Men ilk bor tahminan 6-7-sinfligimda masjidga qatnaganman. 21 yildir masjiga qatnayman. Oʻzbekiston ichida Toshkent shahri va viloyatlarida tahminan 40-50 ta, vodiyda 3-4 ta, vohada 3-4 ta, Tojikistonning Lennabod shahrida 2 ta, Hindistonning Dehlisida 2 ta, Dubayda 1 ta, Turkiyaning Istanbul ichi va tashqarisida 30-40 ta masjidida namoz oʻqidim. Ularning baʼzisiga mutazam, baʼzisiga bir yoki bir necha marta qatnaganman. Qasam ichib aytaman, shu masjidlarning birortasida yomonlikka, buzuqlik va buzgʻunchilikka daʼvat qilinganini koʻrmadim. Masjidlar odob-axloq borasida hatto betaraf ham emas, balki faqat yaxshilikka, oʻzni va oʻzgalarni isloh qilishga chaqirganini koʻrdim va koʻryapman.
Bilasizmi yana nima?
Men Alloh taolodan barcha musulmonlar qatori oʻqituvchilarimning gunohini kechishini soʻrab duo qilishni ham masjidda oʻrganganman. Menga uni birov aytib oʻrgatmagan, imom domlaning har namoz ketidan shunday duo qilganini eshitganman.
ربنا اغفرلنا ولوالدينا ولأساتيذنا وللمؤمنين والمؤمنات والمسلمين والمسلمات، الأحياء منهم والأموات....
«Ey Robbimiz, bizlarni gunohlarimizni, ota-onalarimiz gunohini, ustozlarimiz, barcha moʻmin va moʻmina, muslim va muslimalarning gunohlarini kechir. Ularning tirigini ham, vafot etganini ham magʻfirat qil..»
©Ikrom Sharif
👉🏻
Nussa Uz👈🏻
