أنا امبارح نزلت حوجة ل200 مصحف لمركز تحفيظ قرأن .. الوقت كان متأخر نمت وقفلت التلفون ...المبلغ كان 30 الف
صحيت الصباح جري وبشتنة .. ما فتحت حسابي إلا أسي .. ألقي المبلغ الوصلني
فات ال100 الف جنيه😭😭

يااخي الله يتقبل منكم يا رب
وكمان كمية الناس الدخلو علي خاص
عشان عايزين يدفعو المبلغ كلو كامل
بس انا رفضت .. وقرررت اوزعهم علي الناس💗💗

يلا ركزو معاي .. تتذكرو مركز التحفيظ بتاع الدكتورة الخلت شغلها واشتغلت مع المركز وأسستو والحمدلله بفضل الله خرج 40 حافظة وخاتمة للقرأن في السنة الفاتت💗✨

المركز .. سجلوه مدرسة قرأنية .. وهي جنب الرميلة ..والأحياء الفقيرة والتعبانة
فالدكتورة دي .. سجلتو مدرسة قرأنية كل طلبتها حيختمو القرأن ..باذن الله لما يخلصو تامن 💗💗

الدكتورة ذاتها ضربت لي قبل فترة ..انها محتاجة حاجات كتيرة للتحفيظ القرأن .. محتاجين مصاحف كمان💗

يلا ... بالمبلغ الباقي من المصاحف .. حنظبط بيه مصاحف للمعهد الجديد وحنصين بيه المركز .. ونطورو ونخليه يفتح النفس لبناتنا عشان يحفظن القرأن كامل😍💝💓

وانت بجنيهك البتشاركنا بيه دا .. حيكون عندك بأذن الله اجر في كل حرف يقروه ويحفظوه ويسمعهو ويصلو بيه التلاميذ ديل💗😍

صدقني حتتفأجاة بملايين الحسنات بعد موتك باذن الله💗

يلا .. حنزل ليكم رقم حسابي بنك الخرطوم ... والناس الماعندها بنك الخرطوم يجوني خاص .. وعشان الناس ما تزعل حنزل ليكم أرقام تحويل رصيد

وانا بكرة حمشي أزور المعهد للعايز يمشي معاي نتلاقي في العربي💗💗 ويلا عايز البوست دا يلف الفيس كلو .. والناس كلها تحول ونبقي المركز بتاع الأحياء المهمشة دي أحسن مركز لحفظ كتاب الله😍
شارك البوست في كل القروبات عندك يلااا أجر كتير أجر يااخ

2147238
بنك الخرطوم باسم حذيفة النعيم

أرقام الرصيد :

سوداني0114635333
زين0908844501
أريبا0993496681