آمـنـة༯ .

دارَ حدِيثا طَويلّا بيَنها وبيَن مجَهولهَا ،
- حَتحِبنّي هُواي؟
- َلا.!َ
- يَاا
- راح اعـِشگجَ حِيلَ ..
- َشلون حيل؟
- يعَني انتِي تصَيرين اَلهوهَ الِي يَصعد وينزِل ..
- بَس هذّا گُلش هواُي الِي ،
- قلَيل ورِبچ ..
- طيَبِ راَح تاَخِذني واصِير مْريتَك ؟
- لاَ ..
- همَ لِا !!!!!
- تصِيرين تاَج راسِي؟
- بَوِدي اصير َدنيتك ُوام ُجهالك الستةِ،
- اتمناَج كلُش تعاِلي ،
- جِيتَ
- احبِچ يا گُلشي حلِو ينَگال بلسَاني،
- رُغَـدهَ جَـمَآل.♥️

الساعة الثانية صباحاً
و أنا في موجة عميقة من التساؤل
و أول ما يشغلها
هل ستُرمى هذه النصوص والقصائد بعيداً
في الصحاري ؟
حيث لا قيمة لها إذا قرأتها غير الأعيّن المقصودة بها !
أي أنك لن تقرأها يوماً
و يجف حبك عليها أسرع من حبري
الذي أكتبها به
أوه . . لقد نسيت . . لقد إكتشفت أن حبري أُستوحى من كُحل عينيك
و لهذا هو لا يجف حتى يجف حب هذه العينان في فؤادي المتحرّق
و الشيء الثاني الذي يشغل هذه الموجة
هو أنه لماذا لا يركب هذة الموجة غيرك ؟
و أني لن أسمح بهذا أصلاً !
ستبقى الموجة . .
حتى لو هدأت و إنضمت لسكون المحيط
قد تتلوها موجات أخرى
لكن كلها أنت !

- آمنة مُرتضى

تضيع مني اشياء كثيرة ، ولا أُبالي ، إلا قلبي ! فما إن أستوعب أن شيئاً فيه سيضيع ، تجدني أركض ورائه مُتلهفاً . حتى لو كان حزني ، لأنه كل ما في هذا الفؤاد المُهترئ يخصك . وكل ما يخصك يهمني .

- آمنة مُرتضى

ماكو شي أسمه " الشعائر خط أحمر " أكو شعائر طايح حظها لازم الواحد ينتقدها ويطالب أنو ينوضع حد الها
عاشوراء بغض النظر عن مكانته الدينية فهو يعتبر كرنفال شعبي ينقل صورة وثقافة الشعب العراقي لكل دول العالم فأنت يا تاج الراس من تريد تنقل صورة طيبة عن عاشوراء وعن إمامك للعالم بطل تسوي شغلات و " شعائر " مو منطقية وهمجية بحجة انت تحب الحسين ومن هاي الشعائر هي
التطبير ، تضرب ظهرك بسچينة حادة ، تمشي عالفحم ، تلطم بالنعال ، تخرمش وجهك ... هاي السوالف حتى لو سويتها بطيب خاطر بس صدگني أنت حسب التعبير العلمي " مازوخي " يعني مريض نفسي وتعاني من اضطرابات عقلية ، لأن أذية النفس بأي سبب من الأسباب هو غلط وميسويها شخص عاقل
الكاتب المعروف جورج طرابيشي من أجة يفسر الطقوس الدينية عند المسلمين الشيعة والي الها مركزية خاصة بحيث تتمحور حول مقتل الحسين وأولاده وحچة عن الظلم الي لحق بعائلته والشيعة مالته عموماً
جورج طرابيشي يتجاوز التاريخ ويگول أن أهل الكوفة من ارسلوا للحسين كتب تفيد ببيعتهم واعطاء الولاء اله وما لحق بعدين من ارسال الحسين لسفير للعراق الي هو أبن عمه ، هي من شكلت البذرة الأولى لقيام الطقوس العزائية ، البداية ظهرت على شكل " بكاء عفوي " وبعدين تشكلت ملامح سياسية لهاي الطقوس فيگول الكاتب : " فبعد مقتل الحسين وخذلان اهل الكوفة له، جعل من الجماعة الشيعية تندب حظها وتشارك بطقوس دلالاتها الندم وتعذيب النفس واستمر تشكيل تلك الطقوس حتى اكتملت ملامحها حينما جاء البويهيون حيث امر عضد الدولة بأن تقرع الدفوف وتأتِ النساء وهن يضربن على رؤوسهن وهن يظهرن شعورهن ويبكِ الجميع نحيباً على مأساة عاشوراء."
يعني مو خط أحمر مثل ما أنت تعتقد ! هاي يسموها " شعائر سياسية " ودخيلة ومبتدعة ، لأن حتى الحسين بيوم الطف وصى أخته زينب وگاللها : " يا أُخية ، أني أقسم عليكِ فأبري قسمي ، لا تشقي علي جيبًا ولا تخمشي علي وجهًا ولا تدعي علي بالويل والثبور إذا أنا هلكت "
يعني الحسين بن علي بن أبي طالب بنفسه يحلف أخته يگللها لا تأذين نفسج بالحزن علية أذا آني متت ! ، زين أنت ليش مطبق وصية أمامك وتبطل تضرب براسك وتدمي نفسك بهالهمجية هاي ؟
• أبن تيمية فد زعيم ديني چان يشوف دم سنونه ولا يسمع بطاري الشيعة ، كتب مؤلفات كاملة ينتقد بيها الشيعة وشعائرهم وفقهم وعلمائهم وحتى طريقة لبسهم وأكلهم وشربهم بس مجاب أي طاري للتطبير .. تدري ليش ؟
لأنه ببساطة مچانت هذي الشعيرة موجودة بزمنه وهو مات قبل 690 سنة
• ‏وحتى عالم الاجتماع الإيراني علي شريعتي ذكر ان التطبير شعيرة ابتدعها الزوار الايرانيين بداية العهد العثماني وما چان الها اي وجود قبل ذاك الوقت
• هي أسمه طقوس مواساة مو مساواة
يعني تقتصر على العاطفة والحزن
مو على الجرح والنزف وأذية النفس ! يعني ببساطة .. منظر الدم وهو يغطي الوجوه والأچفان والأطفال بصورة خاصة منظر كلش قبيح ومنفر ومو أنساني ويلعب النفس ومو حضاري ولا يسويها ناس عقال ومعاصرين كل هاي الحداثة والتكنولوجيا .. واذا صدك چنتوا قافلين وتعتبرون التطبير شعيرة " إلهية " فطيح الله حظ هيج شعيرة سيئة