" qalb notalari "

Sening qalbing nimani eng koʻp xohlasa shu narsa bilan sabring sinaladi
Sinovdan oʻta olsanggina qalbingning xohishi nasib etiladi 🫀

@insoniynotes

Har bir kitobni muqaddimasi boʻlganidek
Uning intihosi ham mavjud
Baʼzan goʻzal tarzda yakunlansa baʼzan taqdir charxpalagi teskari aylanib gʻamlarni nuqta sifatida qoldiradi ✨

@insoniynotes

Bugun tunda kelarmish bahor
Biz sogʻinib kutgan oʻsha oy
Har yilgidan oʻzgacha bu on
Goʻzal Bahor ezgu Ramazon

✨✨✨✨✨✨✨✨✨✨


@insoniynotes

Bu kecha Ramazon bilan kelarkan Bahor ✨🦋

@insoniynotes

Chumolini bosganim bilmay qolibman ✨


Men koʻchaga chiqdim nogahon
Birdan koʻzim quyoshga tushdi
Koʻzlarimni yumdimu shu on
Sal naryoqqa qadam tashladim
Bir falokat boʻlganin sezib turibman
Chumolini bosganim bilmay qolibman

⏺⏺⏺⏺⏺⏺⏺⏺⏺⏺

Oyogʻimni sekin oldim u yerdan
Tez fursatda tikilib turdim
Koʻzlarimga yosh keldi birdan
Boshim ushlab uch qadam yurdim
Yurgan yoʻlda qotib turibman
Chumolini bosganim bilmay qolibman

⭕️⭕️⭕️⭕️⭕️⭕️⭕️⭕️⭕️⭕️

Soʻngra bahonalar boshlab yubordim
Axir quyosh koʻzimga tushdi
Va ortimga tez qaytib bordim
Vujudla tipirchilab uning yotganin koʻrdim
Ne qilarim bilmay turibman
Chumolini bosganim bilmay qolibman

⏺⏺⏺⏺⏺⏺⏺⏺⏺⏺

Harakatni toʻxtatdiyu , qimir etmayin qoldi
Tafakkurla katta xulosa qildim
Yuqoriga parvoz etishdan oldin
Oyogʻing ostiga bir qarab olgin
Nigohlarim yoshlangan holda hamon oʻsha yerda turibman
Chumolini bosganim bilmay qolibman

⏺⏺⏺⏺⏺⏺⏺⏺⏺⏺


@insoniynotes

"Qiz bola kitob oʻqiganda"


✨Bitta videoga koʻzim tushib qoldi
Videoda qiz bola oʻqib nima qiladi, u kitobga emas oilasiga muhabbat berish kerak, uy ishlarini qilishi kerak, farzand tarbiyasi bilan shugʻullanishi kerak maʼnolaridagi gaplar haqida aytilgandi. Shunda oʻylanib qoldim qanday qilib bu videoni chiqardi ekan, ularni fikri toʻgʻrimi. Shularni oʻylab oʻzimga xulosa qildim va bu haqida fikrimni yozdim

Agar qiz bola oʻqib ilmli boʻlmasa ilmsiz zurriyotni hayotga keltirishidan nima foyda. Axir ummatning kelajagi mana shu ayollarimiz qoʻlidayu. Toʻgʻri farzandlar tarbiyasida asosiy rolni ular oʻynashadi. Agar qiz bola ilm olmasa, kitob oʻqimasa qanday qilib yuksak tarbiyani farzandida namoyon eta oladi. Ilmli ayolning farzandi ham ilm bilan ulgʻayadi. Shuning uchun qiz bola ilm olishi shart. Ular juda koʻp kitob oʻqishi kerak. Shunday qilingki butun borligʻi kitoblar boʻlsin. Kitoblarga koʻmib tashlang ularni. Koʻrasiz kitoblarga shunchalik muhabbatli boʻladiki. Vallohi aʼlam kitobsiz olamni tasavvur qila olmaydigan boʻladi. Oʻqimaysan ilm olmaysan deydigan ota-onalar , uyda oʻtirasan uy ishlarini qilib deydigan erlar topiladi. Ulardan iltimos qilib soʻrardim agar kelajakdagi farzandingiz yoki nevarangiz ilmli, solih va soliha insonlar boʻlishini istasangiz qizingizni, oʻz ahli ayolingizni ilm olishiga yoʻl ochib bering, kitoblar bilan xursand qiling ularni. Zero ummatning kelajagi mana shu ayollar qoʻlidadir. Uy ishlarini emas kitoblarni, ilmni birinchi oʻringa qoʻysin. Agar qoʻlidan yuzlab kitoblar bilan qolib ketib uy ishlariga qizlaringiz ulgura olmayotgan boʻlsa xursand boʻling bilingki ular oʻzini yetuklikka qarab yetaklayapti. Qiz bolalar uy ishlarini yaxshi qilishi , pazandaligi bilan bellashmasin, ilmi bilan bellashsin. Shunday qilingki bir qizning uyiga sovchilikka borishganda ovqat qilishni biladimi, uy ishlarini qila oladimi degan savollar bilan emas, nechta kitob oʻqigan, ilmga muhabbatlimi deya murojaat qilishsin. Nechta farzandni dunyoga keltira olishi emas, ularga goʻzal tarbiya bera olishi muhimroqdir. Bu uchun albatta qiz bola koʻplab kitoblar oʻqishi va ilm olishi kerak. Shundagina yetuk avlod yetishib chiqadi.
Men solihamni shunday tasavvur qilaman mayli ovqat qilishni bilmasin, mayli tuxumni qovuryotib kuydirib qoʻysin, mayli uy ishlarini bilmasin , hatto choy damlashni bilmasin bularni birga oʻrganib olamiz, muhimi ilmli boʻlsin qoʻlida kitoblari boʻlsin. Uni kitoblarga koʻmay. Birga choy icha olmasakda birga kitob oʻqisak shuning oʻzi maroqlidur.

