Telegram channel "🌱Ã💐𝓙𝓞𝓡𝓨💐Õ🌱" — @jantee2

وُلا تحْسبن البعد على اَلقلوْبِ هيِناً.. إِنّ الفُرآقْ لبعض الأَقربِينْ مَماْت
#قيس_الساعدي
تبادل اقبل الكل
https://t.me/joinchat/AAAAAE5XhJhoscVV_zs1mA
@B1_TV

256 0 0

رايح عل الصاله بدي انقط عاريس عزمني ..وخايف اوصلو ...بحسب فيها بمخي كم واحد صار بايسو ؟؟ الا ما فيهم واحد مسلوخ كورونا من المعازيم ومفكر انها جاييتو لفحه بسيطه على راس اللي خلفوه .

المهم وصلت الصاله والا هي مدحششه بني ادمين اشكال انواع ..
اتوترت وصرت امشي خطوة لقدام و٤٧ لورا ..وانا بستنى بدوري والناس نازلين خلع بوس بالعاريس بالاربع والست بواسات شايفنو انجولينا جولي حابينو زياده عن اللزوم هالمررة ..

ضايل ثنين وبيجي دوري ...ابوسو؟ لا عادي خلص اعطيه كتفين وحضن خفيف بدون تبويس .. المهم اجى دوري بدي احضن العاريس من بعيد علخفيف ... ولا بططلع عليه عامل شفايفو زي بربيش المشفا(الخلاطه) مدليهن وجاي علي بدو يخلعني اياها المتجوزين استحوا يعملو عملتو وهو بقرب فيهن على وجهي حسيت حالي نص مدمع ... وشفت لقطات من حياتي علسريع مرت كانت حلوة 😭

المهم خلعني البوسه الاولى وعدت على خير ...الا هو بدو يخلعني الثانيه ومصر سايرتوا وحكيت يلا.. المهم اجى بدو يمزعني الثالثه وهو بالطريق علي فقعني عطسه عند عرق ذيني حسيت بالرذاذ على رقبتي.. وشفتلك هالمنظر من هان ... وعلى اقرب كرسي قعدت ركبي الله وكيلكم بطلو قادرات يحملوني ... حكالي اسف .. انا ابتسمتلو وانا مخننق وعيني بغرغرو وهزيتلو براسي انه ولا يهمك ... وبعقلي بحكي اسف على شو؟؟؟ اسف انك حرمتني حياتي ؟؟ اسف انك مخليتنيش اخلص اخر فصل ضايلي بالجامعه ؟؟ اسف انك بدك تخليهم يدفنوني وهمي لابسين كمامات؟؟ اسف انك حرمتين اخطبها واروح الملديف معها؟؟ على شو اسف بالزبط ؟😭

حملت حالي وروحت ومش عارف اركز وبفكر كم ضايل معي وقت ... صرت احكي ماليش غير اوصل وزارة الصحه ويعملولي الفحص ..
وصلت الوزارة وعملولي الفحص .. حسيتهم طولو😭 اخر اشي اجى دكتورين علي وبتطلعو علورقة تبعتي وزي بتناقشوا بمصطلحات انجليزي بهمسو همس لبعض ... رحت عندو رماح وحكيتلو يستر عرضك دكتور طمني .. حكالي استنى علمقعد عندك ..النتيجه سلبية بس خليني اختمها وارجعلك .. واول ما راح الدكتور قمت رماح على باب المستشفى وهربت منها ودموعي معبياتني وبحكي سلبيه اكلت خرا ... وسامع اغنية "كدا" لشرين بعرفش ليش🙈

رنيت على امي وبعيط ..بتحكيلي مالك يما ؟ ايش فيه؟ .. حكيتلها عملت الفحص وطلعت سلبيه يما...اكلت خرا يما .. وهربت من المستشفى عشان الدكتور حكالي بدو يختم الورقة بس هو كذاب يما بدو يجبهم هذولاك اللي بعملو حجر صحي للواحد .. بدهم يوهذوني على كونتينر يما .. مش رح اموت بكونتينر ...يما سامحيني انا ما رح ارجع علدار عشان ما اعديكم ... وفي ٨٣ شيقل دين لصاحبي بتعطو اياهن بعرفوا سافل وبسامحش يما ... ويما تنسينيش.. وضلك ادعيلي ... المهم امي مش بتحكي علتلفون وساكته .. بحكيلها يما وينك بطلتي تحكي ..؟ بعرف انك مصدومه بس مش بايدي يما ... يعني حابب اسمع صوتك؟..

مرة وحدة امي حكت ؟؟ ولك انشالله تموت ونرتاح من هبلك ... ولك انت اخر فصل جامعه انت؟؟ يا حيانت المصاري اللي دفعناهن اقساط عليك .. ولك انت الكورونا قليل عليك ؟؟؟! انا بعقلي "شو مالها امي انجنت" المفروض حزينة....امي كملت .. ولك لوني مخلفة بسكليت احسن منك .. ولك لوني جايبي خلاط مونونيكس احسن من زقمك ..انا .. يما شووو فيه؟؟

بتحكيلي النتيجه سلبيه يعني مش مريض انت ...انا 😬

روحت علدار مستحي .. وامي صارت حاكيه قصتي لنسوان الحارة .. وابوي بتطلع علي بطرف عينو .. واختي الصغيرة بتضحك بدون ما اشوفها بصوت واطي .. وانا بحكيلهم بتتحملوش مقالب انتو؟؟عشان ما انخزي .

ابوي لا منتحملش مقالب ..بعرفك جحش ومهوش مقلب🤐

اذا فيه مجال الدكاترة ما يتفصحنوا كثير ولما تكون النتيجه سلبية ..يحكوا فحصك منيح ومش رح تموت بدون ما يتفلسفوا على عامه الشعب ..ويعملولي فيها negative

وباي

#يوميات_طفران

16 0 0