Tasdiq

Siz aytgandek chiqdi hammasi,
Gunohimga qilingiz tavba.
Jasadimga tezroq go’r qazing,
Boshginamdan to’king mag’zava.

O’xshamayman sizlarga aslo,
Bilasiz, men boshqa qutbdan.
Chumolidek kun ko’rsin arslon–
yashab bering o’rnimga, lutfan.

Sevgi bilan to’lgan yuragim
g’iybatlardan bo’lmaydi zaxa.
Kulgu tomar ko’zimdan sim-sim,
Sizlar haqsiz: ha-ha-ha-ha-ha!

✍️MehrNoz

Foto muallifi: Marjona Xidirova

@mehrnoz_abbos