Aziz qizlar uy ishlari yoki ovqatni qila olmay kitob oʻqib uxlab qolsangiz siz xafa boʻlmang. Ana oʻsha uyqungiz orqali ham naqadar goʻzal hissangizni qoʻshayapsiz aslida✨

@insoniynotes 📩

#benimhikoyem

✨Yomgʻir barchani qalbini egallagan moʻjizaviy va hislarga toʻla hodisa.Kimlardir yomgʻir boʻlib qolishni, kimdur yomgʻir ostida boʻlishni sevadi.Yomgʻirni qanday paydo boʻlganini bilarmidingiz.Bu haqida Insoniyning bir ajib hikoyasi bor.Keling birga tinglaymiz:


Sokinlikka choʻmgan osmon, sukunatla soʻzlayotgan cheksizlik..Baʼzida kunduz baʻzida tun. Osmonga viqorla chiroy berayotgan moʻjaz bulutlar ajoyib koʻrinar edi.Kunlarning birida bulut quyoshga oshiq boʻlibdi. U quyoshni chin qalbla sevibdi. Muhabbati osmonlar qadar cheksiz, dengizlar kabi goʻzal edi..

U birgina quyoshni sevishni birgina unga mehr berishni oʻz qalbi bilan ahdlashibdi. Bulut quyoshga yaxshi koʻrishini aytibdi, shunda quyosh ham bulutni yaxshi koʻrishi ayon boʻlibdi.. Shu zaylda nasibli va goʻzal muhabbat vujudga keldi..
Lekin bu muhabbatni sinovli kunlar kutib turgandi. Kun kelib quyosh uning mehriga javoban osmon bilan xiyonat etibdi. Qalblar vayron muhabbat esa sarson boʻldi.. Bulut oʻzini juda yolgʻiz his etibdi. Chunki u ishonchla voz kechilgandi. Keyin bulut zulmatga burkanibdi, qalbi kirlanibdi..
Yovuzga aylanib bordi.


Lekin Robbimning inoyati ila oʻziga kelibdi va oʻziga oʻzi soʻz beribdi.
Shundan buyon hech kimga nafratla boqmayman, zulm qilmayman, barchaga mehr ulashaman va goʻzallik bagʻishlayman deya..
Toki quyosh kabi xiyonatkor va mehrsiz boʻlib qolmaslik uchun duolar qilibdi.. Shundan beri bulutlar barchaga mehr ila qalban boqarkan.. Kimnidir ranjitib qoʻyishdan, qalblarni yaralashdan qoʻrqarkan.Mahzun kunlar esa bulutlar vujudla koʻz yosh toʻkarkan..


Bu koʻz yoshlar Yomgʻir deya atalibdi.Bulutning mehrli qalbidan chiqqan yomgʻirlar insonlarga taskin olib kelar.Insonlar yomgʻirla quvonarkan.. Yomgʻir ostida yigʻlar va cheksiz baxtga toʻlarkan. Yomgʻir shundan buyon mahzun qalblarga baxt ulasharkan.

Yomgʻirni sevadigan qalblar ishoning siz eng ajoyib qalb egasisiz. Mahzun boʻldingizmi deraza ortiga boqing - yomgʻir yogʻayapti.. Yomgʻir ostiga chiqib koʻzlaringizni yuming, koʻksingizga qoʻlingizni qoʻyib yomgʻir tomchilarini his eting. Ishoning hatto sukunatni ham dardli ovozini eshitasiz.. Yomgʻir onlaridagi Robbimga qilinga duolar ijobat boʻlarkan..
Yomgʻirni his et ey Insoniy qalbim.. Sukunat seni oʻziga chorlayapti...✨

©Insoniyning
"Qalbim taskini" hikoyalar turkumidan..

