DTM Jizzax viloyat bo‘limi

Ўзбекистон Республикаси норматив – ҳуқуқий ҳужжатлар муҳокамаси портали regulation.gov.uz да 2020 йил 1 апрель куни муҳокамага қўйилган “Олий таълим муассасаларига кириш имтиҳонларини янада соддалаштириш тўғрисида” ги Ўзбекистон Республикаси Президенти қарори лойиҳасига шарҳ.

Мамлакатимизни ижтимоий-иқтисодий ривожлантиришда муносиб ҳисса қўшувчи юқори малакали мутахассислар тайёрлаш суръатини ошириш ҳамда олдимизда турган устувор вазифаларни профессионал даражада бажаришга қодир ёшларни тарбиялаш мақсадида, шунингдек
2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Илм, маърифат ва рақамли иқтисодиётни ривожлантириш йили»да амалга оширишга оид давлат дастурига мувофиқ олий таълим муассасалари бакалавриатига кириш тест синовларини ўтказиш бўйича қабул қилиниши режалаштирилган Қарор лойиҳасимга кўра:

❗️2021/2022 ўқув йилидан бошлаб, умумий ўрта таълим муассасаларининг битирувчиларининг якуний давлат аттестацияси ҳамда республика олий таълим муассасаларига ўқишга кириш синовларини бирлаштириб, мажбурий фанлар ва мактаб битирувчиси танлаган бакалавриат таълим йўналишига мос иккита фан бўйича ягона тест синовларини апрель – май ойларида ўтказилади;

❗️тест синовлари натижаларини мактаб битирувчилари умумий ўрта таълим дастурларини тўлиқ ўзлаштиргандан кейин ўтказиладиган якуний давлат аттестациясида ҳамда олий таълим муассасаларига ўқишга қабул қилиш танловида инобатга олинади;

❗️мактаб битирувчилари учун тест синови топшириладиган фанлар, баҳолаш мезонлари, топшириқлар сони, тест синовлари ва танловда иштирок этиш учун рўйхатдан ўтишнинг аниқ муддатлари Ўзбекистон Республикаси таълим муассасаларига ўқишга қабул қилиш бўйича Давлат комиссияси томонидан белгиланади;

❗️Халқ таълими вазирлиги тест синови фанлари бўйича натижасини умумий ўрта таълим тўғрисидаги аттестатга қўйиш ва ягона маълумотлар базасига киритиш учун қониқарлилик даражасини белгилайди, мактаб битирувчилари ҳақидаги тегишли маълумотларни ҳар йили 1 февралга қадар Давлат тест марказининг махсус дастурига киритилишини таъминлайди ҳамда тест синовларини белгиланган талаблар асосида ташкил этилишида масъул ҳисобланади;

❗️мактаб битирувчиси танлаган бакалавриат таълим йўналишига мос иккита фаннинг ҳар биридан ўтказилган тест синови натижаси қониқарли бўлганда, уларнинг натижаси умумий ўрта таълим тўғрисидаги аттестатига баҳолаш мезонига мувофиқлаштирилган ҳолда қўйилади ва қўшимча тест синовларисиз белгиланган тартибда тест синови топширган мос ўқув тили ва таълим йўналиши бўйича танловда қатнашади;

❗️мактаб битирувчиси танлаган бакалавриат таълим йўналишига мос иккита фаннинг камида биридан тест синови натижаси қониқарсиз бўлганда, у мактаб томонидан ўтказиладиган якуний давлат аттестациясида мажбурий равишда иштирок этади;

❗️тест синовларида иштирок этмаган ёки унда қониқарсиз баҳоланганларга белгиланган тартибда, барча абитуриентлар қатори июль-август ойларида тест синовларида қатнашиш ҳуқуқи берилади.

Бу ҳали қарор лойиҳаси. Шундай экан, сизларнинг фикр-мулоҳазаларингиз, таклифларингиз асосида буларнинг баъзилари қабул қилинмаслиги, ёки қўшимча таклифлар инобатга олиниши мумкин. Қарор лойиҳаси муҳокамасида фаолроқ бўлинг.

Давлат тест марказининг Жиззах вилояти бўлими бошлиғи И.Хатамов

Ўзбекистон Республикаси норматив – ҳуқуқий ҳужжатлар муҳокамаси портали regulation.gov.uz да 2020 йил 1 апрель куни муҳокамага қўйилган “Абитуриентларнинг педагоглик касбига лаёқатини аниқлаш ҳақида” ги Ўзбекистон Республикаси Вазирлар Маҳкамаси қарори лойиҳаси шарҳи.


