Мехрибонларим √-1

Бугун мен ўзимга хавасим келди.
Тўрини тўлдириб турибди дадам.
Чиройли дуолар тўлдириб кафтга.
Она қизим дея, юрибди дадам.

Хамма хавас қилар дадам бўйига.
Хожининг либоси ярашган экан.
Юзидан нур ёғиб, каба олдида.
Энг чиройли дада меники экан.

Дадажон бойлигим, давлатим сизсиз.
Сиз юрган йўлларда барака бисёр.
Сиз қилган насихат нархику тенгсиз.
Айтинг мендек бахтли яна қайда бор.

Кўзимни нуридек асрайман сизни.
Сира касал бўлманг, дада илохим.
Сиз бор бу дунёда энг бахтли менман.
Онамни отамни асра Худойим.🤲

❤️

✅Яқинларингизга ҳам улашинг

┅অঠই🍃🌹☆❤️☆🌹🍃ইঠঅ┅
Мехрибонларим √-1
┅অঠই🍃🌹☆❤️☆🌹🍃ইঠঅ┅
👉https://t.me/Mehrli_kanaI

ОНАМ ДЕРМАН

Бу оламда улуғ зот ким,
Десанг, ёрим онам дерман.
Ҳаётим устуни мунис,
Вафодорим онам дерман.

Гул умрим машъали ўчмас,
Хаёлдан сурати кўчмас.
Дилимга о, дили пайваст
Мададкорим онам дерман.
Бу оламда улуғ зот ким,
Десанг, ёрим онам дерман.

Кўзим нури-ю дармоним
Неча шодлик ва армоним
Кеча-кундуз нигоҳбоним
Шифокорим онам дерман.
Бу оламда улуғ зот ким,
Десанг, ёрим онам дерман.

Она фарзандга бол бергай,
Муҳаббат гулларин тергай,
Ҳам ардоғлаб, ҳам ўргилай,
Чаманзорим онам дерман.

Узоқ кетсанг, қолар доғда,
Кутар бедор саҳар чоғда.
Муқаддас она тупроқда
Умидворим онам дерман.

Аё, Ёнғин онангни эт шод,
Ёзиб мадҳин ва қилгин ёд.
Она бирлан ҳаёт обод
Мададкорим онам дерман.
Бу оламда улуғ зот ким,
Десанг, доим онам дерман.

✍Ёнгин Мирзо

✅Яқинларингизга ҳам улашинг

┅অঠই🍃🌹☆❤️☆🌹🍃ইঠঅ┅
Мехрибонларим √-1
┅অঠই🍃🌹☆❤️☆🌹🍃ইঠঅ┅
👉https://t.me/Mehrli_kanaI

Онам

Осмоннинг қуёши ойи бор,
Ерларнинг денгизи сойи бор,
Энг нафис гулларга ўралган,
Кўнглимда Онамнинг жойи бор.

Меҳридан қуёшлар яралган,
Довруғи тўрт томон таралган,
Бахтлардан манзили сўралган,
Кўнглимда Онамнинг жойи бор.

Юрагим яшайди шохона,
Сўзидан яшнайди дилхона,
Жаннатдан уй каби кошона,
Кўнглимда Онамнинг жойи бор.

Райҳонлар ифори хуш ёқар,
Туни йўқ доимо кун боқар,
Анҳорин тўлдириб бахт оқар,
Кўнглимда Онамнинг жойи бор.

Армонлар қадами етмаган,
Аламлар қадами етмаган,
Қувончлар келгану кетмаган,
Кўнглимда Онамнинг жойи бор.

Ҳар куни сайрлар қиламан,
Дилимга яхшилик иламан,
Энг яхши маскандир биламан,
Кўнглимда Онамнинг жойи бор.

Осмоннинг қуёши ойи бор,
Ерларнинг денгизи сойи бор,
Энг нафис гулларга ўралган,
Кўнглимда Онамнинг жойи бор.

Муаллиф: Зоҳид Зиё.

