قناة حسينيي الهوى لنشر القصائد الملحنه

الدعم الحسيني الزينبي دعم القنوات الحسينيه  الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة  يكون الحذف من خلال البوت بعد انتهاء الوقت للاشتراك راسلنا على  الرابط 👇👇

https://t.me/Abas747

چا غير من ارش الماي علـ نحرك تگعــد شويه
چا غير من صيحـن بيك عـبـد الله تـــرد لايـه
*
يمــه مـا شــبعـت منـاغـه ويـاه
عمرك جم شهر شبســرعه انعاه 
ولو ما چنهن اشهر چنهن سنين
اتانـي الفرحـه تكبر تالي الاحاه
*
          *يمه يمه يمه*
يريحة من ابوك وذبحـو الريحه
تره امك تگـوم وتگـعـد بطيحـه
كل ضني اشوفك تكبر بحضني 
من شح التلولي كبرت الصيحـه
༺༻
عبد الله يا ورد الخيام
گـطــفـوك بنبل السهام
༺༻
اه.. يا عبد الله يا يمه...
༺༺༺༺༺༻༻༻
چا هيـج الرحيـل يصيـر تگطع گلبي ونياطه
چا هيـج الضنه مگيدين راسه بوصلة گماطه
*
زاغير راسه يگعد بس بالمتون
مو مالت رمـح يتعـلـگ شلـون
اثاري بكل وسيلـه راسه گعدو
من حر الشمـس ذبلانه العيون
*
             *يمه يمه يمه*
متعــوده ويـ گل ليلـه اعــد عمرك 
وگربك يمه الحضاني وشم عطرك
شو هسـه بدمـاگ منگــع هدومـك
ما يحمل خدش مو لذبـــح نحـرك
*
عبد الله يا وارد الخيام
ما رحمــو عمــرك حرام
༺༻
اخ.. يا عبد الله يا يمه...
༺༺༺༺༻༻༻༻
برمــاد الخيمـه يا يمه رسمت احلامي بوهامي
ورسمتك ماي بأحلامي وتذكرتك متت ضامـي
*
يـ الوچهك نهــر يراوي اليـــنابيـع
كلــــي يا نهــر يرهمـــلــه تشييـع
مــو مالت رمـح نحـرك يمضلــوم
ترف نحرك يكون تشيله اصابيــع
*
          *يمه يمه يمه*
اجيت احضن بزر گلبي ويبعدوني
ومن گصــرن اديــه لاحـن عيـوني
مـا عافنــك شمــا مايلــــو رمحـك
اميل والرمــح من ابني وضنـوني 
*
عبد الله يا ورد الخيام
تبجيــلـك حته الحمام
༺༻
اخ.. يا عبد الله يا يمه...
༺༺༺༺༻༻༻༻
چا عـود الضعن هواد يله نطوني راس ابنــي
چا عـود ونطوني الراس متعوده علي ضمني
*
اچذب عقلي احـط راسـه الوليله
وگلبي يگلـي يلـه بـ دمـه ناغيلـه
هلبت حته لو بـس عينـه يفتحـه
تحچي اليوجعه وانه امه اشكيله
*
             *يمه يمه يمه*
يـ المسبب وجع گلبي وشلاع الـروح
اتانـي يمـه ممشــي مو نحر مذبـوح
يلـ بيك التـــرافه تضاحــي اليطيـور
مـات ومن ضمـاى عبد الله مبحـوح
*
عبد الله يا ورد الخيام
من بعدك گلت السـلام
༺༻
اه.. يا عبد الله يا يمه..
༺༺༺༻༻༺༻.
أسم القصيده.. قطفوك بنبل السهام
عبد ال محمد
منتظر خالد المنصوري

مشتـاگـه عـيـني ... مشتـاگـه عـيـني ...لـ رسوم اهلنـه 
يخـلص حنـيني ...  .يخـلص حـنيني .... مـامنـه ظنـه
            ༺༺༻༻
معروفه الـخـلگ بلـ لــيل  تـرتاح وتـغـمض الـعـين
انـه وصـفـنتـي والروح نبقه سـوه سـهـرانـين
                 
لاحـنــو وگـــالــو نــجـيـها
غـارگ جـفنها مـن بـچـيـها 
دمـوع بيـه مـحمـله هـواي
روحي علروحي انخه بيها

زايــد ونـيــنـي ...  زايــد ونـيــنـي ...  علـ اهل المـحنـه
مشتـاگـه عـيـني ... مشتـاگـه عـيـني ... لـ رسوم اهلنـه

༺༺༻༻ ** ༺༺༻༻
مـتـعـوده الـهـظـم لـو مَـر ... ضيـمي انه اســولـفـلك
گــد مـا ناطِـرَت هلـ عْيـن ... گمـت اتـخيـل بــ ضـلك

