🍀

#Kundalik

-Nega yozmesanam, qo'ng'iroq ham qilmaysan?
-Kutyapman)
-Nimani?
-Ikkimizning ichimizda erkak sen ekangligingni anglashingni)

@kundaligim_mening_m2

#Kundalik

S​​iz men bilan ko‘rishganmisiz?
Birga choy ichganmizmi?
Achchiq choy...
Yoki qahva.
Mehmonga borganmanmi sizning uyingizga?
Yoki mehmonga kelganmisiz uyimga?
Siz men bilan ko‘rishganmisiz?
Bafurja o‘tirib gaplashganmizmi?
Dardlashib ko‘rganmisiz men bilan?
Orzularimni eshitib ko‘rganmisiz?
Siz men bilan ko‘rishganmisiz?
Birga sayohat qilganmizmi?
Uzoqlarga birga safar qilganmizmi siz bilan?
Qiyin kuningizda men bilan birga bo‘lganmisiz?
Yoki yaxshi kuningizda...
Siz men bilan ko‘rishganmisiz?
Mening oldimda yig‘lab ko‘rganmisiz?
Yoki men sizning oldingizda.
Yomg‘irda qolganmizmi shalabboda...
Qordachi? Hammayoq oppoq qor ayti men bilan ko‘cha aylanganmisiz?
Tongda ko‘rganmisiz meni?
Tunda ko‘rishganmisiz men bilan?
Yozning issiq kunidachi
meni ko‘rganmisiz?
Siz men bilan ko‘rishganmisiz o‘zi?
Siz bilan bir bog‘chaga borganmizmi?
Maktabda birga o‘qiganmizmi?
Mening barcha so‘zimni eshitganmisiz?
Meni taniysizmi?
Qanchalik yaxshi taniysiz?
Qachondan beri tanishmiz?
Siz men bilan ko‘rishganmisiz?
men bilan yashaganmisiz birga?
Biror vaqt men bilan yashaganmisiz?Barcha hislarimni his qilganmisiz?
Unda nega meni yomon ko‘rasiz...???

@kundaligim_mening_m2

#Kundalik

Oʻzbek jamiyatida faqat ayollarga qiyin emas. Erkak tugʻildiki, hali chillasi chirogʻ koʻrmasdan ota-onasining ushalmagan orzularini ushalish vositasi sifatida qaraladi. Emakladi, qoqildi, turdi, yurdi qayeridir ogʻridi, yoki yiqilib tushdi, yigʻlamoqchi boʻlsa oʻgʻil bola yigʻlamaydi. Ulgʻaydi, oʻspirin oʻqisa, ilm olsa takasaltang, ishlab roʻzgʻorning bir chetini koʻtaray desa johil. Oʻzi xohlamagan oʻqishda oʻqidi, bitirdi, ota-onasi aytgan qizga uylandi, sevmagan kasbi bilan shugʻullandi, baribir u yomon. Oʻz rejalari, tanlagan kasbi, sevgan qizi haqida gapirsa ham u yomon. Depressiyaga berilsa dangasa, onasi va xotining mashmashalari deb qaysidir chetda mardikor boʻlib bolasi qanday katta boʻlayotganini koʻrmasa u bemehr. Uning boʻynida butun umr oilasi, ayoli, farzandlari masuliyati. Mabodo ota-onasi aytgan chiziqdan chiqib qoʻysa, biz seni katta qilib qoʻyganmiz, oʻzingdan-oʻzing katta boʻlib qoldingmi degan malomatlarga qoladi. Oʻzbek erkagi depressiyaga tushib bir hafta uyida shunchaki hech nimani xohlamay yota olamaydi. Ayolini seva olamaydi, unga mehr bera olamaydi, chunki xotinquli, issiq-sovuq qilib olgan degan gap-soʻzlar tagida qoladi. Yigʻlay olamaydi, dardlarini birovga ayta olmaydi, oxir-oqibat koʻngli muzga, toshga aylanadi, tirik murdaga aylanadi va qachondir jasadi koʻmiladi.
Ayollar erkaklarga qoʻlqanot boʻlib ularni tushunishi, har qanday vaziyatda yonida tura olishi kerak. Sabr bilan ikkisi baxtga yetishishi muqarrar...

@kundaligim_mening_m2

Kuz jonimga tegdi, qachon qor yog‘adi...

#Kundalik

Birinchi sinf edim o‘sha payt, hozir eslasam ruhim g‘alayon ko‘taradi. Ukam og‘ir kasal bo‘lgandi, dadam Yangiqo‘rg‘ondagi kasalxonalar yaxshimas, Farg‘onaga olib boraman, deb ukam va onamni olib ketgandi. Yolg‘iz o‘zi qaytib kelgan. Bilganmanki, ukamni shifoxonaga yotqizgan. Ukam anchagacha yaxshi bo‘lmagan uyda onam yo‘q juda qiynalganmiz. Osh-ovqatimizga, kiyim-boshimizga qaragani hech kim yo‘q edi. Tog‘am bo‘lmagani uchun opam ko‘pincha buvimlarnikida bo‘lardi. O‘shanda birinchi bor mas'ulyatni his qilganman. Birinchi bor guruchi pishmagan mastava qilganim, dadamni jinsi shimini qirini chiqarib dazmol qilganim (kinoda shimni qirini chiqarib dazmol qilayotganini ko‘rgandim) esimda. Menga birov o‘rgatishi kerak deb kutmaganman. Astalik bilan o‘rganib olganman. Onamlar qaytishganda maqtov eshitgandim. Harakat qilsangiz, o‘xshamasa ham harakatingiz uchun maqtov eshitasiz...!

@kundaligim_mening_m2

#Kundalik

Qiz bolaning hazilidan hafa bo'ladigan yigitlar, sizlarga yashash qiyin emasmi?

@kundaligim_mening_m2

#Kundalik

Hayotimdan chiqib ketgan odamlarni sogʻinmayman, rasvo odamlar edi hammasi...

@kundaligim_mening_m2

#Kundalik

Bu kichkina qizchani kattadek hisoblashlari ranjityapti.
Eng katta qo'rquvim - ulg'ayish.
Eng katta orzum - doim meni kichkanadek ko'radigan birini uchratish.
Eng katta baxtim - o'sha doim meni kichkina qizchadek ko'rib avaylab yuradigan biri bilan baxtli bolish..

@kundaligim_mening_m2