Ўзбекистон Республикаси Президентининг «Педагогик таълим соҳасини янада ривожлантириш чора-тадбирлари тўғрисида» 2020 йил 27 февралдаги ПҚ-4623-сон қарорига мувофиқ педагогика таълим соҳасининг бакалавриат таълим йўналишларига ўқишга қабул қилиш жараёнида абитуриентларнинг педагоглик касбига лаёқати даражасини аниқлаш мақсадида Вазирлар Маҳкамаси қарори қабул қилиш учун жамоатчилик муҳокамасига қўйилди:
Қарор лойиҳасида белгиланишича,
❗️абитуриентларнинг педагоглик касбига
лаёқатини аниқлаш тартибини тасдиқлаш кўзда тутилмоқда 2020/2021 ўқув йилидан бошлаб, педагогика таълим соҳасининг бакалавриат таълим йўналишларига ўқишга кириш истагида бўлган абитуриентлар учун 5 июндан 5 июлгача бўлган муддатда абитуриентларнинг педагоглик касбига лаёқатини аниқлаш синовлари Халқ таълим вазирлиги, Олий ва ўрта махсус таълим вазирлиги ва Мактабгача таълим вазирлиги (кейинги ўринларда – вазирликлар)нинг қарорлари (буйруқлари) билан ҳудудлар ҳамда олий таълим муассасаларида тузиладиган Махсус комиссиялар томонидан амалга оширилади;
❗️абитуриентларнинг педагоглик касбига лаёқатини аниқлаш жараёнини суҳбат асосида адолатли ва холисона ўтказишга Махсус комиссиялар масъул ҳисобланади;
❗️суҳбат жараёнидан муваффаққиятли ўтган абитуриентлар олий таълим муассасалари бакалавриатига кириш тест синовларини ўтказиш тўғрисидаги Низомга асосан тест синовларида иштирок этади;
❗️суҳбат учун максимал балл миқдори 100 баллни ташкил этади. Абитуриент кириш тест синовларига рухсат берилиши учун билетдаги барча саволлар бўйича умумий баллар миқдорининг камида 50 фоизини тўплаши зарур;
❗️суҳбат жараёнида абитуриент алоҳида вариантланган саволлар тўпламидан билет олиб, унга 15-20 дақиқа давомида тайёргарлик кўради. Суҳбат учун ажратилган вақт, шу жумладан тайёргарлик билан биргаликда ҳар бир абитуриент учун 30 дақиқадан ошмайди;
❗️абитуриентларнинг суҳбатда тўплаган баллари Ўзбекистон Республикаси Вазирлар Маҳкамаси ҳузуридаги Давлат тест маркази томонидан ўтказилган тест синовлари натижаларига қўшилмайди.
Бу ҳали қарор лойиҳаси. Шундай экан, сизларнинг фикр-мулоҳазаларингиз, таклифларингиз асосида буларнинг баъзилари қабул қилинмаслиги, ёки қўшимча таклифлар инобатга олиниши мумкин. Қарор лойиҳаси муҳокамасида фаолроқ бўлинг.

Aziz va qadrli yurtdoshlarim !!
Yurtimizga koronavirus epidemiyasi kirib kelishi bilan, bunga qarshi keskin choralar ko’rishga kirishildi. Asosiy maqsad kasallikning yurtimizda keng tarqalib ketish xavfining oldini olish edi. Hozirgi kunda yurtimizda qayd etilgan kasallik yuqtirganlar soni 200 nafardan oshgan, karantinda izolyatsiya qilingan fuqarolarimizning umumiy soni 100 mingdan ko’proqni tashkil qilayotgan bir paytda yurtdoshlarimiz tomonidan yo’l qo’yilayotgan e’tiborsizlik, beporvolikni ko’rib, beixtiyor g’azab otiga minasan kishi.
Prezidentimiz tomonidan talab qilinayotgan qattiq choralar, qonuniy ta’qiqlarga qaramay, yurtdoshlarimiz bu baloga bepisand munosabatda bo’lishmoqda. Nahotki, o’ylashmaydiki o’zlariga bo’lgan e’tiborsizlik oilasiga, yaqinlariga va qolaversa butun xalqqa ajal bo’lib qaytib kelishi mumkin. Ko’chaga chiqish mumkin emas, juda kerak bo’lganda faqat oziq ovqatga niqob taqqan holda chiqish mumkin deyilsayu, fuqarolarimiz huda behudaga ko’chaga chiqishsa, niqobni ham bo’yniga tushirib yurishsa, bemalol boshqa insonlar bilan quchoqlashib ko’rishishda davom etsa, biz qanday qilib bu epidemiyani daf qilishimiz mumkin? Shu yerda Oliy Majlis qonunchilik palatasi deputati spikeri o’rinbosari Alisher Qodirovning “odamlarning ongini o’zgartirmasdan rivojlanishga erisholmaymiz” qabilidagi fikrlari nechog’lik o’rinli ekanligiga yana bir bor amin bo’ldim.
Aziz yurtdoshlar, siz o’z yaqinlaringiz, oilangiz a’zolariga ozgina bo’lsa ham mehringiz bo’lsa, ularni yaxshi ko’rsangiz, iltimos qoidalarga qat’iy rioya qiling !!!
Muhtaram otaxon, onaxonlarimiz nima bo’lishidan qat’iy nazar ko’chaga chiqmang !!!

Davlat test markazining Jizzax viloyati bo'limi boshlig'i Ibroxim Xatamov

@jizzax_dtm
#vahimasizkarantin