واحد صاحبي سألني وقالِّي إنُّه بيبقىٰ متضَّايق لمَّا حد يجرحه أو يهينه ومايردِّش عليه، وإنّ النَّاس بتقول عليه طيِّب بزيادة! إدِّيته قلم جاف وقولتله اكسره؛ فكسره، إدِّيته أستيكة وقولتله اكسرها؛ فضل يعافر لحد ما قطعها، قولتله أنهي الأصعب؟ قالِّي الأستيكة! قولتله برغم إن هيّ أضعف من القلم في الشدَّة بس هيّ مرنة.
أهو قلبك عامل كده بالضبط لو بقىٰ قاسي وبيرد؛ هيفضل يجرح ويكسر ويتكسر، لو بقىٰ مرن وبيتقبَّل؛ هيتجرح ويجرح بصعوبة.! وسيِّدنا النَّبي بيقول "أقرب المؤمنين مجلساً منِّي يوم القيامة الموطئون أكنافاً الَّذين يألفون ويؤلفون." وإنَّ من أشر النَّاس منزلة عند اللَّه يوم القيامة من أتقاه النَّاس لفحشه ولسوء لسانه!
فكون إنَّك طيِّب وقلبك مختلف عن قلوبهم مش معناه ضعف منَّك؛ إنت جوَّاك نعمة إتنزعت من قلوب كتير إسمها "الرَّحمة" فخلِّيك دايماً أستيكة مش قلم جاف!

- أيمن حبيب.