Yaxshilab joylashvolingla, yumorga aloqador hikoya aytib beraman.
Rollarda:
Yuriy Dud — MDHdagi eng mashhur, o‘ta kuchli intervyu oladigan brat.
Artur Chaparyan — MDHda eng ko‘p seviladigan stendap komiklardan biri.
Danila Poperechniy — Millionlab auditoriyaga ega youtuber va o‘sha muhlislari uchun stendap konsertlar qo‘yib turadigan brat.
Ushbu ikki stendapper o‘rtasidagi muhim farq: Chaparyan professionallar tomonidan doim olqishlanadi, lekin nisbatan kam auditoriyaga ega. Danilani esa profilar va yumorni tushungan odamlar stendap komik emas, balki Youtuber yoki yanada qo‘polroq versiyada shunchaki “kloun” deb hisoblashadi, lekin unda auditoriya ancha keng.
Hikoya shundan iborat:
Yaqinda Chaparyan Dudga intervyu berdi. Intervyuda Chaparyan yumoristlarni ikki toifaga ajratdi: komiklar va “komik bo‘lib ishlaydiganlar”. Aniqroq aytganda, ikkinchi toifaga asli tuzuk komik emas, hazillari juda sayoz, lekin auditoriyasi kengligidan foydalanib, o‘zini stendap komik deb e’lon qilgan bloger, youtuberlarni kiritdi va bu borada Poperechniyni alohida “e’tirof etdi”. (Bundan oldin ham Artur Danilani “лох для лохов” deb atagan.)
Unga ko‘ra, Poperechniyning hazillari saviyasiz va arzon. Teparoqda aytganimdek, bu faqat Arturning emas, balki ko‘pchilik yumor sohasidagilarning fikri. Konsertlari uncha ma’qul bo‘lmagani uchun Poperechniyni kuzatmasdim. Lekin iste’dodli stendap komiklarimizdan biri A’zimbek Xushmamatovning tavsiyasiga ko‘ra, Poperechniyning “raddiyasi”ni o‘qib ko‘rdim va Chaparyanning gaplari qanchalik to‘g‘ri ekanligini angladim)
Xullas, Poperechniy “ismimni aytib, hayp qilishyapti” qabilida javob qaytargan. Arturning hazil saviyasi haqidagi gaplari bir chetda qolib, mashhurlik, pul, muhlislar e’tibori kabi yutuqlari bilan maqtangan, qarshi tomonni esa ko‘rolmaslikda, ichi qoralikda ayblagan.
Kulguli tarafi shundaki, Artur MDHdagi eng omadli shoulardan biri “ЧБД”da muhlislarning yoqimtoyi bo‘lgan va loyiha cho‘qqiga yetganda, shunchaki zerikkanidan tashlab ketgan odam) Mashhurlik yo‘lidagi hayp brat uchun oxirgi o‘rindanam pastroqda, salkam bir yildan beri personal muhlisi sifatida kuzatib kelayotgan odam sifatida buni bilaman.
Poperechniy maqtanadigan keyingi kulguli jihat: u boshini kundaga qo‘yib, xavfli, siyosiy mavzularda hazil qilarkan, Chaparyan esa shunchaki maishiy mavzularda. Duxing yetsa, shunday qil sanam, deyapti)
Dumalatadigan tomoni esa Artur ayni intervyuning o‘zida bunga javob berib bo‘lgan. Unga ko‘ra, intellektual va jasur ko‘rinish uchun siyosiy mavzuda hazil qilish sani haqiqiy yumoristga aylantirib qo‘ymaydi. O‘ta kuchli mavzularda saviyasiz hazil qilasan, tomoshabin “o-o-o” deydi, auditoriyang kengayadi va o‘zingdan faxrlanib yuraverasan. Shu orqali kundan-kunga cho‘kib borasan. Mavzuying prezident haqida bo‘ladimi, yoki oddiy, kundalik vaziyatlar bo‘yichami, ahamiyati yo‘q, ikkala holatda ham hazil ustida chuqur ishlaganing ko‘rinib turishi kerak (Farqni sezish uchun Mirshakar Fayzulloyev bilan “Maksimum” yoki “Aristokrotlar” kabi jamoalarning siyosiy hazillarini solishtirish kifoya). Poperechniyda ayni shu narsa deyarli ko‘rinmaydi. U Arturga aytgan gaplariga qarshi harakat qilib, o‘zi prezident yoki biror amaldorning nomini aytib, hayp ishlaydi, ustidan kuladi, hazil qurilishi jihatdan esa barchasi rasvo. Million odam tomosha qilayotganidan xursand.
Poperechniy bunga ham javoban, “mani ishim ko‘p, Youtube’ga kontent qilishim kerak, soqqani bosyapman, ochiq mikrofonga borishga vaqtim yo‘q” deyapti.
Vot imenno! Bratni ikkita gapi bir-biriga qarshi ishlab, tanqidlar to‘g‘riligini ko‘rsatyapti. Stendaping ustida ishlamayotganing tomoshabinning muammosi emas. Odamlarni konsertga chaqirib, ularga Youtube'dagi videolaringni yoki trenddagi ovozlarni qo‘yib berolmaysan. Kunlik dolzarb mavzularga fikr bildirib borishning o‘zi kamlik qiladi, mavzu atrofida kuchliroq va chuqurroq ishlangan hazillar bo‘lishi shart!
Xulosani o‘zingiz chiqarib ulgurgan bo‘lsangiz kerak. Man esa shunchaki yumor saviyasi uchun jon kuydirgan “aqlli” bo‘lib ko‘rinishni xohlab shuncha gap yozdim)
@phaziloff
