Havvo_Rasmiy

Assalomu alaykum va rahmatullohi va barokatuh!

Bizlarni bir jon – Odamdan yaratgan va undan jufti Havvoni yaratgan hamda ikkisidan ko‘p erkak va ayollarni taratgan Alloh taologa behisob hamd-u sanolar bo‘lsin!

Ayol-qizlarni asrab-avaylashda, e’zoz-u ehtirom etishda butun insoniyatga namuna bo‘lgan, qiz farzandlarni chiroyli ta’minot qilish, tarbiyalab uzatish jannatdagi oliy martabaga yo‘l ekanini uqtirgan, “men qizlarning otasiman” deya marhamat qilgan Payg‘ambarimiz Muhammad Mustafo sollallohu alayhi vasallamga cheksiz durud-u salovatlarimiz bo‘lsin!

🌏 Biz ayollar barchamiz Momo Havvo onamizning naslimiz. Qaysi millat, qaysi dinda bo‘lmaylik, aslimiz bir, fitratimiz yagona – Havvo onamizning qizlarimiz!

🌷 Bizning maqsadimiz – jamiki “Havvo qizlari”ni ezgulik va taqvo yo‘lida birlashtirish.

🍀 Umid qilamizki, ushbu ayollar bo‘limi savollariga javob izlayotganlar uchun yechim, tashvishlarga taskin, qiyinchilik chog‘ida yengillik bo‘ladi, inshaalloh.

🌻 So‘zi-yu ko‘ngli gul bo‘lgan opa-singillarimiz uchun ushbu tarmoq muhim bir dasturul-amal bo‘ladi, deb xayrli niyat qilamiz.

Allohning izni ila AzonTV qoshida “HAVVO” nomli ayollar bo‘limi o‘z faoliyatini boshlamoqda.

📚 Ustozlarimiz Mubashshir Ahmad va Odinaxon Muhammad Sodiq boshchiligida siz azizlar uchun sof Islom haqida foydali ilm yetkazishni o‘zimiz uchun maslak deb bilganmiz.

✨ Bizni kuzatib boring, zero oldinda amalga oshirajak rejalarimiz bisyor, ularning barchasi muhtarama ayollarimizning manfaati uchun xizmat qiladi, degan niyatdamiz!

🤲 Robbimiz muvaffaq aylasin, duolaringizdan umidvormiz!