تفضفيضه 📮
مرات في أيام تفوت ما يعلم بيها كان ربي خنقه وضغط خدمه ومشاكل حوش ومشاكل قرايه وتقعد هذا كله تحاول ماتنهارش تحاول انك متبينش شي تحاول تفصل بين كل شي لكن مهما أدير يقعد التفكير يقتل فيك الموت البطئ ولا يلي تزيدك تقعد تواجه ف كلام انه متتمناش تسمعه ومن اقرب الناس ليك وأنت مذنبكش شي وفوق من هذا تطلع مقصر وتقعد في دوامه وتقعد تحاول انك توافق بين كل شي وفوق من هذا ربي الوحيد ف عالم انك ف فتره تقعد ف الخدمه اكثر من الحوش وتقرا وتصرف ع روحك وتحاول تبني مستقبلك ف وضع بلاد ميسمحش وظروف معيشه صفر يقعد ل تخدم على خاطره باش تحصل ما تصرف على روحك مش باش تبني مستقبلك مجرد مصروفك اليومي هوا مرتبك وفوق منه اكثر كلمه انت شن ريت قاعد صغير تعالا غالي نحكيلك شن ريت
ريت بلاد امن معدوم
معيشه زي جيفه
أسعار ربي يفرج
حقره زي صباح الخير
الحرام متاح والحلال من سبع المستحيلات
بلاد عقليه يهوديه ب ديانه مسلمه
ويختمه يقولك انت راجل تحمل
صحيح هوا الراجل وظيفته يتحمل ويتقبل لكن الراجل يحس الراجل عنده طاقه عنده حد معين الراجل يموت في دماغه يوميا يومت قلبه وعقله يوميا من الضغط والمشاكل ويسكت لما يشبح جيله يهيج ويسافر وهوا يخدم باش يحصل مايصرف يحاول يتجنب الحرام يلي بادي طهقه عند اغلب الشباب وكانّه مديرش الحرام تبدا مش واو وأنت مش عايش تبدّا كانه متجريش ببنات الناس ولا تحشش تبدّا انت مش متمرد تبدّا تخاف ربي اكثر من كل شي تبدّا هميمه ومتفهمش قصدي مش هكي الحياه ولا عمره حتكون بالحرام والصياعه وأنك تتحمل وإنك ضروري ادير هكي ودير هكي الحياه عيش وتعايش مش عيش دير الحرام باش تبدا متسمي
نهاية الكلام نسئل الله ان يهدينا ويصلح حالنا ويفرج همنا
واللهم لا تحملنا مالا طاقة لنا به
محبكم في الله أُبي ضياف
