صباح الغياب اللّي لحى الحال و أدبر به
صباح العيون اللّي ترادف عبايرها

أنا البارحه سرّاني الشوق مع دربه
و ساق الدموع الحايره من محاجرها

أهوجس قبال اللّيل وأهيم وأسهر به
وأصحّي طيور الصبح و تطير و أسبرها

سقى الله ربوع الوصل يا غيبة الغربه
وش اللّي جنيت من السنين و دوايرها

طوتني السنين الماضيه طيّة القربه
و بانت عذاريبي و أنا كان ساترها

عدتني الملامه ما بقى صبر و أصبر به
لو أقدر صبر يومين ماني بذاخرها .

- ناصر بن مجحود .