مامۆستا قانع

🍃🍃 @mamosta_qani 🍃🍃

بەسەرهاتێکی زۆر خۆش و بەنرخ لە مامۆستا مەولەوی

پیاەوتی و گوزەشتی مەولەوی کورد👌

➖✍جارێکیان بە نیازی حەج مەولەوی ئەکەوێتە ڕێ ،کە ئەگاتە بەغدا هاوڕێکەی پارەی ڕێگای حەجەکەی لێ ئەدزێ و ئەگەڕێتەوە و بڵاوی ئەکاتەوە کە گوایە مەولەوی مردووە ، وەک بڵێی وابزانێ ئیتر مەولەوی ناتوانیێ بگەڕێتەوە‌، کەس و کاری پرسەی بۆ دائەنێن.

➖✍🏽پاش ماوەیەک هەندێ لە زانا و ئەدەب پەروەرانی بەغدا کە بە مەسەلەکە ئەزانن خەرجی ڕێگای بۆ ئامادە ئەکەن و ئەینێرنەوە. کە ئەگاتە بەرەوە ، مناڵ و کەس و کارەکانی دەس بە جێ ئەچن کابرای دزی درۆزن ئەگرن و ئەیبەنه لای مەولەوی. مەولەویش بێ ئەوەی هیچی لێ بکا پێی ئەڵێ : ڕۆڵه خوا ڕووی ئەجەڵ ڕەشکا وا منی خەجاڵەتی لای تۆ کرد ... خۆزگا بمردایەم و تۆم وا بە ڕووزەردی نەدیایە.

شنیدم کە مردان راە خدای
دل دشمنان را نکردند تنگ
ترا کی میسر شود این مقام
که با دوستانت خلافست و جنگ
ــــــــــــــــــــــــــــ
وەرگیراوە لە کاناڵی مەولەوی

🍃🍃 @mamosta_qani 🍃🍃

🍃🍃 @mamosta_qani 🍃🍃
🔸بەشی [۱۷۰].

ماڵی مێروولە بە کەوچکە ئاوێ
وێرانە، بێنه و بەرەی پێ ناوێ

زۆری ناشکوری کرد و هەڵقڕا
وا مانگا مرد و ‌ئیتر دۆ بڕا

چاکە بە چاودا دراوە، توورە
نەقڵی نیرگەکە و پیرە گاسوورە

✍ پەندی پێشینیان، مەلا غەفوور دەبباغی.

🍃🍃 @mamosta_qani 🍃🍃

🍃🍃 @mamosta_qani 🍃🍃

🔸بەشی [۱٦۹].

خەتای نەکروودم بە ملدا بێنی
شانەکەت لە سەر مندا دەشکێنی

مەشهورە دەڵێن خلە دکا گان
بلەی چارەڕەش دەبەن بۆ زیندان

یەکجاری لێژ بوو جێ بە هەتیوان
ماڵ بۆ خۆی نەبوو، ڕووی تێ‌کرد میوان

✍ پەندی پێشینیان، مەلا غەفوور دەبباغی.

🍃🍃 @mamosta_qani 🍃🍃

#قانع_و_لە_هەزار_کەمتر_نابێ

کاک وریا گێڕایەوە و فەرمووی:📣📣

لە پێنجوێن فارسی موحەممەد هەبوو لەگەڵ باوکمدا ڕەفێقە فەقێ دەبن👳‍♀👳‍♀. لە ناوچەی مەریوانەوە دەچن بۆ سنە🚶‍♂🚶‍♂.
لە ڕێگادا دەگەنە ئاوایییەک، دەڕوانن کابرایەک فەیزوڵڵای ناوە💂‍♀، لە سەر دارگوێزێک🌳🌳 خەریک دەبێ گوێز دەتەکێنێ، خەڵکەکەیش لە خوارەوە کۆی دەکەنەوە.
ــــــــــــــــــــــــــــــــــــــــ

