Obod va xavfsiz mahalla | UYDA QOLING!

❗️❗️❗️Норматив-ҳуқуқий ҳужжатлар лойиҳалари муҳокамаси порталига «Фуқароларнинг ўзини ўзи бошқариш органлари фаолиятини қўллаб-қувватлашнинг қўшимча чора-тадбирлар тўғрисида»ги қарор лойиҳаси жойлаштирилди.
👉https://regulation.gov.uz/uz/document/17107

📔📖Ҳужжат лойиҳаси билан, фуқаролар йиғинлари тўғрисида қуйидаги низомлар тасдиқланиши режалаштирилмоқда:
👉Фуқаролар йиғини тўғрисидаги намунавий низом ;
👉Фуқаролар йиғини ҳузуридаги тафтиш комиссияси тўғрисидаги намунавий низом;
👉Фуқаролар йиғинининг оилавий қадриятларни мустаҳкамлаш комиссияси тўғрисидаги намунавий низом;
👉Фуқаролар йиғинининг хотин-қизлар билан ишлаш бўйича комиссияси тўғрисидаги намунавий низом;
👉Фуқаролар йиғинининг ижтимоий қўллаб-қувватлаш ва жамоатчилик назорати бўйича комиссияси тўғрисидаги намунавий низом;
👉Фуқаролар йиғинининг экология ва атроф-муҳитни муҳофаза қилиш, ободонлаштириш ва кўкаламзорлаштириш бўйича комиссияси тўғрисидаги намунавий низом;
👉Фуқаролар йиғини ҳузуридаги “Ота-оналар университети” жамоатчилик тузилмаси тўғрисидаги намунавий низом;
👉Фуқаролар йиғини ҳузуридаги “Кексалар маслаҳати” гуруҳи тўғрисидаги намунавий низом;
👉Фуқаролар йиғини раисининг (оқсоқолининг) гувоҳномаси тўғрисидаги низом;
👉Фуқаролар йиғинларида иш юритишни ташкил қилиш ва олиб бориш тартиби тўғрисидаги низом.

☝️Ҳужжат лойиҳаси муҳокамаси жорий йилнинг 10 майига қадар давом этади.

☝️Маҳалла қадрияти ҳар биримиз учун қадрли, албатта.

Сиз азизлардан 👉https://regulation.gov.uz/uz/document/17107 манзили орқали ушбу ҳужжат лойиҳасига таклифлар билдиришингизни илтимос қиламиз! Фаол бўлайлик, азизлар!

✅Мерей: Ибрат ҳам олдим, ишга ҳам олдим.

Мен Зулхумор опани тинглаб жуда ҳайратландим. Чуқурроқ ўйласам, ростдан ҳам халқимизнинг умумий характерида ШУКР ва САБР устувор экан. Мен ҳеч кимни қулликка ёки тобеликка чақираётганим йўқ, шунчаки, олиб борган неъматингни, маҳсулотингни "оз бу" деб отаётганларгаям ибрат бўлсин дегим келди. Ва аёлнинг кучига, қудратига, ақлу закосига қойил қолдим.

Бир тадбиркор сифатида бу аёлнинг ўзини ҳам, эрини ҳам ишга олишга қарор қилдим! Бу менинг юртимдаги бир оилани оёққа турғазишга ҳамда "Саховат ва кўмак" ҳаракатига қўшган ҳиссам бўлсин!

Иш берувчи сифатида биламанки, Зулхумор опадек оқила ва шукрли аёл ҳеч қачон ёмон ишламайди, баракасини берсин!

#Уйда_қолинг
#Ваҳимасиз_карантин

✅Нуроталик Зулхуморхон: "Ёрдамни биздан кўра аҳволи оғирларга беринглар."

"Бир ҳафта олдин онамдан айрилдим. Зарафшонда яшарди. Карантин сабабли бора олмадим, уйда қолиб онамнинг ҳаққига дуо қилишни тўғри деб ҳам билдим. Энди дийдиё қилиб йиғлаб боришдан фойда ҳам йўқ эди.
Оиламнинг тинчлигини сақлаб, эрим ва болаларим билан тинч яшасам онам ҳам қабрида тинч ётадилар. Онам учун энди фақат дуо қилишдан бошқа ҳеч нарса қила олмайман, деб ўйлаяпман.

Биз ҳеч қаерда расмий ишламаймиз, лекин Худого шукур кунимиз ўтиб турибди. Ҳозирги оғир шароитда эса Президентимизнинг сўзлари бизга нажот бўлмоқда. Бизга ҳеч қандай ёрдам керак эмас. Соғмиз, юриб турибмиз. Тандиримиз бор, нон ёпамиз, агар жуда қийналиб қолсак дўкондан қарзга озиқ-овқат маҳсулотларини олиб келиб, яшайверамиз. Кейин ишлаб пул топганда қарзимиздан қутиламиз.

Яхшиси, бизга эмас шаҳарда яшайдиган қийин аҳволдаги оилаларга ёрдам кўрсатинг. Мен уларни жуда яхши тушинаман. Карантин даврида кунлик ишловчилари уйида ўтирибди-ку. Қишлоқ жой баракали, сал қимирлаб меҳнат қилсангиз, тирикчилик ўтади.

Президентимиз Ўзбекистон ҳалқи учун нима зарур бўлса ҳаммасини қиляптилар. Бу синов барчамизга келган. Ҳозир кунимиз ўтиб турганда давлатдан ёрдам сўрасам, Худога ҳам хуш келмайди. Очдан ўладиган замонда эмасмиз, минг шукур”.

☝️Давомини ўқиш👇👇👇

#шукрона

Тошкент шаҳридаги Ҳомийлик ҳайрияларини мувофиқлаштириш маркази томонидан етказилган маҳсулотлар учун ўз шукронасини, миннатдорлигини мана шу сиз кўриб турган расмдаги "спасибо" яъни "раҳмат" сўзини ўз қўллари билан ёзиб, расмга олдириб, бизга йўллаш орқали изҳор этибди.

Бу ёзувни ёзаётганда бу онахоннинг қўллари қанча титрагандир, юраги қанчалар миннатдорлик ҳисси тўлқинига тўлгандир.

Шукр қилаётган одам, айниқса аёл юрагингизда инсоннинг азиз ва мунис, меҳрибон хилқат эканига ишонтиради, инсон эканингиздан фахрланиш туйғусини жўштиради.

Президентимиз 20 апрелдаги йиғилишда халқимизнинг тарихий ва маънавий қадриятларига, меҳр-саховат, оқибат ва ҳиммат каби юксак фазилатларига суяниб, «Саховат ва кўмак» умумхалқ ҳаракатини йўлга қўйиш ташаббусини илгари сурдилар.

Бу барчамиз халқимизнинг саховатпешалик, шукроналик, сабр каби олий фазилатларига суянган ҳолда, синовлардан бир-биримизни омон асраб ўтиб олишимизга ишорадир, ишончдир.

Шукрли ва сабрли бўлайлик, азизлар!

#Уйда_қолинг
#Ваҳимасиз_карантин

🇺🇿Зулфия номидаги Давлат мукофоти совриндори самарқандлик Нуриниссо Усманова👇