مولود بمناسبة تتويج مولاي الإمام المنتضر عجل الله فرجه الشريف
يالمهدي عشگك بـروحي
يالمهدي. يمداوي جروحي
عشگيتك.. واليتك..... ولحد المنيه
🌹🌹🌹🌹🌹
عاشگك يامهدي أنه وصبح حبك ديني
حبك اليمشي بوريدي من الزغر تدريني
عمري إلك اني نذرته وهاي كل سنيني
العشگ يامحلاه هالله البينك انته وبيني
محبوبي. عاشگك يالغالي
محبوبي يــاعشگ دلالــي
حبيبتك... واليتك.... ولحد المنيه
💐يـاتـاج الـدين. ومحبوبي💐
🌹🌹🌹🌹🌹
مثــل حنيتــك عليه ما اشـوفن ثاني
حتـى لو مره نسيتك انته ما تنساني
واني عالفطره طلبتك سيدي ترعاني
سيدي جاهل چنت بس عشگتك اني
مجنونك. خلهم يسمعوني
مجنونك. الخلگ سمــوني
تانيتك.. واليتك..... ولحد المنيه
💐 مجنـون بحبـك. خليني 💐
🌹🌹🌹🌹🌹
هــالــورد رايــد اطشـه وافرح بميلادك
ورايــد اشعـــل شمــع يــاگمـر بأعيادك
ياإمامي حجت الله احسبني من اولادك
تعرف بگلبي يحبك من صــدگ ها رادك
بگليبي. هـا عشت يالغالي
بگليبي. ومارحت من بالي
كلميتك... واليتك.... ولحد المنيه
💐بحبـــك ذايب. دَلالــي💐
🌹🌹🌹🌹🌹
يــامـولاي وحبيبــي يــابعد كـل ناسي
يامهدي بعيد عني وحبـك بأحســاسي
يبــو صــالح العجل هــايه دوم براسي
على نهجك اني امشي ولگطع انفاسي
ماعوفك. حبـــك الهاديني
ماعوفك. وادري ماناسيني
حسيتك... واليتك..... والحد المنيه
💐هنياله هنياله. كلمن والكم 💐
🌹🌹🌹🌹🌹
تمت والحمد لله
بقلمي المتواضع
✍ للشاعرة وخادمة الحُسين
رقية العامري
https://t.me/hoAbbas
