Shoir nolasi

Yarim tun. Xonaning chirogʻi yoniq
Har yonni tutmoqda siyoh ifori,
Qogʻozlar sochilgan, tanasi mayib
Olisda kutilgan uyqu zalvori...

Ichimda gʻalayon, soʻroqlar-pinhon,
Qalamim zirillar, qilolmas toqat.
Tugʻyonim toʻkilgan qogʻoz yonmoqda...
Ilohiy tus olgan damdagi holat...

Shu asno takrorda shoir ahvoli
Yangi yaratiqni topmaguncha to,
Siyohlar toʻkilar misoli yomgʻir
Oqqogʻoz sarsona sheʼriyat aro...

Shoirga kerakmas koʻhna saroylar,
Tillo-kumushlarni qilmayman talab.
Tangridan yolvorib soʻrayman doim,
Ilhomi ketmasin Shoirni tashlab...


✍✍✍ Muxtorjonov Axmadjon

@kongilgulshani

https://t.me/joinchat/SkIHV7Q3gBNNFP_b