وتی ئێمەش حەزمان لە گوێز دەکرد و تازە پێگەیشتبوو، فەقێ بووین بە ناوی پارەوە وتمان: 🗣 کاکە دە گوێزمان بە چەنێ پێ دەفرۆشن💰؟؟!
فەیزوڵڵا لە سەر گوێزەکەوە وتی:( وە گیان پەیغەمبەر وە هەزار نەوێ نایفرۆشم)😕.
هەرچەندە هەوڵماندا بابە ئێمە هەزارمان بۆ چییە😏😏، یەکی دە گوێز دەخۆین، دەستەیەک، دوو دەستە گوێزمان بەنێ بە پارە، چەنێ دەڵێن دەتاندەینێ،☹️☹️
ــــــــــــــــــــــــــــــــــــــــ

وتی قسەیەک لە ئێمە و قسەیەک لە ئەو ، لە سەر دارەکەوە بە تووڕەیییەوە وتی😡😡: ( وە گیان پەیغەمبەر وە هەزار نەوێ نایفرۆشم).
لەگەڵ تەواو بوونی قسەکەی، لقەکە لە ژێر قاچی کابرا شکا 🤯🤯 و کەوتە خوارەوە. کەوتە حاڵەتی بێهۆشی😴 و خەڵک دەورمانیان دا و مەلا گیان بە قوربانت بم یاسینی بخوێنە،🧐🧐
ــــــــــــــــــــــــــــــــــــــــ

ئێمەیش وتمان:( وە گیان پەیغەمبەر وە هەزار نەوێ نایخوێنم) 😂😂
بڕێ تماشایان کردین🤨🤨 و وتیان: کابرا هیلاکە، دەی باشە، باشە هەزار گوێزتان دەدەینێ🤣🤣.
وتی: بێنە پێشەوە، کۆمەڵێک گوێزیان هێنایە پێشەوە😊😊.
ــــــــــــــــــــــــــــــــــــــــ

باوکم وتی من دەستم کرد بە یاسین خوێندن و هاوەڵەکەیشم دەستی کرد بە گوێز ژماردن🤓🤓.
وتی: هیچمان پێ نەبوو🧐. جا بۆ فەقێ عادەت بوو بە سەر دەرپێدا، شەرواڵێکیشیان👖👖 لە پێ دەکرد.
باوکم وتی: هاوەڵەکەم شەرواڵەکەی داکەند و دەرەلنگەکانی گرێ دان و دەستی کرد بە ژماردن😂😂.
ــــــــــــــــــــــــــــــــــــــــ

وتی من یاسینەکەم دەخوێند، ئەو وتی ئەمە حەڤدە، شانزە پانزە!!!😁😁
دەیوت ئەوان لە تاو حەیبەتی کابرا ئاگایان لێ نەبوو، ئەویش شەرواڵەکەی هەتاکوو گرتی، تێی کرد😂😂.
ئیشارەتێکی کرد بۆ من و وتی: ئەوە تەواو بوو1000.
ئیتر منیش کۆتاییم بە یاسینەکە هێنا و گوێزەکانمان برد بۆ سنە🤣🤣.
لەوێ لە مزگەوتێکدا 🕌دامان بە فەقێکان، خۆمان و ئەوانیش تێرمان خوارد😂.
ــــــــــــــــــــــــــــــــــــــــ

#وەرگیراو_لە_کتێبی_زایەڵەی_زرێبار
🍁🍁 @mamosta_qani 🍁🍁

🍃🍃 @mamosta_qani 🍃🍃
🔸بەشی [۱٦۸].

کوڕی چاکی بێ، خێری بەلاشە
بێکەسی دەڵێن بۆ خودا باشە

ڕێز نادا بە کەر درێژیی مەودا
نابێتە ئێستر بە چوونی بەغدا

سەرمایەی ژیان ژن و ددانە
به دەردت نەخۆن، دنیا زیندانە

✍ پەندی پێشینیان، مەلا غەفوور دەبباغی.

