آماندیر بو قاطار گوزدن ایتمه‌سین..
بیر واگون آرزینی بوندا گورموشم..
داراییب ساچلارین آیدین گونلرین..
عشقیله بیربه بیر اوزوم هورموشم..
باخیرام اورکدن دمیر یولونا..
بیر جوت دمیر گورور گوزلریم بوردا..
یان یانا گئدیب‌لر گوزدن ایتینجه..
دایانماق ایسته‌ییر سوزلریم بوردا..
بیربیرینه یئتیب باشدا دمیرلر..
گوردوکجه گوزلریم هئچ اینانماییر..
گئدیرم آردینجا گورم بیرلیگین..
مندن قاچیر بو یول،هئچ دایانماییر..
بیر طرف‌ده سئوگی،بیر یاندا سئوینج..
یان یانا گئدیب‌لر قاطار یولونو..
ویصالا ایمکانی یوخدور یئته‌لر..
یئتیشسه بوینونا سالار قولونو..
نئجه اومود اولوم قاطاری بونا!!
بورداکی ساغ سولا حسرت قالاجاق..
ایندیسه گوزومدن ایتسه بو قاطار!!
منیم‌ده سئوگیمی الدن آلاجاق..
#سعیداصل_امینی
@manim_sheyir_dunyam
