لحظات الوداع
حيدر ودع زينب والمدمع يسيل
زينب صاحت آه يحمّاي الدخيل
بعيد الشر يا حيدر عنيِ تشيل
وتعوف زينب والحزن توأمها
〰〰〰〰〰〰〰〰
صاحت اسم الله يا ضيا العين
صدق عنا ترحل يا ابو حسين
عگبك يتامى والجرح جرحين
فراگك والجرح روحي يألّمها
تگله
ناري ناري… بالگلب تسعر يا حيدر
ناري ناري… طبرتك تجرحني اكثر
ناري ناري… گلبي لمصابك تفطر

واعلياه… داحي خيبر منطبر
واعلياه… راحلة بليلة قدر
واعلياه… اگبالي بويه يحتضر
علي علي علي…
خادمة آل محمد ✍