وين ابو الســــــــجاد.. تنشد سكينه
من السبي واليــــوم.. خــويه ردينه

من وصلت هنا.. الحــــيره بين ثنين
وياكبر اكصده
منامشي للعباس.ظل اخــوي حسين
وياهوه الابده
گلبي هيج حتار .ودم تصــــب العين
شعظمهه شده
گلبي هيج حــــــتار.. زيــــــد ونينه
وحنه منجينه

حس وجه السجاد. كال عمي هناك
وحده ودفنته
روحي هسه ويا. كولي جيت انعاك
وشخصك فكته
هيج انه تعنيت .وكتلــه كون وياك
عمري وخذته
كتله كون ويــــــاك.. كــــبري بانينه
ولاتجافينه


وسفه من ريدت .يــــــنبجي الحالي
وهل دوريته
انشد عله حــــــــسين .ظايع الوالي
بكبره وليكته
حسره يــــــــــوم الراح .مني يلغالي
ما وديعته
طاح منا هــــــــــــناا.. وهيج ردينه
ايتام بظعينه

ويل كبر والــــــيوم .تسولف ايتامك
وحنه انهظمنه
عشنه جوار ايــــــــام. راحت ايامك
عشنه بحزنه
اتوسلك يحــــسين ..فدوه الجدامك
ردنه الوطنه
لوسمعني يكــــــــوم ..جارجع لينه
ومايخلينه

كتله ابو الــــــسجاد. تبجي لحوالي
لو تدري بيه
حرمه و الشــــــــمات ..خويه تبرالي
وختك سبيه
وسفه هذ الصــــــــار. وبين اخيالي
من الغاضريه
وظاع عمري هنا. وضاعت سنينه
خويه نولينه

ابو سلام الجابري