فزاعية لسفير الحسين ع مسلم ابن عقيل ع

➖➖➖➖➖➖➖➖➖➖➖➖➖➖

حميده والدج يزلزل الجيش
ماخله شخص من عدهم يعيش


مسلم من يهد يزلزل الكوفه
واحدهم جفل ودربه ميشوفه
بجفه زلزلاها وطايحه سيوفه

طب الكوفه واليوم اعرض


مسلم لويهد يشبه العباس
صارت مجزره وتشهد الناس
وحميده بوالدج رفيعه هراس

والبي غيره يستاهل هوسه


يبوطاهر شجاع الكل يعرفونه
بلكوفه لعب جولات بفنونه
ابن عم الحسين اعده يهابونه

ويحجون بزوده الكوفه واهل الكوفه


حميده والدج الكوفه ثناها
وعله قصر الاماره دك رواياها
من هد البطل الزلم بجاها

وياهيبه وصلتنا اخبارك


حميده تكول شنهو الخبر عمه
لونه نخطف من شافه ابواليمه
من الكوفه هل مرسال ياهضمه

مسلم طايح عمه وصلتنا اخباره


➖➖➖➖➖➖➖➖➖➖➖➖➖➖

♦️تمتتتتتت ✏️ بقلم الشاعره اسيل الزينبيه




اطلب منكم تندعولي ان الزهراء تقبل خدمتي
https://t.me/jfhfhggr