو اليحموني
راس اخوي برمح   يبقه عكب الذبح
***************************
يا دمعي تلحك عالحزن والهظم
مسبيه اروحن ويه اهل الضلم
هناكه اظن من الدمع انحرم
اله اكظي درب السبي نوح ولطم

انحب واون عالهزل  وابجي وابجي ويمنعوني
و اليودع الاهل    ماله غير الاجل
***************************
حسن بشير السوداني

فاطمـــــة الليلة كَلبها ابكربـــلا
بالدمع شهر الحـــــزن تستقبله
-------------------------------------
لا تهل ارجـــــاك يهلال الحــزن
فاطمـه شما شافتك تبقى تون
لا تظـــن يهجع كَلبها لا تظــــن
وطاح ابنها اعله الثره محد اله
-------------------------------------
ياهلال المن طلعتك بالسمـــــه
تنهظم كلما تشوفـــك فاطمـــة
تذكر احسيــــن التغسل بالدمه
ظل ثلاثه احسين محد غسله
-------------------------------------
فاطمـــة لوشافتك تعلن حداد
بجنة الله اهناكه وتعلّكَ سـواد
وبكَلبها جـــرح ابنها ابلا ضماد
كل وكت تسمعها قصــة مقتله
-------------------------------------
تذكر اشلون انذبح منه الوريد
تبجي والراح ابنه دمعاته شتفيد
تنادي كل لحظة يرب ألعن يزيد
هزهز العالـــــم مصابه و زلزله
-------------------------------------
و الاشد يفجع كلب بنت النبي
راحن ابنات الرسالــة للسبـــي
تشكَكَت من الضرب حته العبي
بعد اهلهن يحدي بيهن حرمله
--------------------------------------
تنظر هلال الحزن بيه شتشوف
جثه عالغبره وتحاوطها الالوف
هذا ابنها الدارت اعليه السيوف
دم مدامعهـــــا اعله ابنها سايله
---------------------------------------
تنظر هلاله و على وجهه انرسم
مشرعة و جود وجفوف بلا علم
وتنظر النار اسعرت وسط الخيم
من الرعب تركض تشوف العايله
----------------------------------------
فاطمـه الما عافت الون والنياح
حكها تبجي وراس ابنها عالرماح
بكَد مدامعها الجفن من عدها طاح
والثياب الســـــــودة الها مفصله
--------------------------------------
     -حسن بشير السوداني-