قصائد خدمة العبرة المقدسة🩸 الشاعرة خادمة آل محمد

زينب ع والدار الخالية
آه آه الله يعين گلب زينب هاي المسية كيف احييت ليلة القدر بالدموع والآهات والحسرات تارة تدخل لحجرة علي وترى محراب صلاته ينعاها واويلاه وكاني بها تارة تعاين لعمامته المخضوبة بالدماء وتنادي واعلياه يلا وين الصرخة ساعد زينب بمصابها واعلياه واماماه واشهيداه
زينب حايرة بالدار وجفنها يسيل بالعبره
تنصب مأتم الأحزان من حُجره لعد حُجره
تنادي ويلي عالمدفون وينزف جرحه والطبره
يبويه يالرحت عني عفتني وحدي للآلام
واويلاه على الكرار على الكرار واويلاه
〰️〰️〰️〰️〰️
تشيل عمامته وتنحب بدم الطبره مصبوغه
وْتنادي آه يا حيدر تون وتجذب اللوعه
تعوف ايتامك الليلة تروح لأميِ البضعه
منهو من بعد عينك يسلي وحشة الايتام
خادمة آل محمد✍🏻
ليلة الدفن ودار امير المؤمنين ع

خلت داري من انواره وابونه نايم بلحده
مظلم صار محرابه وعلى الدنيا العفا بعده
عمت عيني على غيابه الگلب مكسور على فگده
يتيمة دمعة عيوني تهل الليله عا غيابه
〰〰〰〰〰〰
اشيل عمامته بيدي واعاين بيها هالطبره
بدم الهامه مخضوبه مصبوغه بعد حمره
گلبي يلتهب ناره وجروح الگلب كثره
شهيد مفراگ ايتامه الله ما اعظم مصابه
اي واعلياه~
آيحيدر… دارك الليله خليه
آيحيدر… وحشه هالليله المسيه
آيحيدر… لاجلك دموعي جريه

فارگنتي… والغياب شگد صعب
فارگتني… بفرگتك ذاب الگلب
فارگتتي… ودمعي لغيابك يصب
واعلياه~~~
خادمة آل محمد✍

*لطم شور ~ واعليا واعليا واعليا واعليا~*
كبّر الوحي وصاح
لا فتى إلا عليا
سورة الإنسان تنعى
والأنين سرمديا
هل أتى سيف المرادي
فالقاً هام الوصيا
أيّ وحيٍ ضج ينعى
واعليا واعليا
*واعليـاه~~~*
〰️〰️〰️〰️〰️
أي رزء له تنعى
ليلة القدر الحزينة
قومي زهراء اندبيهِ
عزي خير المرسلينا
والطمي فوق الضلوع
لأمير المؤمنينا
سورة الكوثر ناحت
تبكي والدمع جريا
〰️〰️〰️〰️〰️〰️
للعزاء والبكاء
تلك آيات المصيبة
ساعة التوديع حانت
من حبيبٍ لحبيبة
ليلة القدر وداعا
زينب صارت غريبه
لها عرش الدمع ناح
وينادي واعليا
〰️〰️〰️〰️〰️
في العزاء خطّ دمعي
تلك أبيات الوصية
في المجالس اذكروني
ان دمعاتي جرية
واذكروني لأميري
زائرا قبر الوصيا
عسى ان يكتب اسمي
في الصحيفة الحيدريا
〰️〰️〰️〰️〰️〰️
ادعو ربي باسم حيدر
أختم أنفاس وِردي
عند موتي واحتضاري
عسى قد يحضر عندي
وفي حشري وحسابي نوره يسطع لحدي
ويزف لي الشفاعة
باسمه أغدو نجيا
〰️〰️〰️〰️〰️
في ضريحي ليَ ٱمنية شيّعوني باسم حيدر
واكتبوا فوق الرصافة
خادم نعليا قنبر
عسى ان يأتي إليّ
وفي قبري علي يحضر
يدفع منكر وناكر
والحساب لعليا
خادمة آل محمد ✍🏻