✅Яқинларингизга ҳам улашинг

┅অঠই🍃🌹☆❤️☆🌹🍃ইঠঅ┅
Мехрибонларим √-1
┅অঠই🍃🌹☆❤️☆🌹🍃ইঠঅ┅
👉https://t.me/Mehrli_kanaI

Чехов домланинг ҳикматли гапларини таржима қилдим. Бир у‌қиб ку‌рингизларчи...
***
Одамнинг яхши тарбия кўргани дастурхонга шарбатни тўкиб юбормаслигида эмас, балки мабодо бошқа биров шундай қилиб қўйса, уни пайқамаганга олишидадир.
***
Ҳазил-мутойиба ҳисси юқори инсоннинг жиддийлиги жиддий одамнинг жиддийлигидан кўра юз баробар зиёдроқдир.
***
Ақлли инсон ўқишни ёқтиради, аҳмоқ эса ўргатишни.
***
Узундан узоқ воқеалар ҳақида мухтасар гапиришни билиш керак.
***
Ижод завқини туйган одам учун бошқа ҳеч қандай завқу шавқнинг қизиғи йўқ.
***
Олийжаноб одам ҳатто итдан ҳам уялади.
***
Ўзингиздан “мен фойдали иш билан шуғулланаяпманми ёки бўлар-бўлмас юмушлар биланми”, деб сўрашга ҳеч қачон ҳали эрта деб ўйламанг.
***
Агар некбин бўлишни ва ҳаётнинг моҳиятини тушунишни истасангиз, ҳар қандай гаплар ва ёзувларга ишонишни тўхтатинг ва ҳамма нарсани ўзингиз кузатиб, хулоса қилишга одатланинг.
***
Оддий одамлар роҳатни ёки азобни ташқи шароитдан, масалан, от аравадан, лавозим ва кабинетдан, фикрловчи киши эса ўзидан кутади.
***
Шундай одамлар бўладики, доим маъноли ва яхши сўзларни гапирсаям бефаҳмлигини яққол сезиб турасан.
***
Ҳали ёшсиз, кучингиз бор, дадилсиз, тинмай яхшилик қилинг! Бахт деган нарсанинг ўзи йўқ ва унинг бўлиши ҳам керак эмас. Агар турмушда маъно ва мақсад бўлса, у бизнинг бахтимизда эмас, балки бошқа маъқулроқ ва буюкроқ ишларда бўлади. Яхшилик қилинг!
***
Инсоннинг қалбини тушуниш қийин, аммо ўз қалбингни тушуниш ундан-да қийин!
***
Инсонда ҳамма нарса гўзал бўлиши керак: ташқи қиёфа, кийим-кечак, қалб ва ўй-фикрлар ҳам.
***
Афтидан, бахтсизлар оғирликни жимгина кўтариб келгани учун бахтлилар фароғатда яшайди, бундай жимлик бўлмаганда бахт ҳам бўлиши мумкин эмас эди.
***
Инсоннинг тақдири азали шундай: агар у асосий масалаларда адашмаса, майда-чуйдаларда адашади. Чунки мутлақ ҳақиқатни ҳеч ким билмайди.
***
Инсон ҳаётида ойлар ва йилларга алишса арзигулик дақиқалар бўлади.
***
Аёллар эркакларнинг даврасида гулдек очилади, аёлларнинг қуршовисиз қолган эркаклар эса тубанлашади.
***
Умр инсонга бир марта берилади. Шундай экан, уни тетиклик, зийраклик ва олийжаноблик билан яшаш керак.

✅Яқинларингизга ҳам улашинг

┅অঠই🍃🌹☆❤️☆🌹🍃ইঠঅ┅
Мехрибонларим √-1
┅অঠই🍃🌹☆❤️☆🌹🍃ইঠঅ┅
👉https://t.me/Mehrli_kanaI

🌙 Ҳар куни уйқуга ётишдан аввал эртанги кунингизни чиройли ҳаёллар билан тасаввур қилинг. Кўпинча ўйларимиз ҳаётга кучади.
Ҳайрли тун азизларим...
Тунингиз осуда ва тинч ўтсин.Эрта тонгда яна Ассалому алайкум деб учрашишликни Аллоҳим насибрўз айласин.🤲.

✅Яқинларингизга ҳам улашинг

┅অঠই🍃🌹☆❤️☆🌹🍃ইঠঅ┅
Мехрибонларим √-1
┅অঠই🍃🌹☆❤️☆🌹🍃ইঠঅ┅
👉https://t.me/Mehrli_kanaI