حِبوا، وصاحبوا الناس البسيطة السهلة.. الناس اللي من سلاسة تعاملهم، ونضافة نيتهم مش بتحتاج معاهم تبرر عمّال على بطّال.. اللي مش بيفهموا الكلام بمليون معنى غلط غير المعنى الواضح اللي تقصده.. اللي بتقدر تضحكهم، تصالحهم، وتتكلم معاهم في أعقد مشكلة؛ بسهولة!.. الحياة أصلاً لوحدها مليانة ناس صعبة بيصعبوها على نفسهم وعلى غيرهم ليل نهار، وبيزودوها كآبة.. خليكم سهلين، وإملوا حياتكم ناس سهلة، ولينة.. هما دول الأجدر بالمقاعد الأولى فى قلوبنا، اهتماماتنا، وحياتنا.