#uch_avlod_uchrashuvi
Oliy ta’lim, fan va innovatsiyalar vazirining 351-sonli buyrug‘ining 54-bandida belgilangan topshiriqlar ijrosini ta’minlash maqsadida “Nuroniy” jamg‘armasi To‘raqo‘rg‘on tumani bo‘limi bilan hamkorlikda Is’hoqxon Ibrat nomidagi ijod maktabida
“Uch avlod uchrashuvi” tashkil etildi.
O‘z hayotini yurt ravnaqi uchun baxshida etganlar hamisha e’zozga loyiq. U
chrashuvda ana shunday tabarruk insonlar – Odilxon Xodjayev, O‘zbekiston Qahramoni Xalchaxon Mirzayeva, “Shuhrat” medali sovrindori Muqaddasxon To‘raboyeva, “Kelajak bunyodkori” medalini olgan yosh futbol yulduzlaridan Umarali Rahmonaliyevning otasi Muhammadjon Rahmonaliyevlar yoshlarga bilim va hunar egallash, aql-zakovatli bo‘lish, izlanish, intilish orqaligina orzu-maqsadlarga yetish mumkinligini o‘z umr yo‘llari misolida tushuntirib berishdi.
Is'hoqxon to‘ra Ibrat nomi tufayli To‘raqo‘rg‘on dong taratdi. Muhtaram Prezidentimiz tashabbuslari bilan bu aziz insonning xotirasiga ulug‘ ishlar amalga oshirildi. Cheksiz iqtidor egasi yorug‘ kunlarni kutib yashadi. Bugun o‘sha zamon keldi.
Ibratning nabirasi Islomxo‘ja Sulaymonov, mehnat faxriysi Burxonjon Nizomovlar shular haqida to‘lqinlanib gapirdilar.
Tadbir ishtirokchilari bo‘lgan Namangan davlat chet tillari institutining talaba-yoshlari o‘z muvaffaqiyatlaridan misol keltirib, davra to‘ridagi hurmatli kishilardan o‘rnak olishga so‘z berdilar.
𝙺𝙰𝙽𝙰𝙻𝙶𝙰 𝚄𝙻𝙰𝙽𝙸𝚂𝙷👇:
https://t.me/manaviyat_namSIFL
