"بعد ما أسدل ظلام الليل نور الشمس ذاب وغاب
تذوق العين حرَّ الدمع في مطلع محاجرها

سكون الليل يلهمني وأعيش بحالة إستغراب
ولا أدري كيف أحرِّرها ولا أدري كيف أبرِّرها

أهيم وعقلي المرهق بليَّا وعي وإستيعاب
بعد ما قفت عيونك عن عيونٍ تسامرها

بقايا الشوق واللهفه وذاك المبسم الجذَّاب
ليا حل المساء حلَّت علي بكامل صورها

حبيبي كيف تنساني كذا حتى بدون أسباب
ذكرت اللي مضى وشلون تنساني وتذكرها

بقى لي منك حاجه مبهمه في خافقي المرتاب
ليا من تاهت أفكاري طيوفك جت تحضرها

أشوفك كالحضاره راسخه في معرض الكتاب
كتبها الوقت رغم إنه تلف معظم مناظرها

فقدتك والفقد موجع وصرنا بالحياه أغراب
بعد ما كنت لي كل الحياه اللي أناظرها"