منقول:"
قبل حوالي سنة ونصف كنت اني وصاحبي عبدالرؤوف متجهين من الزنتان إلى طرابلس باش نتفرجوا على مبارة نادي الأهلي كل شي كان عادي ....ضحك، حماس
لكن لما وصلنا العزيزية بدت حرارة السيارة ترقى فخفضنا السرعة على أمل تنزل وقدام مقر اللواء الرابع بالتحديد قابلتنا ظسيارة بسرعة جنونية وواضح عليه صاحبها فقد السيطرة حاول عبدالرؤوف يهرب على يمين برا الطريق لكن الي مقابلنا توتر ولحقنا لين طفاها فينا
في هديك اللحظة واني نشوف فيه جاي جيهتنا حسيت أن الحادث مفيش مفر منه ... جزء من الثانية وكل شي تم
انقلبت السيارة والوقت وقف كنت فاقد الوعي خمس دقايق لا نسمع ولا نحس بشي
لما فتحت عيوني دنيا كانت ضباب وريحة تراب والبنزينة وباطنيات وصوت الناس من بعيد مكنتش نعرف هل اني حي ؟ ميت ؟ مصاب ؟
اول شي درته فتحت المرأة نحاول نفهم روحي شن صاير لكن مقدرتش نشوف شي من دوخة الدنيا مضببه
شفت يساري مالقيتش عبدالرؤوف
شفت وراي السيارة متعجنة والبنزينة تصب من تنك ومؤخرة السيارة كلها مهروسة خفت تتفجر طلعت منها
والناس تعيط في في حد تاني في السيارة ، مشيت لي عبدالرؤوف طايح علي الارض وناس واقفين عليه ومغمى عليه مقدرتش نستوعب الموقف قعدت نمشي لا ارديا ناس يقولولي قعمز واني نمشي
الموت لما يقرب منك حتا ولو خمسة دقائق يغيرك إلى الابد تحس انك تولدت من جديد وتبدأ تسأل نفسك من انا ؟ شنو ندير في حياتي؟وين نضيع في وقتي ؟
كانت تجربة موت..لكنها كانت بداية حياة جديدة
نسأل الله أن يحفظ شباب المسلمين ، ويرحم من توفاهم ، ويهدي من نجاهم
قبل حوالي سنة ونصف كنت اني وصاحبي عبدالرؤوف متجهين من الزنتان إلى طرابلس باش نتفرجوا على مبارة نادي الأهلي كل شي كان عادي ....ضحك، حماس
لكن لما وصلنا العزيزية بدت حرارة السيارة ترقى فخفضنا السرعة على أمل تنزل وقدام مقر اللواء الرابع بالتحديد قابلتنا ظسيارة بسرعة جنونية وواضح عليه صاحبها فقد السيطرة حاول عبدالرؤوف يهرب على يمين برا الطريق لكن الي مقابلنا توتر ولحقنا لين طفاها فينا
في هديك اللحظة واني نشوف فيه جاي جيهتنا حسيت أن الحادث مفيش مفر منه ... جزء من الثانية وكل شي تم
انقلبت السيارة والوقت وقف كنت فاقد الوعي خمس دقايق لا نسمع ولا نحس بشي
لما فتحت عيوني دنيا كانت ضباب وريحة تراب والبنزينة وباطنيات وصوت الناس من بعيد مكنتش نعرف هل اني حي ؟ ميت ؟ مصاب ؟
اول شي درته فتحت المرأة نحاول نفهم روحي شن صاير لكن مقدرتش نشوف شي من دوخة الدنيا مضببه
شفت يساري مالقيتش عبدالرؤوف
شفت وراي السيارة متعجنة والبنزينة تصب من تنك ومؤخرة السيارة كلها مهروسة خفت تتفجر طلعت منها
والناس تعيط في في حد تاني في السيارة ، مشيت لي عبدالرؤوف طايح علي الارض وناس واقفين عليه ومغمى عليه مقدرتش نستوعب الموقف قعدت نمشي لا ارديا ناس يقولولي قعمز واني نمشي
الموت لما يقرب منك حتا ولو خمسة دقائق يغيرك إلى الابد تحس انك تولدت من جديد وتبدأ تسأل نفسك من انا ؟ شنو ندير في حياتي؟وين نضيع في وقتي ؟
كانت تجربة موت..لكنها كانت بداية حياة جديدة
نسأل الله أن يحفظ شباب المسلمين ، ويرحم من توفاهم ، ويهدي من نجاهم