🍃🍃 @mamosta_qani 🍃🍃

🍃🍃 @mamosta_qani 🍃🍃

مامۆستا قانع
شێعری : گفت وگۆی دوو بولبول


جارێ بولبولێ سەربەست و ئازاد
ئەسووڕایـــــەوە زۆر بە خاترشاد
لەم دار بۆ ئەو دار، لەم چڵ بۆ ئەو چڵ
لەم باخ بۆ ئەو باخ، لەم گوڵ بۆ ئەو گوڵ

مانگێ لە کوێسان،مانگێ لە گەرمیان
ڕۆژێ لـــە دێهات، ڕۆژێ لــــە شاران
ڕۆژێ رێی کەوتـــــــە داڵانی ماڵێ
خاوەن دەسەڵات حاڵ و ئەحواڵێ

نواڕی قەفەزێک لە زێڕکراوە
لە گۆشەی داڵان هەڵواســـراوە
بولبولی تیایە ئەخوێنێ بە گــەرم
تێ ئەچرکێنێ بە بانگی بێ شەرم

قاپێ پڕ دانە قاپێ پڕ ئـــاوە
لە ناو قەفەزدا ، بۆی دانراوە
بولبولی ئازاد وتی: ئەی بولبول
لەمن خراپتر ئاشق بەڕووی گوڵ

جێم بکەرەوە، بمبە ژووری خۆت
لەو دان و ئاوە کەئەیهێنن بۆت
بەخێوم بکە با دراوسێت بم
هەر وەک خزمەتکار خاکی بەرپێت بم

بولبولی گیراو وتی بەسەربەست:
لەشێت خراپتر، بەخۆڕایی مەست
مەگەر نازانی ئەمە زیندانە
ئەم دان و ئاوە گشتی سـندانە

ئەو گۆرانییە کە من ئەیخوێنم
شین و گریانە، خۆم ئەلاوێنم
ژیانی گیراوی وەک زەهری مارە
کەی ئەساچێنێ هەرکەس هۆشیارە

بە سکی برسی لە چلەی زستان
سەربەست بگەڕێم کوێستان بە کوێستان
خۆشترە لە ناو قەفەزی ئاڵتوون
لەسەر تەختی شا بەزاری و زەبوون

ئەم دان و ئاوە بە میراتم بێ
چون هیوام نییە قەت نەجاتم بێ!


🍃🍃 @mamosta_qani 🍃🍃

🍃🍃 @mamosta_qani 🍃🍃

🔸بەشی [۱٦۷].

ئەگەر برای پشت بوو لە برازا
تازە دەرچوو، کار لە کار ترازا

دەسته چەورەکەت لە من هەڵمەسوو
بووک لەگەڵ تۆمە، گوێت لێ بێ خەسوو

کەسێ وەجاغ‌کوێر سەربنێتەوە
یەکجاری چرای دەکووژێتەوە

✍ پەندی پێشینیان، مەلا غەفوور دەبباغی.

🍃🍃 @mamosta_qani 🍃🍃

🍁🍁 @mamosta_qani 🍁🍁

🔸بەشی [۱٦٦].

نەمام کە تازه چەقابێ دیارە
بە هێزی کەسێک دەردێ دووبارە

بەڵام کە ریشەی داکوتا زەوی
بوو بە دارێکی زل و مل‌قەوی

دەرنایەتەوە، نەک بە شان و پیل
بەکەڵ و کۆتان، تەنانەت بە فیل

✍ پەندی پێشینیان، مەلا غەفوور دەبباغی.