ليلة الدفن ودار امير المؤمنين ع

خلت داري من انواره وابونه نايم بلحده
مظلم صار محرابه وعلى الدنيا العفا بعده
عمت عيني على غيابه الگلب مكسور على فگده
يتيمة دمعة عيوني تهل الليله عا غيابه
〰〰〰〰〰〰
اشيل عمامته بيدي واعاين بيها هالطبره
بدم الهامه مخضوبه مصبوغه بعد حمره
گلبي يلتهب ناره وجروح الگلب كثره
شهيد مفراگ ايتامه الله ما اعظم مصابه
اي واعلياه~
آيحيدر… دارك الليله خليه
آيحيدر… وحشه هالليله المسيه
آيحيدر… لاجلك دموعي جريه

فارگنتي… والغياب شگد صعب
فارگتني… بفرگتك ذاب الگلب
فارگتتي… ودمعي لغيابك يصب
واعلياه~~~
خادمة آل محمد✍

*اويلاه يا ابا الحسن*
زينب يم نعشه نايحه
تنصب عزيه وفاتحه
ودمعتها عالخد سافحه
وتنادي يا أبا الحسن
〰️〰️〰️〰️〰️
هالليلة نواسي فاطمة
وزينب تنخاها لاطمه
يمه تعالي من السمه
خل ننصب مأتم للحزن
*اويلاه يا ابا الحسن*
〰️〰️〰️〰️〰️
زينب تنادي معوله
ودمعتها عالخد سايله
شهر صيامه ما كمّله
ونزلت علينه هالمحن
*اويلاه يا ابا الحسن*
〰️〰️〰️〰️〰️
بعدك يا حماي الحمه
هالليله صعبة ومؤلمه
هالدنيا كلها مظلمه
حيدرنا بالگبر اندفن
*اويلاه يا ابا الحسن*
〰️〰️〰️〰️〰️
من شافت ويلي اعمامته
خلوها فوگ جنازته
حيدر يا بويه نادته
رد لينه يا سور الزمن
*اويلاه يا ابا الحسن*
〰〰〰〰〰

بالنجف محفور القبر
مات والولي بليلة قدر
مطبوره هامه بالفجر
علي وسط،لحده سكن
*اويلاه يا ابا الحسن*
〰️〰️〰️〰️〰️
واويلي ودع عترته
وزينب تنوح لمحنته
من. نزّلوه بحفرته
غسّله. من دموع الجفن
*اويلاه يا ابا الحسن*
〰️〰️〰️〰️〰️
بتابوته الحسن شيّعه
وحسينه سايل مدمعه
وزينب واويلي مودّعه
صارت واويلي بلا وطن
*اويلاه يا ابا الحسن*
خادمة آل محمد✍

#واعلياه 😭
*تشييع امير المؤمنين ع*
الله وياك يا حيدر صعبة وداعة الأحباب
تفارگ بشهر الصوم صعب والله بعد المصاب
مطبور الوالي ونايم بنعشه ومندفن بتراب
طاب الجرح يا حيدر
لو تنزف دمه الهامه
〰️〰️〰️〰️〰️〰️
وداعك يصعب علينه داحي الباب يبو الايتام
شالوا جنازتك بويه
وما تمم علي الصيام
عميت عيني عا مصابك
وگلبي تصوّب بآلام
شفتك بالنعش ممدود
ليث الغاب بلا اعمامه
〰️〰️〰️〰️〰️〰
عني راحل… تعوف زينب هالمسيه
عني راحل… وانه انصب لك عزيه
عني راحل… تريض بهونك شويّه
*ماذا تريدن يا زينب ؟؟؟*
جفيري
خليني وادعك يا علي
يا ضي عيوني وكل هلي
هالليلة مظلم منزلي
شالو النعش للمقبره
〰️〰️〰️〰️〰️
جرحك في گلبي يألّمه
وين امي تحضر فاطمه
تشوف العمامه والدمه
مخضّب بدمه حيدره
〰️〰️〰️〰️〰️
ودعتك الله يالحبيب
يالراسك بدمك خضيب
يا محيّر لجرحك طبيك
فوق النعش دمعي جره
خادمة آل محمد✍🏻