@insoniynotes ✨

#benimhikoyem

✨Goʻzal kunlarning biri.Olamga tun choʻkkan.Galaktika millionlab yulduzlarga toʻla.Shu yulduzlar orasida bitta yulduz eng yorqin nur sochardi. U har tun bor kuchini sarflab nurlarini yerga yetkazishga urinardi.Bilasizmi nimaga? Chunki u yerdagi olamda qalb oromini uchratgandi. Tunda yerdagi oʻsha mavjudotga oʻzini koʻrsatishga harakat qilar, bor nurini shuning uchun sarflardi. Kunduzi esa tinchgina orom olardi. Yerdagi mavjudot nima ekan deb oʻylayotgandirsiz...

Taqdirning ikkinchi tomonidan xabar olsak.Yer zaminida oʻzi bilan oʻzi ovvora boʻlgan, oʻzidan uyaladigan, barcha narsadan qoʻrqadigan bir kichkina gul yashar edi. Uning nomi Soleyroliya...

U juda kichkina gul edi.Shuning uchun oʻzidan uyalardi. Oʻylardiki endi bu gulni hech kim yaxshi koʻrmaydi, hamma oyoqosti qiladi chunki koʻrinmasman deya. Uning oʻylaganlari haqiqat edi.Chunki , u juda kichkina oldida esa millionlab chiroyli gullar viqorla turardi.Lekin bilasizmi Soleyroliya tunlari yorqin nur sochayotgan yulduzni koʻrgan va koʻngil qoʻygandi. Har tun unga termular shu yerlardan qutulsayu cheksizlik sari parvoz qilib, uni oldiga borsa...

Ular bir biridan xabarsiz qalban bogʻlandilar. Shu zayl kunlar oʻta boshladi.Tunlari ular bir biriga termulib tabassum qilishar, makonsiz nasibla nigohlar toʻqnashardi.. Kunduzi esa kutish bilan oʻtardi. Kunlarning birida ulkan fojea yuz berdi.Yorqin yulduz qarasa, oʻsha qalbida quvonch uygʻotgan gul joyidan siljib qolgan, endi tabassum ham qilmas, jimgina yotardi.Yulduz bezovtalanar, juda qoʻrqardi, tinmay titrar jismida allaqanday ogʻriq bor edi. Chunki u gulga nima boʻlganini bila olmayotgandi. U gʻamgin tarzda tunni oʻtkazdi.

Soleyroliyani kimdir tepkilab uzib yuborgandi. U soʻlib borar, lekin umidini yoʻqotmas, bir bora boʻlsada yulduzni koʻrish uchun duo qilardi.Vujudi uni kelishini his qilardi.Uning duolari Robbimga yetib bordi va mitti gulning orzulari ushalishiga umid paydo boʻldi.Oʻsha gulning yoniga Insoniy kelib qoldi. Insoniy gulni sekin qoʻliga oldi.Gul ogʻriqdan emas umidsizlikdan soʻnib borardi.Mitti gul Insoniyga bor voqeani aytib berdi.Endi buni yulduzga yetkazish qolgandi.Insoniy shamollar orqali yulduzga xabar berdi.Yorqin yulduzlar esa tanlov qabul qilishi kerak edi. Yerga yetib kelish yoki oʻsha yoqda qolish.Agar yerga uchib borsa qaytib kela olmasdi,soʻnib borliqqa aylanib ketardi.Lekin uning qarori qatʼiy qalb oromini yoniga boradi. Qaytmasligini his qilar, ammo muhabbatini yolgʻiz soʻnishiga qarab tura olmasdi.

U yerga uchdi.Kelguncha yorqin nurlari soʻnib, gul kabi mittiga aylanib qoldi.Yulduz ham jismla soʻnib borardi.Soleyroliyani ham umri yakuniy qismida edi.Insoniy ikki qalbni uchrashtirdi.Ularni gapirishga majoli qolmagandi.Mitti gul mittigina qalbi ila bir soʻz ayta oldi xolos - " Shukur". Yulduz esa javoban "Amiyn" deya oldi. Ikkisi ham shu zaylda soʻndilar. Insoniy ikki soʻngan qalbni dengizning hech kim yetib bora olmaydigan tubsiz qaʼriga bir vujudga va bir umrga joʻnatdi...