🍁🍁 @mamosta_qani 🍁🍁

🍃🍃@mamosta_qani🍃🍃

نامەیەک بۆ کۆڕی شاعیران👇👇👇


کورد ئەگەر چی زۆرە دەردی، بەردی مەینەت وا لەڕێی
دەس لە ئەژنۆگرتن ئەو بەردانە لا نا با لە ڕێی
شیعری خاوێنم دەوێ، خوێنی دڵ وو زاری نەبێ
رەنگی فرمێسکی دەروون وو بۆنی خەمباری نەبێ
بۆچی ''قانع'' بم لە ژینا، بۆ ئەبی هەوڵێ نەدەم؟
بۆ ئەبی دەس هەڵگرم، تاکوو بە ئامانجم نەگەم؟
هێمنی هەڵناگرێ ئەم چەرخە بۆ کوردی کوڵوڵ
تابە کەی ''هیمن'' بژین وو تێنەکۆشین گورج وو گۆڵ
گەر هەموو پەرداخی ژینم هەروەها پڕ بێ لە ژار
ناگرم دەستم لە ئەژنۆ، قەت بەخۆم ناڵێم: "هەژار"
هەر وەکوو "بێکەس" ئەگەر چی دەردەدار وو بێکەسم
من کەسم کوردە، بە کەس ناڵێم: هەژار وو بێ کەسم
شیعری خاوێنم دەوێ، خوێنی دڵ وو زاری نەبێ
رەنگی فرمێسکی دەروون وو بۆنی خەمباری نەبێ
تا پەریی شیعرم نەدی، هەر ساتە بیری وام هەبوو
داخەکەم چاوی پەریش، غەیری خەمی تێدا نەبوو
بۆ گوڵی شادی گەڕام ماوەی، هەتا بیدۆزمەوە
تاکوو بەرگی بووکی شیعری پێ بڕازێنێمەوە
شار وو کوێستانی وڵاتی کوردەواریم گرتە بەر
پێکەنینێکم نەدی هەرگیز، لە دڵ هاتبێتە دەر
بۆ نەگریم کە من پەروەردەی هەوای شاری خەمم
چی بنووسم، غەیری ئەو فرمێسکە چی بی بەرهەمم
کوردەواری هەر بەشی زووخاو وو دەردە وو زەللەتە
تاکوو داهاتووی بە چی بێ، زەحمەتی ئەم میللەتە
لێم ببوورن ئەی هەژار وو بێکەس وو هێمن، ئەمن
ئیستە ئەیزانم کە ئێوە بۆ چی ئالوودەی خەمن
ئەو خەمانەی نەمدەناسین وا ئەسیری کردووم
چی بڵێم، چۆنی بڵێم، چەشنێ کە پیری کردووم

مامۆستا شەریف

🍃🍃@mamosta_qani🍃🍃

🍃🍃@mamosta_qani🍃🍃

شاعیر:راسان چیاگر

شێعر:کوێستانی دڵ


لە تاوی تـــــــــــــــــۆ بە بێ هۆشم هەمیشە
دڵــــــــــــــداری تۆم دوور لە تۆشم هەمیشە
ئازیەتبارم بۆ یار نا بـــــــــــــــۆ گەلی کورد
بــــــــــۆ کوردستان ڕەش دەپۆشم هەمیشە
بۆ سەر گڵکۆی شەهید دەبمە سوورە گوڵ
بـــــــــــــــــــــــۆ ئازادی تێدەکۆشم هەمیشە
لـــــــــە کۆساران لە ڕووگەی مللەتی کورد
بەیادی تـــــــــــــــــۆ خەم دەنۆشم هەمیشە
خـــۆشم دەوێی خۆشم دەوێی نیشتیمان
لە خەویشدا بە پـــــــــــــــــەرۆشمو هەمیشە
ئێستاش دیارە هــەر کورد بێ لانە دەفڕێ
لە داخی شاج مــــــــــن نەخۆشم هەمیشە
تا لێبدا دڵم ، بــــــــــــــــۆ گەل دەسووتێم
هەر پشتکۆم وهـــــــەم  پشکۆشم هەمیشە

🍃🍃@mamosta_qani🍃🍃