كل ثقافات البشر استسلمت يم النحر
يالغت نحرك صبح حطك براسه الرمح
حسين يااباعبدالله
_________________

ياثقافة نحرك وذيج السياسه
فندت حجي ليتهمك بالرئاسه
حتى ذاك الرمح دنكلك قياسه
مثل لعكال انته خلاك على راسه

دمك اكبر منعطف كتب مرسوم الشرف
صرت للمصخت ملح حطك ابراسه الرمح
_________________

العقل كائن يستحق كل لقداسه
وليفكر بجيبه لازم يطخ رأسه
النهر يم كَصتك ينعد جنه طاسه
بكاع صحراء طلعت يحسين ياسه

بيك السلام احتمه وترست عين السمه
ماي كصتك مايشح حطك ابراسه الرمح
_________________

ناقشت موضوع للعز والاراده
لمات حر يعيش يم الله بسعاده
من رمل سويت يحسين لوساده
حتى تبثت ابد موهينه الشهاده

ابد ماهمك دعي ياحسين شهل وعي
انته عنوان الفتح وحطك ابراسه الرمح
_________________

منجزك يحسين منجز لامثيله
ياحبل الله المتين وياسبيله
للا بشفافك صدك جانت ثكيله
انته حيل اهواي والدنيه قليله

للا بشفافك درس يالبزغ نورك شمس
لضلمه من جانت تلح حطك ابراسه الرمح
_________________

اعز ماتملك وهبت من الوسائل
للله جنت تودي يحسين الرسايل
كلشي للمبدى يهون بلا مقابل
شنهو كلبه لوده للموت ابو فاضل

لان كلشي قدمت مثل عد الله صرت
الله سوالك صرح حطك براسه الرمح
_________________

ليث البديري