*الله الله بدعاء الموالي ليلة القدر بحق الحسين ع* طور البحر الطويل/ اطوار الملا عب الحي قنبر ♪
*وبليلة قدر كبرى* باسم حسين نتوسّل
نصرخ آه يا مذبوح ودمعات الجفن نهمل
نريد زيارة من عندك اسامينا ٱنت لي تسجّل
تسجل هالسنة اسمي
مشي اتعنّه يم فاطم
〰〰〰〰
*بعد ايها الموالي عندك حوائج بليلة القدر؟؟؟*
بگلب كل شيعي هالليلة ٱمُنيه ورافع الكفين
تعجيل الفرج ربي
بحق نحر الشهيد حسين
يا رب ضاقت ٱلنا صدور
وتشتت شمل هالدين
يمتى يسلّه فقاره
بعدله يحكم العالم
آيمهدي ~³آه
〰〰〰〰
*بدعاء الجوشن* ننادي من النيران خلصنا
ودعاء الثاني يا ربي بعلي مولانا شفّعنا
وثالث دعوة بالحجة
بكن لوليك ادركنا
اطلب ثار للمذبوح
عجل گوم يالقائم
〰〰〰〰
الشاعرة خادمة آل محمد✍🏻

#واعلياه ~
أي رزية زينب تنتظرها اليوم واويلاه وامصيبتاه واحرقة قلباه واعلياه يلا نشوف زينب تعاين لوالدها وهو على فرلش الموت بعدما علمت انها ستبكي طويلا بعد وفاة والدها لما سيجري عليها وعلى اخوتها وبالخصوص على رزء أخيها الحسين ع في كربلاء~~)
〰️〰️〰️〰️〰️〰️
زينب عاينت حالة وكنها تشوف طف حسين
وبراس الولي المطبور تعاين كل جرح جرحين
نحر المنذبح ظامي وحيدر منطبر الجبين
شافت كربله وعاشر من تنظر لواليها
〰️〰️〰️〰️〰️
زينب آه يا زينب المحنة تعيش ويّاها
منهو يعاين الحورا تجري دموع عيناه
الوصية تسمع وتنحب وتعدد كل رزاياها
وبليلة قدر تنحب ومنهو الي يواسيها
〰️〰️〰️〰️〰️
دارت هالوجه صوبه تشوف عصابته الصفره
وجرحه ينزف دمومه وتصرخ آه يا زهره
تعالي يمه عينيني بمحنة حيدر مْحيره
شفته وكربله اتصوّر وزينب راح راعيها
خادمة آل محمد ✍🏻

لحن يا يمه انا زينب عد من تخليني~
يا بويه يا بويه يا بويه يا بويه²
جرح الأبو أعظم لو طبرة الهامه
لو محنة الزهره لو هاذي العمامه
محنة علي الكرار ونياحة ايتامه
هشمة ضلع امي منها الگلب فطّر
〰〰〰〰〰〰
من عاينت حاله تنزف دم الطبره
يومك ينور العين ذكرني بالزهره
ساعة اجو للدار واللطمة والعصره
كسرت گلب زينب من شفته هالمنظر
خادمة آل محمد✍🏻

تشييع جنازة امير المؤمنين ع /الجفيري♪~
هلّي يا زينب دمعتچ
بفراگ ابوچ مصيبتچ
هالليله صعبه محنتچ
من شالو نعشه للحد
〰〰〰〰〰
صاحت يا حمّاي الحمه
دمعتها عالخد ساجمه
تون وتنوحن لاطمه
وتنادي يا بويه العمد
〰〰〰〰〰
بوداعة الله يالتروح
وعفت النا آهات وجروح
عگبك يا بويه وين اروح
يا ضيعة اهلي وللسند
خادمة آل محمد✍🏻

