فراقك

فقت على صوت مسج كان صادم في حياتي كلها
مكتوب فيه رسالة فراق ، فتحت عيوني حاولت نقرأ
لكن مقدرتش نستوعب هل هذا حق ولا اني نحلم
أتصلت بيه لكن حطني في الحظر ، ممكن أنت
متقدرش تحس بشئ لي حاسة بيه أني
لا نوم لا راحة كنت واخد كل شئ عقلي وقلبي
لكن من بعد لكلام لي سمعته مستحيل نعاود غلطة زي هادي ، مسحت قصة الحب من عقلي بس قلبي رافض أن يمسح كل ثانية كنت فيها معاك
من بعد فراقك طحت في بير ، معرفتش شن ندير أصلاً ، من أول يوم شفته فيك قلبي نبض ثلاثة نبضات ، وقتلي أن مستحيل نتخلى عليك
ههه بس في النهاية طلع كله وهم وخليت رسالة تثبت كل شئ ، نبي نعرف السبب وعلاش خليتني نتوهم على فاضي كنت نحسابك راجل وعلى قد كلمته بس ياخسارة طلعت واحد فاضي توهم في بنات الناس،
شفته في السوق أول ماشفته مقدرتش نتحمل دموعي نزلوا من غير تعابير على وجهي ، بس هو كان يتهرب مني ومن نظراتي ليه قلبه واجعه لكن عقله رافض الشئ هذا ومع هذا من غير سبب ، حبيتك بس طلعت رخيصة عندك

فقت على روحي وقلت لازم مانتحمل حزني
بروحي صح مافيش من نرقد على كتفه ونبكي ونحكيله ونفضفض معاه بس ربي هكي كاتب
بس مع هذا حزني وكل شئ بيقعد في قلبي
بنقول كلمة وحدة ليك بس ربي يهنيك مع غيري
وتم لكلام....