هـو الـ حنيـن تـعبه روحــه
وسـوالف عــزازه جـروحـه
ذابـح عيـوني طيفك ولـيل
مـوتـي بعيـد ومـا الــوحـه

مـاتـت سـنيـنـي ... مــاتت سـنيـنـي ... ااه يــازمـنـه
مشتـاگـه عـيـني ... مشتـاگـه عـيـني ... لـ رسوم اهلنـه

༺༺༻༻ ** ༺༺༻༻
حـيلي بفـرگـتج مبـيـوگ ... كــسره بـ روحي خلافچ
واهـس ضحكتي مدفـون ... ياريت الـ گـبـر عــافـچ

يـصـويحبت گلبي وحـلالـي
فـراشـج الـفـارشـتـه خـالـي
براسي الچ دفتر صور ضال 
مـافــارگـن عــيني وخـيـالي

مـا تـحاچيـنـي  ... مـا تـحاچيـنـي ... اشكـي لـ صورنـه
مشتـاگـه عـيـني ... مشتـاگـه عـيـني ... لـ رسوم اهلنـه

༺༺༻༻ ** ༺༺༻༻
معلوله الجـسد والـروح  ...  مــا بــيه اجـر شـهـگـه
بـچـفي ودعـيـت عــزاز  ...  عـودوني بـحضن ملگه

لاسـيـر الـمـوت وخـذانـي
وبــاب هـــجـرانـك اتـانـي
لمـهن خواتي وراحن وياه
ماصدگ حسين الـجفانـي 

شـ يـنـسـينـي ... شـ يـنـسيــني  ... راح الــ يـلـمـنه
مشتـاگـه عـيـني ... مشتـاگـه عـيـني ... لـ رسوم اهلنـه

༺༺༻༻ **༺༺༻༻
ماراسـم ابــوي الـدور  ... طايـح وابچي يم راسـه
امسحـله الـتراب ودم  ... بـحضـني اخـر انـفـاسـه

حسبـت انـه وياهـم سـويه
تـچـويــني نـار الــغاضـريه
بـ دخان الخيام انعمي كون
وبلـ هيمه اطر ذيچ المسيه

محـد يـجـينـي ... مـحد يـجـينـي ... اطـشـر شمـلنـه
مشتـاگـه عـيـني ... مشتـاگـه عـيـني ... لـ رسوم اهلنـه
༺༺༻༻ ** ༺༺༻༻
هجـرك ينـتهي بلـ مـوت ... احلـفك بـ الله لاترحـل
يأذينـي الـ بعـد والـشـوگ ... بدونـك تـدري اتـبهذل

يفـراگ ابـوي شگد هضيمه
واللــيل مــا يـرحـم يـتيـمه
يلچمني گلبي وكت الغروب
طـايح ابـوي وماكو خيـمـه

شگـد يـأذينـي ... شگـد يـأذيني ...  هــودج ضعـنه
مشتـاگـه عـيـني ... مشتـاگـه عـيـني ... لـرسوم اهلنـه
༺༺༻༻ ** ༺༺༻༻
اسـم القصيده : عـليلــه روح
✍ عـلـي رضـــا الجياشي

شوط كربلائي للخدام // ألشاعر قاسم الساعدي المندلاوي
****
أعقد مجلس العترة وگلبي ابعبرته اليقره
أَعلم هالنسل يحضر روحي اتصير اله منبر
*****
أعقد مجلس ابروحي وبي يحضر نبي الرحمة
والزهرة وابو الحسنين اوياهم تعتني اليمة
أذكر بي نسل مهضوم وهمّه شجرة العصمة
دمعي ينزل اعليه روج ياهو الأذكر آنه اسمه
من اذكر إمام انسم وآنه جاعد ابمأتم
أشعر دمعي اله بلسَم
أكتم صعبة ما أگدر روحي اتصير اله منبر
****
دمعي ومدمعك واحد ياللي تبچي عالمظلوم
واجب هالبچي لاجله من عدنه المصابه ايدوم
ذكر اولاده واجبنه گضه هذا النسل بسموم
كلهم طاحوا ابهالخط معصوم ابأثر معصوم
خلّيه هالحزن ألهم لن ماتوا غدر كلهم
ابمدمعنه نغسّلهم
ياهو اللي زمانه افتر روحي اتصير اله منبر
******
اشفافي اتّمتم ابچلمات والعبرة تجاوبهه
لو غرگانة بالأفراح جرحهم حزن يگلبهه
أحس كل مفصل ابجسمي هالتعزيّة ينصبهه
أشعر آنه ندّ الهُم المجالس لنّي ماطبهه
أشعر آنه واليته أبو القاسم واهل بيته
المجلس لو تعنّيته
لمّن أذكر الخدّر روحي اتصير اله منبر
****
يوم الطف يظل ميزان بي يتوزّن المسلم
لو ويّه رسول الله لو بس بالأسم مسلم
لن الينحب اعله ابنه تعزيّه أله ايقدّم
وآنه ابهالعمر أبدي كل مجلس أله واختم
من اتكلّم ابچلمات روحي اتجاوب ابشهگات
ويّاهن أون ونّات
وحسرة ابداخلي تكبر روحي تصير اله المنبر
****
شيعي واجبي للموت مابطّل مجالسهم
وعيني مو بواچي وبس بيهه واجب احرسهم
نبعة من نبي الرحمة بين اضلوعي اغرسهم
وناس اللي تضد الآل ابهالأخلاص اخرّسهم
ألنه هالعزا مكسب ايسجلون الذي ينحب
أروح وجمرتي تلهب
وابدلاّلي تتوجر روحي تصير اله المنبر
****