#واعلياه~
واحيدراه واحيدراه~² / طور الأنين العاملي♪
صدت تنادي يا علي
فجعتني بويه شوفتك
زينة حياتي وكل هلي
مطبورة بويه هامتك
يا شمعة تضوي بمنزلي
صعبه يبويه فرگتك
فدوا الك كل العمر
وتسلم يا حلال الشدد
واحيدراه واحيدراه~²
✤✤✤✤✤✤✤
زينب بحيرة وين اروح
صعبه اشوفن طبرتك
بحزني وونيني خل أنوح
وامزج دموعي بدمعتك
يالراحل بجرحك جروح
تكسر خواطر حالتك
تودّعنيِ بليلة قدر
وتغفى يبويه باللحد
واحيدراه واحيدراه~²
✤✤✤✤✤✤✤
سيف الذي هامك طبر
ذكرني بامي والألم
ذكرني بالضلع انكسر
والسطرة والخد انلطم
تتشابه اسباب القدر
هامه وضلع خد انسطر
صعب عليّ كلمة يتم
جدّدته حزني للأبد
واحيدراه واحيدراه~²
✤✤✤✤✤✤✤

خادمة آل محمد✍🏻

#واعلياه~
*عند عودة الامامان الحسن والحسين ع من دفن امير المؤمنين ع دخلو للدار بدموعهم واحزانهم وآهاتهم يصبرون زينب آه يا زينب*
لحن الجفيري~
صاح الحسين ويالحسن
هالليلة آهات وحزن
خلصت مراسيم الدفن
نايم ولينه بالگبر
〰️〰️〰️〰️〰️
ونّت وصاحت يا هلي
هالليله فارگنا الولي
نايم بگبرك يا علي
وزينب گلبها منفطر
〰️〰️〰️〰️〰️
نادت يا نايم بالتراب
هالليله آهات ومصاب
ما أحسب ليومك حساب
تيتّمنه في ليلة قدر
خادمة آل محمد ✍🏻

لحظات الوداع
حيدر ودع زينب والمدمع يسيل
زينب صاحت آه يحمّاي الدخيل
بعيد الشر يا حيدر عنيِ تشيل
وتعوف زينب والحزن توأمها
〰〰〰〰〰〰〰〰
صاحت اسم الله يا ضيا العين
صدق عنا ترحل يا ابو حسين
عگبك يتامى والجرح جرحين
فراگك والجرح روحي يألّمها
تگله
ناري ناري… بالگلب تسعر يا حيدر
ناري ناري… طبرتك تجرحني اكثر
ناري ناري… گلبي لمصابك تفطر

واعلياه… داحي خيبر منطبر
واعلياه… راحلة بليلة قدر
واعلياه… اگبالي بويه يحتضر
علي علي علي…
خادمة آل محمد ✍

مرض أمير المؤمنين ع /لحظة أغمض عينيه أمير المؤمنين ع وأصبح يغشى عليه ~ زينب تنظر والدمعة في عينيها ~ ولسان حالها

طاب الجرح… لو لا يا غالي
طاب الجرح… جاوب سؤالي
طاب الجرح… براسك يا والي

نظرة منك… تطمني و تكفيني
نظرة منك… فك عينك حاچيني
نظرة منك… ابويه يا نظر عيني

لا تسافر… ارحم دموع العقيله
لا تسافر… يا جرح گلبي ودليله
لا تسافر… غيبتك ادري طويله

خادمة آل محمد ✍

*جرح امير المؤمنين ع*
*آه يا حال زينب تنظر لتلك العصابة فوق رأس أبيها علي ع واويلاه واعلياه~*

