(للاكبر ع )
بطيحتك يبني انمرد دلالي
وانكسر ظهري وتغير حالي
@@@@@@@@@
علي يبني شسوت وياي الطفوف
يبني يلاكبر صرت مغزه السيوف
كبال عيني وريت عيني لاتشوف
شنهي يوليدي بعد يجرالي
@@@@@@@@
ياعلي يبني عله الدنيه العفه
الهبت روحي وجمرها ماطفه
شكثر عندي جروح بالطف نازفه
فراك وجهك ياعلي شسوالي
@@@@@@@@@
ظلمت دنياي يلاكبر عليك
جنت اشوف المصطفه يوليدي بيك
بياكلب اوصل واجيلك واعتنيك
الغالي راح الجنت اشوفه بغالي
@@@@@@@@@
طحت يبني ومن طحت جسمك وذر
شلون اردن لمك يبويه بياخبر
آه يوليدي قسه وياي الدهر
الحزن والهم والألم يبرالي
@@@@@@@@@
شلون امك ياعلي من نادتك
كطعت دلالي يبني طيحتك
آه يلاكبر وحسبه حسبتك
طيحتك ضيعت كل آمالي
@@ محسن الجنابي @@@