Ajoyibaa.Millionlab eng goʻzal gullar ochidan mittigina gulni koʻra olgan yulduz va mitti boʻlishiga qaramay katta yurakli, Robbisiga ishongan gul.Ajib va sirli muhabbat. Hech qanday gʻuborlarsiz, ishonchla, baxtni qalbida kashf eta olgan, voz kechilmaydigan ikki borliq va vujud.Buni ulardan boshqa hech kim uddalay olmasdi.Toʻgʻri vujudla gaplasha olmadilar, lekin ular uchun ikki soʻz " Shukur va Amiyn " yetarli boʻldi.Bu ikki soʻzda butun 18 ming olam mujassam edi.Ularni unutma ey begʻubor Insoniy qalbim...✨

©Insoniyning
"Qalbim taskini" hikoyalar turkumidan.

@insoniynotes ✨

#benimhikoyem

✨Moviy kapalak bir kungina hayotini goʻzal tarzda oʻtkazish uchun oʻz uyidan tashqariga chiqdi.U koʻchaga chiqib cheksiz osmonga, undagi bulutlarga mahliyo boʻlgan holda termulardi.Lekin kapalakning begʻubor qalbi toʻlaligicha quvonchga toʻlmasdi. U atrofdan nimanidir qidirar , qalbi istagan narsani topa olmasdi. U bir taqdirini oʻylab mahzun tortardi.Nahot qalbi istagan goʻzallikni topa olmasa, nahot baxtli boʻla olmaydi.

U axir ertaga bu olamda boʻlmaydi.Shu uchun u qalbidagi goʻzallikni koʻrish uchun tinmay atrofga boqardi.U turli chiroyli gullarga qoʻnib koʻrar, suvlar ustidan uchib oʻtardi.Lekin qalbi xotirjam boʻlmasdi.
Sokin bir anhorning ustidan uchib oʻtayotganda ajib bir his uni sergaklantirdi. Kapalak anhor boʻyida oʻtirgan Insoniyni koʻrib qoldi.Insoniy xayolchan tarzda nimagadir termulib oʻtirardi.Kapalak biroz yaqinlashdi.Qalbidagi oʻsha his yana uygʻondi.Qarasaki oʻsha yerda oq va sariq rangdagi gullar ochilib turardi. Insoniy oʻsha gullarga termulib boqib oʻtirardi. Kapalak ham oʻsha gullarni oldiga borishni juda xohlar, lekin u insonlardan qoʻrqardi.Chunki u insonlarni mehrsiz va barchaga ozor beradi deb oʻylardi...

Baribir u qalbiga quloq soldi va shijoatla borib Insoniyning qoʻliga qoʻndi. Insoniy biroz jim turgach moviy kapalakka qaradi va tabassum qildi.Insoniyning mayus tortgan koʻzlari quvondi.Kapalakni ohistagina gullardan birining ustiga qoʻydi.Kapalak shu on oʻzini eng baxtli his qilardi. Chunki u qalbidagi oʻsha goʻzallikni uchratgandi. Kapalak u guldan bu gulga tinmay uchib oʻtardi. U gullar shunday hid taratardiki, goʻyoki oʻzini makonsiz joyda his qildi. U endi bu olamni xotirjam tark etadi. Kuni bilan shu yerda qolishni oʻylardi.

Birdan Insoniy yodiga tushdiyu, u tomonga qaradi.Insoniy sekin oʻrnidan turib bu yerdan uzoqlashardi... Shunda kapalak insonlar oʻylaganidek yomon emasligini, ular orasida Insoniy kabi mehribonlari ham borligini his qildi. Chunki Insoniy unga ozor bermagandi.Kapalak shularni oʻylar ekan, uning bir kunlik qalbi cheksiz quvonchlarga toʻlardi. Uchib-uchib oxiri bir gulning ustida uyquga ketdi.

Ha aytgancha, bu gulni nomi nima ekan deb oʻylayotgandirsiz.U Insoniyning eng sevimli guli "MOYCHECHAK" edi.Oʻsha moychechak bugʻubor kapalak qalbining tugʻyonlarida baxtning kaliti sifatida joy oldi.Endi moychechakni ikki jon Insoniy va moviy kapalak sevardi. Mittigina qalbida juda katta baxtni koʻtarib ketdi begʻubor bu moviy Kapalak.✨

©Insoniyning
"Qalbim taskini" hikoyalar turkumidan...

@insoniynotes ✨

#bismillah

Assalomu alaykum va rahmatullohu va barokatuh ✨
Bu kanalda qalbimning soʻzlari bitib boriladi.
Hikoya, iqtibos, maqola , taqriz, sheʼrlar tarzida.
Vaqtingiz boʻlgan payt oʻqib qoʻying. va Albatta ketgan vaqtingizga rozi boʻlib oʻqing. Sizga manfaat vaʼda qilmayman. Inshaalloh oʻqib tafakkur qilishga harakat qilasiz degan umiddaman. 🫀

@insoniynotes - qalb notalari ✨