شدّ عمامته الصفرة وبيها معصّب لراسه~
دمه يسيل من الطبره والآهاته بانفاسه~
زينب شافت المنظر يا ويلي اتگدر احساسه~
وصاحت آه يا بويه تفجعني يا داحي الباب
〰️〰️〰️〰️〰️
*أي احزان يا زينب؟؟؟*
ذكرت عصابة الزهره وآلالم الي فجعتني
يشبه يومك ويومي لمن امي عافتني
وراسك بويه هالمطبور كسر گلبي ولوّعني
يشبه كسرة الأضلاع من امي ويا عظم المصاب
〰️〰️〰️〰️〰️
تگله
آيبويه… المحنة صعبه يا ولينه
آيبويه… منهو بعدك للحزينه
آيبويه… فرگتك صعبه علينه
آيحيدر … صعبه اودعك هالمسيه
آيحيدر … يا دمع عيني الجريه
آيحيدر… لأمي بلغها التحيه
السلام عليك يا زهراااااا
خادمة آل محمد ✍🏻

*الوصية من أمير لأميرة*
*حوار يدور بين الامام علي ع وابنته زينب ع*
يا زينب وصية گِعدي وٱسمعيها ~
صعبة هالمسية أمانة وتحمليها ~
ٱصبْرِي عالرزيه والدمعة احفظيها ~
لا تهلّيِ عيونچ اچدّامچ محن كثره
〰️〰️〰️〰️〰️
عندچ مصايب تنتظر بيها العجايب
كل محنة تتبعها محن وتتبع نوايب
بس الله خالق زينب لهاي المصايب
كعبة وتطوف ام الصبر كل محنة للعتره
〰️〰️〰️〰️〰️〰️
سؤال زينب؟ شعندك يبويه؟
بحر طويل
شعندك يبويه من محن يا حيدر اخبرني
مفجوعة ادري بـ اخوتي وانت الي تفجعني
يوم الحسن كله محن يا بويه دوهني
ويوم الذبيح بكربله لن خاطري يِكِسره
〰️〰️〰️〰️〰️
يگلّلها من بعدي الحسن چبده يسمونه
وحسين اخوچ بكربله ظامي يذبحونه
وانت سبيه ترحلي وخدرچ يشوفونه
صعبه الأميرة تنسبي لديرة غرب حسرى
زينب زينب زينب
خادمة آل محمد ✍🏻

نعي ليلة الضربة ~ لسان حال زينب ع/ الجفيري~
يا ليلة القدر انزلي
ما تمم صيامه علي
آيا جرح راس الولي
شفت الولي راسه انطبر
〰️〰️〰️〰️〰️
تفجعني حالة شوفتك
منهو الي طبّر هامتك
يابويه صعبه محنتك
في ليلة التاسع عشر
〰️〰️〰️〰️〰️
گلبي يا حيدر منفجع
هالليلة آهات ودمع
ونتّها زينب استمع
تفارگها في ليلة قدر
〰️〰️〰️〰️〰️
صاحت يا حمّاي الحمه
هالليلة أملاك السمه
تبچي المصيبه المؤلمه
من ساعة طلوع الفجر
خادمة آل محمد ✍🏻

واعلياه~~~يا زهراء مدد
لحن ساعة وداع الزچيه~
الليلة حمّاي الحميه ~ بگبره مدفون
المهدي ناصب له العزيه ~~ ويبكي لعيون
جاري دمعاته دمه
تعينه امه فاطمه
〰️〰️〰️〰️〰️
لاطم ودمعه بـ خده… يجذب ونين²
يجذب الونه عا لحده… ونادى ابو احسين²

يبكي سيد الاوصياء
وا خضيبا بالدماء

شهالمصيبه المؤلمه
بيها فجعت فاطمة
〰️〰️〰️〰️〰️
الليله مفجوعه الإمامه… آه يا كرار ... آه يا كرار
يحمل بإيده العمامه…
بيها آثار… بيها آثار

تنصبغ لون الدما… من جرح حامي الحمه
وتنزل املاك السمه
بالعويل ولاطمه
خادمة آل محمد✍🏻