HKT-7

HKT-7 [Hong Kong Time -7]

7，係英國與香港的時差。我地總係遲一步接收資訊，昔日隊友或身陷囹圄，或被迫quit game，我地再無機會並肩作戰，相見之日亦遙遙無期。

簡單自介，我哋係一班流亡英國，目前散落於各城市嘅前前線手足。

暫時我地有十幾人，當中有男有女，有啱啱成年嘅、有被迫離開老婆仔女嘅，有申請緊政治庇護、有等BNO嘅。慶幸嘅係，大家都仍然堅持初衷。我地有倫敦手足燒國旗，有劍橋手足起白衣人底，亦有手足整緊抗共game... 兄弟爬山，各自努力。

我哋最厭惡嘅，係有人以為「流亡手足」好有光環，濫用浪費資源，甚或連集會都唔出席。即使係身處異鄉，只要一息尚存，我地就必須繼續抗爭。

走，從來唔係逃避，唔係單純展開新生活。我地流亡，係要留有用之軀，做更多嘅事，做香港人做唔到嘅事。

雖然法例禁止我哋工作，但我哋仍然希望自食其力，例如透過付出勞力/freelance job黎換取酬勞，絕唔會劈頭一句「我係頂尖前線，你要養我！」sor，恥與為伍。

學天琦話齋：
如果他日我地唔係做緊自己，
請推我地落去！

孑然一身離鄉背井，面對未知嘅未來，固然千般愁緒。但，追求民主嘅路從來就唔可能一蹴而就。要求生，要復仇，要求勝，要歸家，我地就必須勇敢面對磨煉。既然以此為志業，我地就再唔應該自怨自艾。我地會繼續用生命為香港奮鬥，直到香港重光。

黑夜過後便是日出。只要我地繼續互相扶持，撐落去，我地一定可以守住我地嘅民族。終有一日，我地會煲底再聚。今宵多珍重。

願榮光歸於香港
光復香港 時代革命
香港獨立 唯一出路

------------------------------------------------------------
其實我哋最需要嘅支援係住宿同工作，所以希望係英國嘅有心人可以透過呢個channel聯絡我哋香港流亡手足。
------------------------------------------------------------

目前開通左Patreon：
HKT-7
https://www.patreon.com/hkt_7

patreon主要目的為分享生活同同讀者交流，歡迎大家拋磚引玉。
你地建議唔同嘅抗爭方法，我地黎實踐。