QADRIMGA YIGʻLAYMI

Bir chetga surilib ulug‘ muhabbat,
Qalbingda uyg‘ondi o'chmas adovat.
Shu sabab ezganda afsus-nadomat,
Qadrimga yig‘laymi yoki dardimga?

Qilmishing botirar meni hayratga,
To‘rt mucham bormaydi hech harakatga.
Nahot, loyiq bo‘ldim o‘tli nafratga,
Qadrimga yig‘laymi yoki dardimga?

Qiynoqlar ichida ezildim rosa,
Kechirgin, sen meni ey qalbi toza,
Ushbu kun dil so‘zim qilib ovoza.
Qadrimga yig‘laymi yoki dardimga?

Mayli deb ko‘naman Xudo bor axir,
Senga ham menga ham u berar sabr,
Bilaman, yuraging sezmas baribir. Qadrimga yig‘laymi yoki dardimga?

Chin shoir bo‘lmoqqa yuragim yo'qdir,
Chunki dilda senday tirgagim yo'qdir,
Hatto chin ishqqa ham keragim yo'qdir,
Qadrimga yig‘laymi yoki dardimga?

✍ABDUVOSIT ABDURAHIMOV