كلك ابيض جنك اسولف الفقره
الحرب محبس وانت ياعباس شذره

يالله ياشذرته طب بيك تتباهه الحرب
وانته ياعباس شذره
_________________
ماله قيمه المحبس بلايه الشذر
الشذره هيه مسويه للمحبس كدر
الحرب ماسولفت سره وينذكر
وانت ياعباس عندك شكو سر

ليحجي الك سره نساه لان ماتحجي بكفاه
مظيف جنك تنجهب
_________________

انت كلك ترف كلبك ينشبك
وهوه يشبع من يجيك المختنك
لاكن ابوكت لزماط ولو صدك
كلشي بيك اعيونك وسيفك يطك

يلي مالفك كماط كلش اتحب الزماط
للمثلك ازماطه صعب
_________________

انت طالع من ظهر بيه ينحلف
ماتحرك رمشك السبعين الف
يجف كلشي وماي كصتك مايجف
ليحب وليكره يسميك الكلف

اساله عدهه الركاب وسيفك يعرف الجواب
علي بزودك تنحسب
_________________

للحومه جانت بارده كبلك تره
والنهر مغرور بالماي الجره
كوم وعلى الموت الزمهم سره
واسحك اخشوم الزلم والكنطره

وانته كده من تكوم زلمه تسحك عالخشوم
مايخوفك هل الدرب
_________________

نزل للحومه ودخيل الله بعد
كام كل راس يتبره من الجسد
تعب عزرائيل بالحومه وكعد
هوه حيل الله ويكل الله مدد

وحده ايموت الجزاه يجر نفس محد وراه
العبر حده ينشطب
_________________

يدور مثل الرحه يطحن بالحرب
يمنه يسره منين مارايد يطب
منين مايندار ابوفاضل صعب
يموت اذا الاكاه لماعنده كلب

شتدت وسيفه نساه بيمنته يسطره لاجاه
خاف لبلايه كلب
_________________

ليث البديري