احبــك يا هـوى بالــي ولو طـوّل بي المشــوار
احبــك يا بعد عمــري خذي عمــري ومشواره

واحب المول والشارع واحب البيـت والأســوار
واحب الحوش وترابه واحب الزرع واشجـــاره

واحب النافــذه أيضاً ودولابـــك والاستشـــوار
واحب الغرفه اليمنى سريرك وش هي اخباره؟

واحب الباب والمـــرقــاب والمفتـــاح والمســبـار
واحب امك واحب اختك واحب الحي والحاره

واحــب الدار واهــل الدار والزوار والخطّـــار
واحب الجـار وام الجار واخت الجـار والجاره

احبــك يا بعَـــدْ عيني تعالــي هاتي الاخبــار
تعالي واكشفـي المستور قولــي كــلّ اسـراره

احبــك يا بقايا العمـر في ما تحمـل الأقـــدار
احبــك توأمة روحــي وروحــي جتـــك مختاره

احبــك انت وحدك انت غيـرك يستحيل اختـار
ولا سلمـــى ولا ليلـــى ولا نـــوره ولا ســــــاره