تعالي وأجلسي عندي ترى الأعمار محدوده
أخاف أموت وتموتين محدٍ حصّل الثاني

أخاف تموت ولا أموت محدٍ نال مقصوده
ولا أخاف مع طول البطى أنسى وتنساني

تراني بأنتظارك والثقه ماهي بـ مفقوده
تكرّم ياحياتي وأجبر الخاطر على شاني

تصرّف يابعد عمري لو البيبان مسدوده
بسرعه يانظر عيني ترى الموت الحمر داني

تمنيت الزمان اللي مضى ليت الله يعوده
ألا ليت الطفوله سنها يرجع كما كاني

دخيل أمك وأبوك تصون سر الحب وعهوده
ترى قلبي لقى عقب الجحيم أنهار وجناني

تعوّض عقب سد الجاهل اللي بيّح سدوده
لقيت اللي مايدري وش وراه فلان وفلاني