الطريقة بتعتمد عكذا نقطة.

الكمية، توزيع الكمية، النوعية.


أولاً الكمية لازم تكون متناسبة مع وضعك

ومتل ماحكينا تقريباً لازم تكون ٣.٧ ليتر اذا كنت ذكر.

أو ٢.٧ في حال كنتِ أنثى.


تانياً توزيع الكمية.
المقصود بالتوزيع هون انو يكون على مدار اليوم.

كيف يعني.!

يعني أنا لازم اشرب ٣.٧ ليتر مي على مدار اليوم ومابيمشي الحال اشربا بربع ساعة الصبح.

ليش.!

لأن لما اشرب كمية الكبيرة من المي بوقت قصير، جسمي رح ياخد حاجتو بوقتا ويكب الباقي.

لهيك لازم وزّع استهلاكي على مدار اليوم ومااقطع حالي من المي.



تالت شي وهوي النوعية، المي اللي بيستفاد منها جسمي بتكون بأشكال مختلفة.

مي الحنفية
مشروبات
خضار وفواكه

أفضل الأنواع هنن مياه الحنفية و مياه الفواكه والخضار

بالنسبة للمشروبات مفيدة ولكن لازم نكون حريصين على نوعن وعلى كميتن لأنو فيهن مواد ممكن يكون الها تأثير سلبي. (متل تأثير الكافيين عالاطراح)