ما أنحب على الضامي يم نهر الفرات اشلون
وما أنحب على زينب والطگ ورّم الهه امتون
وما أنحب على العباس والطم ويّه اليلطمون
يعني امقصر ومنهم كيف اطلب شفاعة وعون
وجهي وين اودّيه وين وآنه امقصر اويه حسين
ديَن ابذمتي ليه هالدين
شاحݘي لو لفَظ قَصّر روحي تصير اله المنبر

يمه يمه... يمه الـــــــولد
ــــــــــــــــــ
شگد ييمه اتعـــذبت
ردت اشيلك مگدرت
عالجمر شفتك تلوج
گبالي يا يمه شغـــت

شما أدنــــــگ أنوجع
والسبب كسر الضـــلع
ياهضيمه ال تنــــحمل
شمــــــا أحاول أنصفع

بكل حيله گام يطبگه عليه
لمن عصرني شفت المـــنيه
بابي ثجيله هدتلــــي حيلي
هميت اشيلك محروگه اديـــــه

يمه يمه... يمه الولد
ــــــــــــــــــــــــــــــــــــــــــــــــ
من أصــــدلك انقــُـــــــهر
طايح اوحــدرك جمـــــــر
محســـــــــــبه اتنام ابمهد
تنــــــاغي وي طرت الفجر

شكــــــثر يمـــه اتأملـــت
ضخـــــــر لحسينك ردت
من جبت طاري الطفـوف
بحسره شفـــــــتك باوعت

خلصت دموعي من البواچي
عمره ثواني وشلون احاچي
گوه أوصلتله ميـــــت لگيته
ويــــــاه اروحن شلي بحياتي

يمه يمه..... يمه الـــــــولد
ـــــــــــــــــــــــــــــــــــــــــــــــــــــ
كلفــــه يا ناس الجره
تنضرب صعبه المـــره
وانا والمحسن طـحت
وبالجمر شفته انچوه

شكثر دخان اشهگت
لغير فضه ما صحت
لحگي اوليــــدي ترى
چفوف اديـه اتحرگت

يافضه همتچ شوفي الجرالي
ابني وحبيبي شــــلالي حالي
بابي وعصرهم رضالي صدري
شنهي ذنبنه هــــــــذه سؤالي

يمه يمه.... يمه الـــــولد
ــــــــــــــــــــــــــــــــــــــــ
من اثر ذاك الــــــعصر
ودع اوليــــــدي العمر
ضلوعي واضلوعه سوه
فات بســـــــمار اوكسر

الماله لاحض لا بخت
حـرگ بابي وما سكت
سطر وجهي بچفه حيل
وانا كل دمي انـــــــزفت

بسوطه هضمني الماعنده غيره
يلچم ضلوعي همتــــه الچبيره
وانه كل هـــمي المحسن اشيله
محـــد بـگالي منهو الاجـــــيره

يمه يمه..... يمه الـــــولد
ــــــــــــــــــــــــــــــــــــــــــــــــــ
بهل وضع واسمع حچو
وبأديــــــــــــــهم أشرو
گالو ايـــــــــبايع غصب
مچتف او منه دنــــــــو

فشله گـــــــــــدام الغرب
وانا مكســـــــــورت گلب
ردو حيدر گمـــت اصـيح
آمــــر عبده ورد ضــــرب

أيدي اعله صدري واركض ابلهفه
رجعولي حيدر لو راسي اكشــفه
لو لا الوصيـــه محـد دنالــــــــــه
صعبه الولايه يگيـــــــدوله چـفه

يمه يمه.... يمه الولــــــد
ـــــــــــــــــــــــــــــــتمت
بفضلهم ص
✍️ياسر الزيادي