🟠❤️❤️❤️❤️❤️❤️❤️❤️

Paxtakor tumanida PISA 2025 xalqaro tadqiqotiga tayyorgarlik bo‘yicha seminar o‘tkazildi

Tadbirda Jizzax viloyat pedagogik mahorat markazi direktori I.Ahmedov, markaz direktor o‘rinbosari A.Rahmatullayev hamda Maktabgacha va maktab ta’limi boshqarmasi vakillari ishtirok etishdi.

Seminar davomida Pedagogik mahorat markazining metodik xizmat bo‘limi metodistlari PISA tadqiqotining mazmuni, maqsadi va ahamiyati, xalqaro baholash mezonlariga mos dars jarayonlarini tashkil etish, o‘quvchilarning tanqidiy fikrlash va mantiqiy tahlil qilish ko‘nikmalarini rivojlantirish kabi mavzularni keng yoritib berdilar.

Tadbir davomida ishtirokchilarga PISA tadqiqotiga tayyorgarlik bo‘yicha tarqatma materiallar taqdim etilib, pedagoglarning fikr-mulohazalari tinglandi. Pedagogik mahorat markazi direktori seminar qatnashchilariga motivatsion nutq so‘zlab, xalqaro baholashga tayyorgarlikni yanada kuchaytirish bo‘yicha tavsiyalar berdi.

Bunday seminarlar barcha tumanlarda o‘tkaziladi.

Jizzax viloyati PMM matbuot xizmati

🌐Telegram 📱 WEB   🌐 Facebook  ▶️Youtube