خل اقصلكم هذي القصة:

اكو رجال چبير بالعمر توفه فاخذوه اولاده غسلوه وراحوا للمقبره حتى يدفنونه قبل لا ايدفنونه رادوا يصلون عليه صلاة الميت ,بس ماكو واحد من اولاده يعرف يصلي هاي الصلاة ,فبحثوا عن شخص يصلي على ابوهم فوجدو اعرابي مسن فكلوله انريدك اتصلي على ابونه صلاة الميت ,الاعرابي چان على حماره نزل كانت بيده عصا ذباها ,وكف على الجنازه وبقى يتكلم ,وره اشوي كلالهم خلصنه الصلاة دفنوه ,فدفنو الرجال ,بالليل الميت اجه بالحلم لاحد اولاده ,كلاله انا كنت خايف من عذاب القبر وضغطته ومن الذنوب الي عندي بس ابركة صلاة هذا الاعرابي الله غفر ذنوبي ,ابنه كعد الصبح متعجب ,فراح الابن ايدور على الاعرابي فلكاه ,كلاله امس شنو كلت من صليت على والدي ,
كلاله:شوف ابني خل اكلك الحقيقة انا ما اعرف اصلي صلاة الميت لكن بهذا عمري الچبير ولحيتي البيضه فشلة اكلكم ما اعرف فمن وكفت على الجنازه كتله #الهي هذا الشخص اليوم ضيفك لو چان ضيفي ما اعذبه.